Blader door transcripties » Stadsarchief Mechelen

archieftoegang 2, inventarisnummer 949, pagina 10

de executeurs van
wylen Henric de
Keyse
Mol, Cale. Gheertruyt Keysers, wylen Wouters de Keysere
dochter, heeft Quytgesconden los vry ende ledich heeren Anthoenis
Woutgheerts priester, ende Jan Hemelrycx als executeurs vanden
testamente ende vutersten wille van wylen Henricken de Keysere haeren
oem vander sommen van vyftich gouden Peters elken van dien tot
sessendertich grooten Vlaems gelts gerekent, die deselve wylen Henric
haer oem, haer met synen testamente gemaect ende gelaten heeft ende
alle andere dies quitancie behoeven geheelic ende al
Xa may
Idem
Item. Wouter ende Godevaert de Heymere, wettige kynderen van
van hen selven ende oic inde de
wylen Wouteren de Keysere inden name van Kathelinen ende
Heylwych de Keysere haerlieder zusteren van Janne de Keysere
des voirgenoemde wylen Wouters brueder ende van Kathelinen ende
Heylwych de Keysere, desselfs Jans de Keysere kynderen van
Hellegen de Keysere, oic des voerscreven wylen Wouters ende Jans de
Keysere zuster ende van Godevaert Mathys, Heylwych ende Barblen
chys der selver Hellegond kynderen, absent wesende die sy in
hen vervingen, Ende oic Gheertruyt de Keysere, des voerscreven
Wouters ende Godevaerts de Keyser zuster, als gerechte ende eenige
erfgenamen van wylen Henricken de Reyere st:t;st:t;
de voirgenoemde wylen Wouters Jans ende Hillegonds brueder
ende der voerscreven Wouters Godevaerts, Kathelinen Gheertruyden
Heylwych, Kathelinen ende Heylwych de Keysere ende der
voerscreven Godevaerts, Mathys, Heylwych ende Barblen Thys, om
doen hy leefde, hebben openbaerlic voir ons bekent dat hen de
voerscreven executeuren goede ende rechtverdige rekeninge ende
bewys gedaen hebben van allen den haeffeliken goeden
die boven des voerscreven wylen Henrix de Keysere, wettige sculden
costen van synder vutvaert ende boven syne legaten ende
makingen in synen testamente bescreven gebleven ende
overgeschoten syn ende die deselve wylen Henrick henlieden
metten selven synen testamente gemaect ende gelaten heeft
Ende daeraf ende oic van alle tgene dat sy den voerscreven
executeuren vut zaken van dien goeden in eeniger manieren
souden moegen heysschen, hebben de voerscreven Wouter ende
Godevaert de Keysere, inden name als voer ende mede
voerscreven Gheertruyt haerlieder zuster Quytgesconden los
vry ende ledich den selven executeuren ende alle andere dies
quitancie behoeven geheelic ende al, Gelovende mede
deselve Wouter ende Godevaert de Keysere, den voerscreven
executeuren tegen de voerscreven haere medeerfgenamen dair
ende elk
anderen
tgene dat voerscreven staet altyt scadeloes quyt te houden
ende tontheffene
ut supra tempore simile
Gheerdt Lauwerts
Mol, Lange. Henrick Lauwers voldere, heeft opgedragen syn tocht
die hy hadde in Een huys metten gronde etcetera gelegen tot Neckerspoele
inde Mandestrate, tusschen Jans de Vos volders erve aen deen
zyde ende Jans de van Hevere de jongen erve aen dander zyde
streckende achterweerts met eenen vutgande totter Heergracht
A Domino Mechliniensi, Juravit tot behoef van Gheerd Jehanne, Kathelinen ende
Margrieten Lauwers synen kynderen, die hy van wylen Amelberge
vanden Eynde synen jersten wive vercregen heeft welke Gheerd
Katheline ende Margriete tot haeren ende totter voerscreven Jehannen
haerer zuster behoef, ierst daerinne gegoedt waren, daer
naer hebben de voerscreven Katheline Lauwers met Denys van
Merode ende de voirgenoemde Margriete Lauwers haer zuster met Peteren
Wouteren vanden Broeke diemen heet de Rommakere, de Wouters
vanden Broeke diemen heet de Keermaker soon, haeren mannen
vercocht den voirgenoemde Gheerd Lauwers haeren brueder, haerlieder
twee vyfstedeelen vanden voerscreven huyse metten gronde etcetera boven
bescreven, daeraf dander twee vyfstedeelen den selven Gheerd
toebehoirende, Waranderende. Op Seven scellinge ende sesse penninge groten
Brabants gelts vuten voerscreven geheelen huyse jaerlix gaende
Assignavit XXVII Rinsgulden eens
XXI tempre simile
bruederscap van
Onse Lieve Vrouwen
in Sinte Peters kercke
Mol, Langhe. De voirgenoemde Gheerd Lauwers heeft vercocht Lodewyc
van Berlaer ende Janne de Meyere als proviseurs van ende
tot behoef vanden geliken dienste van Onser Lieve Vrouwen
bruederscape inder prochiekerken van Sinte Peters bynnen
Mechelen, Seven scellinge ende sesse penninge groote Brabants
gelts erffelix chys Te heffene altyt opten twintichsten
dach van meye, Op ende aen des voerscreven Gheerds vier vyfstedeelen
vanden ven huyse metten gronde boven bescreven, Waranderende. Opten
voerscreven chys dair jaerlix voir vutgaende
Assignavit den
ut supra tempore simile
Peter Peter Myde
et aly
Mol, Lange. Jouffrou Lysbeth vander Heyden wedue van wylen Meester
Machiel van Commene, heeft openbairlic voir ons soe verre
haer dat aengack geconfirmeert geapprobeert ende van
#
weerden gehouden, alsulken testamente ende vutersten wille
wylen
als deselve Meester Machiel haer man voir notaris ende
getuygen ende oic voir onse medescepenen, niet lange geleden
gemaect ende geordineert heeft Ende heeft daertoe voir
ons bekent dat sy gehadt ende ontfangen heeft van Meester
Peteren Myde den die met meesteren Claes de Ruere ende
Janne Doublet geconteert synen is, by mynen heer
Cancellier ende den heere vanden grooten Raide, ons genadich
heeren des hertogen van Oestryck van Rogge ende etcetera om te betalen