Blader door transcripties » Stadsarchief Mechelen

archieftoegang 2, inventarisnummer 949, pagina 120

De selve
wylen Janne de Zadelere, aen deen zyde ende Jans van
Overstegen diemen heet Vlas erve aen dander zyde, strecken
achterweerts metten voerscreven hove totten vlyete toe st:t;
A Domino Mechliniensi. Te besittene op eenen erffeliken chys van vier gouden
Peters elken van dien tot sessendertich groten Vlaems
gelts gerekent, Ende die te betalene altyt tot Sinte Jansmisse
daeraf den jersten termyn van betalingen syn sal van
Sinte Jansmisse naestcomende over een jaer daer na
volgende, Ende opten voirchys van twee chysguldenen dair
jaerlix vutgaende, met alsulker condicien dat de voerscreven
Jacop ende syn wyf sculdich zelen syn te lossene ende te quitene
eenen halven gouden Peter vanden voirscreven vier gouden
Peters des voirgenoemde chys van Sinte Jansmisse naestcomende
over een jaer daer na volgende, Ende dander drie
Peters ende eenen halven, desselfs chys zelen deselve
Jacop ende syn wyf moegen lossen ende quiten altyt als
hen dat gelieven sal met eenen Peter te male ende
elken Peter daeraf met sesthien geliker Peters ende met
vollen chyse
Assignavit XVI Peters eens
XIX January
Cornelis Caluwaerts
Lange, Eyke. Demabreys van svaders wegen Jan van Battele
Willem vander Beke vander moeder wegen, als momboiren
ende inden name van Janne, Lysbetten Kathelinen ende
Pastinen de Bruyne, wettigen kynderen van Gheerd de
Bruyne den meesten deel van henlieden onder haere jaeren
van discrecien wesene, die sy in hen vervingen, hebben vercocht
Cornelisen Caluwaert drie chysguldenen erffelix chys
deselve kynderen de Bruyne hadden op desselfs Cornelis
huys metter plaetsen gronde etcetera gelegen inden Vettersham
inde Corte Ridderstrate in Sinte Rommonds prochie tusschen
der selve kynderen de Bruyne erve aen deen zyde ende Martens
de Bressere erve, aen dander zyde. A Domino Mechliniensi, Waranderende etcetera.
Assignavit XXIIII Rinsgulden eens
XX septembry
Willem Langneel
Heelt, Cale. Lysbeth van Yssche wedue van wylen Claes Langnes
cum tutore heeft opgedragen haer tocht die sy hadde in eenen
bogaert met eenen duyfhuyse daerop staende ende oic
metten gronde etcetera houdende omtrent een halff buender
gelegen achter goidshuys van Onser Vrouwen van Hanswycke
opte Dele tusschen desselfs goidshuys erve aen deen zy
ende de Calchovenstrate aen dander zyde. A Dominen, Johanne
Henricken
vander Aa juravit tot behoef van Willem Langneus dochter
kynderen dier ierst inne geerft werden, daer naer heeft
deselve Henrick Langnees vercocht den voerscreven Willem
Langnees synen brueder, syn helft vanden voerscreven bogaerde
metten duyfhuyse daer op staende ende oic metten gronde etcetera
boven bescreven, Waranderende. Op elf veertelen Rogs ende sesse
pond payments, de vuten voerscreven geheelen bogaerde jaerlicx
gaende
Assignavit XXX Peters
XI January tempore simile
Lysbet van
Yssche
Heelt, Cale. De voirgenoemde Willem Langnees heeft bewesen de
tot haeren live
voirgenoemde Lysbetten synde van Yssche synder moeder vier
gouden Peters elken van dien tot sessendertich
groten Vlaems gelts gerekent, erffelicxst:t; jaerliker lyfpensien
Te heffene altyt opten vyfthienden dach van
meerte daeraf den jersten termyn van betalingen
syn sal te opten vyfthienden dach van meerte
nu naestcomende, Op ende aen zyde synen voirgenoemde
Bogaert metten duyfhuyse gronde etcetera boven, bescreven
A Domino Johanna vander Aa, Waranderende. Ut supra
Ut supra tempore simile
Gheerd de Vos vandest:t; terven oft gheeter van Antwerpen
heeft bekent dat hy verlic vercocht heeft openbaerlic voir
ons dat hy gehadt ende ontfangen heeft van Rommonden van
afscheyde, sessendertich veertelen Rogs Mechelscher maten
Andries
Huyghs
Borch Keynoogmachtelt vanden Polle wedue van wylen Janne vanden
Pollest:t; van Herschole cum tutore heeft opgedragen haer tocht die
sy hadde in vyf gouden Rynsguldenen elken van dien tot
veertich grooten Vlaems gelts gerekent, erffelix chys op een
huys metten gronde etcetera toehoerende Andries Huyghs spellemaker
gelegen opte Mylane, opten hoeck vander Moelenstraten tusschen
deselve Moelenstrate aen deen zyde ende Jans vanden Damme
diemen heet van Beneden erve aen dander zyde streckende
achterweerts met eenen anderen huyse tot inde voerscreven Moelenstrate
tusschen tselve ierste huys aen deen zyde ende des voerscreven
Jans vanden Damme erve aen dander zyde. A Domino Johannes de Muysene
de
filio quondam Johannes de Muysene bastaerden. Juravit tot behoef van
brueder Henricken, Janne Ghysbrechten Thomas Margrieten
ende Kathelinen van Herschelle haeren kynderen welke brueder Henricx
behoef
Jan Ghysbrecht ende Thomas tot haeren ende momboiren vanst:t;
ende Willem vander Cammenaeyen tot voirscreven Magrieten syns wyfs
behoef ende oic de momboeren hier aen