Blader door transcripties » Stadsarchief Mechelen

archieftoegang 2, inventarisnummer 949, pagina 122

De selve
dachmael gelegen tot Hombeke, aende Zypstrate tusschen
de selve strate aen deen zyde ende der kinderen erve van
van wylen Cornelisen van Dormale aen dander zyde. A Domino Mechliniensi,
Waranderende. Op een veertel Rogs ende de weerde van t twee
scellingen grooten Brabants gelts ende noch een gelike veerte
Rogs, die de voerscreven Jan Guedens daer op jaerlix ende
erffelicx heeft ende heft daer jaerlix voir vutgaende met
alsulker condicien, dat de voerscreven man ende wyf zelen mogen
lossen ende quiten altyt als hen dat gelieven sal de voerscreven
twee moekens des voerscreven pachts met vier gouden
Peters al van dien tot XXXVI groten Vlaems gelts
gerekent eens ende met vollen pachte
Assignavit III Peters
XXIIII January
Lodewyck
Ryps
Borre, Cale. Jacop vanden Hove van svaders wegen ende Rommond
Ryps vander moeder wegen als momboiren ende inden name
van Lysbetten Boeyenhans wettige dochter van Janne Boeyenans
ende van Barblen Ryps synen jersten wive, onder haere dien etcetera wesene
wylen
die sy in hen vervingen, hebben by bywesen ende volcomen consente
van Gielisen van Ghestelle commoingmeester vander voerscreven stad
openbairlic voir ons bekent dat sy gehadt ende ontfangen hebben
van Lodewyck Ryps de somme van neghen pond groote Brabants
gelts als voir den afcoop van allen den haeffeliken goeden
die der voirgenoemde wylen Barblen Roys bydest:t; Lysbetten Boeyenhams
byder doot van wylen Margrieten van Floerssem haerer
goeyvrouwen ende des voerscreven Lodewycx jersten wive doen sy
leefde in eeniger manieren gebleven ende verstorven moegen syn
Ende van der sommen van negen pond der voerscreven grooten
Brabants ende oic van al tgene des de voerscreven Lysbeth de voirgenoemde
Lodewyck vut zaken van dien in eeniger manieren soude moegen
heysschen hebben de voerscreven momboiren, inden name vander selver
Lysbetten Quytgesconden los vry ende ledich den voerscreven Lodewyc
ende alle andere dies quitancie behoeven geheelic ende al
XXVI may
Jan Kuelen
Lange, Borch. Jan de Visschere cooperslager, heeft opgedragen ende
getransporteert Claes van Bost tot behoef van van Janne
Tyel wertter der stad van Antwerpen, de haeffelike goeden ende
den allen hier na bescreven ierst drie jaer betaen Steenen
met eenen winde ende anderen haeren toebehoirten. Item negen
Haenvitten. Item vive groote scheren. Item een maer Blaesbalgen
Item sevenentwintich havers, Ende een wage met hondert
Loeten gebrechts Transferens oic volens ut in forma
XXVI novembry
Aert Wabbel
Borch, Cale. Cornelie vanden Driessche, wettige dochter van
wylen Janne vanden Driessche ende van wylen Marien vander
Beke synen wive, heeft by bywesen ende volcomen consente
van Diericken van Dyntere, Henricken de Borgere
Daneel vander Beke ende Janne Daems haer momboiren
Quytgesconden los vry ende ledich, Aert Wabbel Lynenweve
haeren stiefvader van allen den haeffeliken goeden die de
selver Cornelien byder doot vanden voerscreven wylen Janne
vanden Driessche haeren vader ende vander voerscreven wylen
Marien vander Beke haeren moeder, die des voerscreven Aerts
leste wyf was doen sy leefde in eeniger manieren gebleven
ende verstorven moegen syn ende alle andere dies quitancie
behoeven geheelic ende al
XX Juny tempore simile
Clement vanden
Hoeven
Borch, Cale. Marten van Dormale, heeft vercocht Clement vander
Hoeven, Een huys metten hove gronde etcetera gelegen by Sinte
Rommonds kerchof byde poorte vanden Steene, tusschen
Cornelis van Beren bontwerkers erve, aen deen zyde
ende der weduen ende kynderen erve van wylen Janne vander
Hofstad aen dander zyde. A Beato Rumoldo, Waranderende. Op twaelff
pond payments ende elf chysguldenen daer jaerlix vutgaende
Behoudelic dien gaeter min vute dat sal den selven
maten te baten comen
XXVII January
Marie van
Dormale
Item. De voirgenoemde Clement vander Hoeven, dat den voerscreven
Merten van Dormale, hondert ende viventwintich gouden
Rynsguldenen, elken van dien tot veertich grooten Vlaems
gelts gerekent, Te betalene totten terminen hierna volgende
Te wetene de viventwintich Rynsgulden daeraf
naestcomende
opten sevenentwinticheydach van April, Item de
viventwintich Rynsguldenen daeraf opten sevenentwintichsten
daerna volgende
dach van julio. Item de viventwintich Rynsguldenen
daeraf opten sevenentwintichsten dach van octobry daer
na volgende. Item de viventwintich Rynsgulden daeraf
opten sevenentwintichsten dach van Januario daer naer
terstont vervolgende, Ende de viventwintich Rynsgulden
daeraf daer opten sevenentwintichsten dach van April daer
naer oic sonder middel vervolgende, ende hiervoer heeft