Blader door transcripties » Stadsarchief Mechelen

archieftoegang 2, inventarisnummer 949, pagina 103

sy verbonden alle haer haeffelike ende erffelike goeden metten
gronde etcetera bynnen etcetera wesen ende gelegen, die sy nu ter
tyt hebben ende hier namaels oic hebben ende vercrigen
zelen, sunderlinge haerlieder helft van Eenen coopgesen
met allen synen toebehoerten, die sy tegen den voerscreven
Jacoppen gecocht hebben. A Domino Mechliniensi,
XVII octobris
Rende, Eyke. Jan Mathys endest:t; Blaeuwere ende Lysbeth sWalen syn
wyff, den Godevaert vogel van Antwerpen, thien ponden
thien scellinge grooten Vlaems gelts Te betalen deen helft
daeraf tot derthien misse, Ende dander helft tot Ompen
beyde naestcomende, Ende daervoer hebben sy verbonden
alle haer haeffelike goeden waer die bevonden zelen worden
Ende oic alle haere erffelike goeden metten gronde etcetera
bynnen etcetera wesende ende gelegen die sy nu tertyt hebben ende
hiernamaels oic hebben ende vercrigen zelen sunderlinge
haerlieder huys metten hove gronde ende allen synen
toebehoerten, gelegen inde Vetterstrate opten hoeck
vander Ledicheyt tusschen deselve Ledicheyt aen deen
zyde ende Wouter Zegers erve aen dander zyde. A Domino Mechliniensi,
XVI novembris
Lange, Yngelram. Jan Struyssens de Jan van Yssche Willem
Langneese, Rommonden de Beckere ende Mathys Stockens als
momboeren ende tot behoef van Lysbetten van Lyssche wylenst:t;
Willems van Yssche dochter Tweentwintich gouden Peters
elken van dien tot sessendertich groten Vlaems gelts gerekent
Te betalene bynnen eenen jaer tyts naestcomende endest:t; van
Sinte Andries dage naestcomende bynnen eenen jaer tyts
daer na volgende, Ende daer voer heeft hy verbonden
alle sine haeffelike ende erffelike goeden metten gronde etcetera
bynnen etcetera wesene ende gelegen die hy nu tertyt heeft
ende hier namaels oic hebben ende vercrigen sal
XXVIIII novembris
Item. Henrick Dogghe, de den voerscreven momboiren
elf
totter voerscreven Lysbetten behoef ende hierst:t; gouden Peters vanden
voirgenoemde pryse, Te betalene vanden voerscreven Sinte Andries
dage naestcomende bynnen eenen jaeren tyt daerna
volgende, Ende daervoer heeft hy verbonden alle sine
haeffelike ende erffelike goeden metten gronde etcetera bynnen etcetera
wesen ende gelegen die hy nu tertyt heeft ende hier namaels
oic hebben ende vercrigen sal
ut supra
Borch, Ingelram. Augustyn Huyghs ende Aert Roelands bontwerke
vivendertich Rynsgulden, elken van dien tot veertich groten
Vlaems gelts gerekent Te betalene totten terminen hierna
volgende, Te wetene den eenen Rynsgulden daeraf bynnen
eender maender tyts naestcomende. Item eenen Rynsgulden daeraf
bynnen eender maende tyts daer naer volgen, Ende soe
voertaen tot elker maende alsdan deen na dander sonder
middel vervolgende, eenen derselver Rynsgulden die etcetera
Ende hier voer hebben syst:t; heeft hy verbonden alle met
haeffelike goeden waer die bevonden zelen worden, Ende
daer toe syn huys twee huysen oft woeningen negen
hove gronde etcetera gelegen deen neven dander inde Zeelstrate
tusschen wylen Henrix van Eykenvoerde erve aen deen
zyde ende des voerscreven Augustyns ander erve aen dander
zijde. A Domino Mechliniensi,
prima decembris
Jan Essche
tcontractu debet
Jan Relande Joos
geditoch quyt
penult
XXVI may
met Barbier
te bate
gouden Rynsgulden elken van dien tot veertich groten Vlaems
Heffene, Borch, Katheline Ramonts de Janne de Wynne twaelf
gelts gerekent Te betalen deen helft tot Onser Liever
Vrouwen dage puerscaps ende dander helft tot Paesschen
beyde naestcomende, Ende daervoer heeft sy verbonden alle
haere haeffelike goeden waer die bevonden zelen worden
die sy nutertyt heeft ende namaels oic hebben ende vercrigen sal
X novembry tempore simile