Blader door transcripties » Stadsarchief Mechelen

archieftoegang 2, inventarisnummer 949, pagina 107

stuck lants metten gronde houdende omtrent een half
Hazevelt
vierendeel, gelegen tot Hevere opt Biezelvest:t; tusschen des
voerscreven Jan Scheers erve aen deen zyde ende der taflen des
Heylichs erve vander prochiekerken van Hevere aen dander
zyde, Ende op haerlieder stuck beempts metten gronde etcetera
gelegen houdende omtrent een halff buender, gelegen aldaer
int Loobroeck tusschen der weduen ende kynderen erve van
wylen Claes vander Beke, aen deen zyde ende Jan Vrancx
erve aen dander zyde. A Domino Mechliniensi, Waranderende. Opten op twee
scellinge groote Brabants gelts dair jaerlix voir vutgaende
met alsulker condicien dat de voerscreven tochtenere ende
erfgenaem zelen moegen lossen ende quiten altyt als hen dat
gelieven sal, de voirgenoemde twee gouden Peters des voerscreven
chys met sessendertich gelike Peters eens ende met
vollen chyse
Assignavit den XII denier
XX decembry
Ghysbreck
Hermans et uxore
Eyke, Ingelram. Jan Rabboots heeft terve gegeven Ghysbrecht
Hermans ende Barblen Roelanders synen wive, Een huys metten
gronde etcetera dat Henricken van Aken toe plach te hoorne, gelegen
achter de Halle inden sack, tusschen heer Jans Carondelet
Ridders erve, aen deen zyde ende der kynderen erve van wylen
Jans van Aken aen daer zyde. A Domino Mechliniensi. Te besittene op eenen
jaerliken ende erffeliken chys van Twee ende eenen halven
gouden Rynsguldenen, elken van dien tot veertich groten Vlaems
gelts gerekent Te heffene altyt tot Kersmisse vutgenomen
Kersmisse naestcomende, Ende opten voirchys van drie
gouden Peter, te wetene sessendertich groten Vlaems gelts
voir elken van dien gerekent, ten voirscreven huyse jaerlicx
voir vutgaende
Assignavit II Rinsgulden
den XVI denier
X decembris
Claes vander
Rode
Eyke, Ingelram. Marie van Vuerssele wedue van wylen
Willem Ymbrechts, heeft opgedragen haer tocht die
sy hadde inde inde drie vierendeelen van eenen
huyse in een huys metten hove ende met eenen stuck
lants daer achter aen liggende ende oic metten gronde etcetera
gelegen buyten de houdende tsamen meer dan een
vierendeel, gelegen buyten de Bruesselpoerte inde Rechtstrate
De selve
tusschen Jan Cloet erve aen deen zyde ende deselve
ende Gielis Sanders ende Claes vanden Rode erve aen dander zyde
A Domino Johanna vander Aa, huert tot behoef van heer Lodewyc
Ymbrechts priester ende van Loyende Marten Ymbrechts synen bruederen
der voerscreven weduen kynderen die ierst inne geerft werden
daer naer hebben de voirgenoemde heer Lodewyck, Loy ende Marten
Ymbrechts gebruederen vercocht den voirgenoemde Claes vanden Rode
voerscreven huys metten hove lande gronde etcetera boven bescreven waranderende.
op eenen mottoen ende twee gouden Rynsguldenen elken van
dien tot veertich grooten Vlaems gelts gerekent daer jaerlycx
vutgaende
Assignavit II Ringuldene ende
XXa decembris
Lysbetten groeten
syns wyfs behoef
Andries van
Leest et uxore
Heelt, Eyken, Augustyn de Moninck heeft vercocht Andries
doen ende
van Leest Zeeldrayere, Twee huysen metten hoven gronde etcetera
gelegen deen neven dander inde Aedeghemstrate opten hoeck
van eender cleynderstraten aldair, tusschen deselve ste
aen deen zyde ende wylen Aerts van Voesdonck erve aen
dander zyde, comende achtweerts megen voerscreven hoven, tot
aen desselfs wylen Aerts erve. A Domino Mechliniensi, Waranderende. Op drie
groote Brabants gelts daer jaerlix vutgaende
Assignavit XXXIII Rinsgulden
X decembry
Augustyn de
Monnick uxore
et
Item. De voirgenoemde Andries van Leest heeft bewesen den
voerscreven Augustyn de Moinck tot sinen ende Lysbetten
Wouters syns wyfs behoef als tot haerer beyder tocht
ende oic tot behoef van Augustyn ende Hubrechten de
Monnick des voerscreven Augustyns ende wylen Kathelinen
vander Beke syns ierste wyfs kynderen, als totter selver
kynderen erffelicheyt, Twee pond grote Brabants gelts
erffelix chys
Te heffene altyt tot Sinte Jansmisse vutgest:t; daeraf
den jersten termyn van betalingen syn sal van Sinte
Jansmisse naestcomende over eenen jaeren tyt daer naer
volgende, op des voerscreven Andries huys Twee huysen metten
hoven gronde etcetera boven gescreven. A Domino Mechliniensi, Waranderende. Op drie grooten
Brabants gelts daer jaerlix voir vutgaende, met alsulke
condicien dat de voerscreven Andries sal moegen lossen ende
quiten de voerscreven twee pond groote Brabants gelts des voirscreven
chys tot twee malen ende elken penninge daeraf met
sesthien, geliker penningen eens ende met vollen chyse
ut supra