Blader door transcripties » Stadsarchief Mechelen

archieftoegang 2, inventarisnummer 949, pagina 124

Jan van Beringen
heft, Cale. Jan van Beringen, heeft verreyct Een huys met
hove gronde etcetera dat Janne de Visschere toe plach te hoerene gelyc
inde Lange Byest tusschen Jans vander Heyden erve aen deen zyde
ende Jans van Aken erve aen dander zyde
Ex censu
prima february
Peter Luycx
Ruede, Keynooge, heeren Luycx heeft verreyct Een huys geheeten
conderborch metter plaetsen ende met drie huysen daer aen
gelegen ende oic metten gronde etcetera dat Cornelisen van Heffene
toe plach te hoerene, gelegen aende Corenmarct van Mechelen
tusschen een huys den Salm geheeten toehoerende
aen deen zyde ende wylen Jans van Orssagen erve
aen dander zyde
Ex censu
ut supra tempore simile
Decani et
Cappen et Rumoldo
Eyke, Rogge. Jan Pagie ende Cornelis Leemans dekens ende Aert
de Bere ende Hubrecht Cornelis gesworene endest:t; vanden ambachte
vanden smeden inder stad van Mechelen hebben inden name ende
om des meests orboirs ende profyts wille vanden selven ambachte
gegeven ende bewesen heer Gielis Mennens priester tot behoef
vanden deken ende Capittele der kerken van Sinte Rommonds
staende inde voerscreven stad, Eenen chysgulden erffelix chys, Te
heffene altyt tot heeft Sinte Jansmisse vutgenomen Sintst:t;
jaersmisse daeraf den jersten termyn van betalingen syn
sal tot Sinte Jansmisse naest toecomende Op ende aen alle des
voerscreven ambachts erffelike goeden metten gronde etcetera bynnen
der stad ende vryheyt van Mechelen gelegen, die tselve Ambacht
nutertyt heeft ende hier namaels oic hebben ende vercrigen
sal. A Domino Mechliniensi, Waranderende etcetera.
february tempore simile
Pot Reters
de jonge
Heffen Keynooge, Jan Quisthout heeft Terve gegeven Francen
Quisthout synen brueder, Een huys metten hove gronde etcetera
gelegen inde Milzestrate, tusschen Jans de Ryke erve aen deen
zyde ende Joes de Smet erve aen dandere zyde. A Domino Mechliniensi. Te besittene
Francke
Quisthout
Op eenen erffeliken chys van vier gouden Rynsguldenen
elken van dien tot veertich grooten Vlaems gelts gerekent
erffelix chys Ende die te betalene altyt tot twee terminen
Te wetene deen helft daeraf tot Sinte Jansmisse ende
dander helft tot Kersmisse, Ende sonder eenigen last van voirchyse
dair jaerlix vutgaende, Om welken erffeliken chys van
vier gouden Rynsguldenen, alsoe te betalen, Ende om der meerder
zekerheyt den voerscreven Janne Quisthout daeraf te doene, Soe
heeft de voirgenoemde France Quisthout den selven Janne Quisthout
synen brueder daervoer verbonden alle syne haeffelike ende
erffelike goeden metten gronde etcetera bynnen etcetera wesende ende
gelegen, die hy nu tertyt heeft ende hier namaels oic hebben
ende vercrigen sal
bruary tempore simile
Joes vander
kerken
Ingelram, Cale. Katheline Martens met Joes de Smet haeren man
heeft opte opgedragen ende getransporteert tot behoef van
Joes vander Eeken, wettich soone van Joes vander Eeken
alle de haeffelike ende beruerlike goeden, die haer byder
doot van wylen Claren Smeets haerer moederst:t; moegen gebleven
ende verstorven syn Transferens ac volens ut in forma
III february tempore simile
Mensa Sinte
a
Voesdonc, Borch. Willem de Cale, wylen Pauwels de Cale soone heeft
vercocht Janne vander Heyden ende chys van boven als
proviseurs ende tot behoef vander taflen des Heylichs Gheests
vander prochiekerken van Sinte Kathelinen bynnen Mechelen
de helft van drie chysguldenen erffelix chys die hy hadde
op een huys metten gronde etcetera de voirgenoemde taflen des
Heylich Gheest toehoerende gelegen inden Heembeempt tusschen
Wouter Noots erve aen deen zyde ende Kathelinen Ghoetens
erven aen dander zyde A Domino Beneficiaten de Zellaer
Waranderende etcetera.
Assignavit
IIII february
Jan de
Keysere
vercocht
Borch, ende Peter Boots heeft Terve gegevenst:t; Janne de Keyere ende
Margrieten sConincx synen wive, Een huys metten hove
ende met eenen stucxken lants daer neven liggende houdende
te samen omtrent een vierendeel, gelegen tot Leest inde
Biest tusschen Meester Jans vander Straten erve aende tweest:t;
deen zyde ende Reyners de Leeuw erve aen dander zyde. A Mensa
te stuvers in ecclesia Peter Te besittene op eenen erffeliken chysst:t;
Waranderende. Op vier scellinge Loevens ende twee hynnen ende
de weerde van eenen scellinge ende sesse penninge groote Brabants
gelts dair jaerlix vutgaende
Assignavit
in february