Blader door transcripties » Stadsarchief Mechelen

archieftoegang 2, inventarisnummer 949, pagina 109

zuster met Henricken Boys bontweekere haeren mannen
vercocht jouffrou Jehannen sVos beghinen deen
voerscreven chysgulden ende de voirgenoemde achtentwintich
scellinge payments erffelix chys die sy hadden
opte voerscreven schuere metten hove gronde etcetera boven
bescreven. A Domino Mechliniensi, Waranderende etcetera.
Assignavit den XXII denier
XXII decembry
Katlyne sPapen
Idem. Marie vanden Hove wylen Jacops vanden Hove
cum tutore
dochter voer de vier achtstedeelen ende Rommond van
Perke voer een achtstedeel, hebben vercocht Kathelyn
sPapen weduen van wylen Janne Bresselinc, jaerlic
wive achtstedeelen ende alle trecht die sy hadden in
Eenen chysgulden erffelix chys, op een huys
den Wildeman geheeten metten gronde etcetera der voerscreven
weduen Byesselike ende haere kynderen toebehoerende, gelegen
in Sinte Kathelinen strate, tusschen des goidshuys van
Boudeloe erve aen deen zyde ende der kynderen erve van
wylen Janne vander Heyden, aen dander zyde. A Beato
Rumoldo, Waranderende etcetera
Assignavit den XVI
ut tempore simile
De kynderen Jans
vanden Broeke
Cale, Keynoogge. Jan vanden Broeke. Rommonds vanden Broeke sone
ende Lysbeth Ghers syn wyf hebben gewilt ende
openbaerlic voir ons geordineert dat alle haere kynderen
alsoe wel meyskens als knechtkens ende brueckens aldaer
meyskens, die sy nu tertyt deen vanden anderen vercregen
hebben ende hier namaels oic deen vanden anderen zelen
moegen vercrigen, Evengelyc ende in gelyken deele ende
porcien hebben houden aenveerden, besitten ende gebruyken
zelen alle de haeffelike ende erffelike goeden bynnen
ende buyten der stad ende vryheyt van Mechelen wesende
ende gelegen, die na eensyegelicx doot vanden voerscreven Janne
ende Lysbetten zinen wive haeren onderen in eeniger manieren
zelen bliven
XXII decembry
Jan Breugelman
Cale, Keynoege, Katheline Tymermans wedue van wylen
Janne de Vogelere, cum tutore heeft vercocht Janne
den huys metten hove gronde
Breugelman heeren wive gelegen opte Dele, tusschen Jorys
Loys erve aen deen zyde ende desselfs Jan Breugelmans
erve aen dander zyde. A Domino Petro de Herbeys milite
Waranderende. Opte weerde van Acht scellinge ende negen penningen
groote Brabants gelts dair jaerlix vutgaende
Assignavit XXVIII Rinsgulden eens
XXII decembry tempore simile
Gielis de Heyden
Cale, Keynoogge. Brueder Jan Boer prioer des goidshuys vanden
inden name vanden zelven
Augustinen staende inder stad van Mechelen heeft by bywesen
ende volcomen consente van brueder Mathys vanden Vekene
procurator desselfs goidshuys vercocht Gielis de Bruedere
Barbier, Eenen chysgulden erffelix chys, die de tvoirgenoemde
goidshuys hadde op desselfs goidshuysst:t; Gielis de Bruedere
Twee huysen metten hove ende met eenen anderen huyse
daer achterstaende ende oic metten gronde etcetera gelegen deen
neven dander inde Coestrate opten hoeck vander Corte Byest
tusschen deselve Corte Byest, aen deen zyde ende wylen
Jannes Vlemings erve aen dander zyde. A Domino Mechliniensi, Waranderende etcetera.
Assignavit XII denier
ut supra
Mensa Sinte Petrus
Cale, Keynoege, Henrick van Beringen barbier heeft vercocht
Marten van Hasselt diemen heet Smout als rentmeester
ende tot behoef vander taflen des Heylichs Gheests vander
prochiekelken van Sinte Peters bynnen Mechelen, Eenen
chysgulden erffelix chys, die de voirgenoemde Henrick hadde
op zekere erven metten gronde etcetera de voerscreven taflen
omtrent den Berthoutshof gelegen der voirgenoemde taflen
des Heylichs Gheests toebehoerende. A Domino Mechliniensi, Waranderende etcetera.
Assignavit den XI denier
ut supra tempore simile
Wouter Daems
et uxore
ende Kathelinen
van Eykenvoerde
synen wive
Yngelram, Cale. Jan sCreven wettich soon van wylen Daneel
sCranen ende Katheline sCranen syn zuster met Marten de
Smet haeren man hebben vercocht Wouteren Daems
spellemakere vier gouden Rynsguldenen elken van
dien tot veertich grooten Vlaems gelts gerekent
erffelix chys die sy hadden, op een huys dat tanderen
tyden twee huysen oft erve geweest hebben metten
hove gronde etcetera streckende achterweerts toten vlyet aldaer
den voerscreven
dat toebehoert, Kathelinen van Eykenvoerdest:t; weduen van
wylen Henricken van Eyndoven, diemen heet Deertsteke
als tot haer tocht, ende alle Janne, Henricken ende
Margrieten van Eyndoven haeren kynderen als tot haeren
erffelicheyt, gelegen in Sinte Kathelinen strate tegen