Blader door transcripties » Stadsarchief Mechelen

archieftoegang 2, inventarisnummer 950, pagina 96

Bol, Voesdonck. Adriaen van Voesdonck, Jan van Voesdonck syn
vader ende Jorys Cleynaerts wylen Godevaerts soon, die Adriaen
de
de Keyser van Dordrecht, Sesthien pond groten Vlaems gelts
Te betalene totten termynen hier na volgende, Te wetene
deen derdendeel dairaf tot Sinte Martensmisse naestcomende
dander derdendeel dairaf opten vyfthienden dach van
meye dair na volgende, Ende tderde derdendeel daeraf
tot Sinte Martensmisse, daer naer ter stont ende sonder midde
vervolgende, Ende dair voir hebben sy verbonden alle haer
haeffelike goeden waer die bevonden zelen worden ende
oic alle haer erffelike goeden metten gronde etcetera bynnen zyn
gelegen die sy nu ter tyt hebben ende hier namaels
oic hebben ende vercrigen zelen. A Domino Mechlinieni,st:t; ende sunderlinge
de oic mede de voirgenoemde Adriaen van Voesdonck syn scap
met allen synen gewande ende toebehoirten, dwelc hy
tegens den voerscreven Adriaen de Keysere in manieren van
mangelingen voir een ander scip gecregen ende ontfangen
heeft. A Domino Mechliniensi, in promisit, alsoe indempne Relenare
XXI aprilis
Jan vanden Bossche de Rommond Huens, Tweentwintich
pond groote Vlaems gelts Te betalene de vier pond twaelff
scellinge groote daeraf, tusschen dit ende den lesten dach van
meye naestcomende. Item de vier pond twaelff scellinge grooten
daer af opten vyfthienden dach van Augusto, daer na ter
stont volgende, Ende de twaelf pond sesthien scellinge grooten
oic daer af tot Bamisse daer naer sonder middel vervolgende
Ende daervoer heeft hy verbonden
Steynemoelen, Vos. Jan vanden Bossche de Rommond huer derthien
pond sesthien scellinge groten Vlaems gelts Te betalene deen
derdedeel helft daeraf opten lesten dach van meye naestcomende
Item dander derdedeel daeraf opten vyfthienden dach van
Augusto daer na terstont volgende, Ende tderde derdedeel
oic daeraf tot Bamisse daer naer sonder middel vervolgende
Ende hier voer heeft hy verbonden alle sine haeffelike goeden
waer die bevonden zelen worden ende oic alle synen erffelike
goeden metten gronde bynnen etcetera gelegen, die hy nu ter tyt
heeft ende hier namaels oic hebben ende vercrigen sal
Ultima aprilis
Vos, Roebosch, Willem Godevaerts wylen Gheerds sone, dat Janne
schermer natuerlic soon, wylen Claes Schermer, hondert gouden
Rynsgulden, Te wetene veertich groten Vlaems gelts voir
elken der selver Rynsgulden gerekent, Te betalene tot synder
manissen, Ende hier voir heeft hy verbonden ende te pande
geset alle syne haeffelike goeden, wair die bevonden selen
worden, die hy nu ter tyt heeft ende hier namaels oic
hebben ende vercrigen sal
Piter es ende
Stractus debet
consens
syde gediteur
in ende ofte bate
a met
Marie den
XIX
Herbe
VI may