Blader door transcripties » Stadsarchief Mechelen

archieftoegang 2, inventarisnummer 950, pagina 87

Jan Bogaerts
wyf ende haere
kynderen
Kerman, Sessart Gielis van Schore heeft vercocht Janne Bogaert
van Leest ende Lysbetten vanden Broeke, te synen wive tot haeren
behoef, als tot haerer beyder tocht ende oic tot behoef van
Kathelinen Bogaert haerer dochter, die hy den vanden andere
haeren
vercregen hebben ende van allen den anderen kynderen die sy hen
namaels deen vanden anderen zelen moegen vercrigen, als tot
alle der selver kynderen erffelicheyt, vyfthien veertelen Rogs
goede etcetera Mechelscher maten erfpachts Te betalen ende te
leveren Altyt tot Kersmisse daer af den jersten termyn van
betalingen syn sal tot Kersmisse naestcomende, Op ende aen de
voerscreven Gielis Moelenberch metter wintmoelen daerop
staende opbaren ende aflaren tot inden gemeynen wech aldaen
gelyc ende alsoe die inde prochie van Heffene staet ende gelegen
es. Item op synen watermoelen metten huysen sluysen Dycke
bruggen bekene gronde ende allen anderen synen toebehoerten
gelyc ende alsoe die inde prochie van Leest gelegen syn, Ende
op syn stuck lants oft delle aldaer voer tselve beken
gelegen. A Domino Mechliniensi, Waranderende. Op twintich zacken Rogsst:t; waer
zacken Rogs daer jaerlix voir vutgaende met alsulker
conacien dat de voerscreven Gielis sal moegen lossen ende quiten
altyt als hem dat gelieven sal de voerscreven vyfthien veertel
Rogs des voirgenoemde pachts tot eenen male ende elke veertele
daeraf met thien gouden Peters elken van dien tot
sessendertich groten Vlaems gelts gerekent eens ende met vollen
pachte
Assignavit X Peters voir deele
XXVIIIa
Dambacht vanden
spellemakers
Hulst, Vos. Heer Jan van n Huel alias vander Moelen priester
heeft gegeven ende bewesen, Henricke Balleman deken, Wouteren
Daems ende Hubrecht de Moinck geswoirne vanden ambachte vanden
dispellemakers bynnen Mechelen tot behoef vanden selven ambachte
drie gouden Rynsgulden elken van dien tot veertich groten Vlaems
gelts gerekent, erffelix chys Te heffene naer de doot vanden
selven heer Janne ende niet eer, altyt tot Kersmisse, dairaf den jersten
termyn van betalingen syn sal, tot tot Kersmisse die ierst naer
desselfs heeren Jans doot alsdan comen sal, Op ende aen desselfs
syn huys metten hove ende bogaerde gronde etcetera gelegen inde
Zeelstrate tusschen Jans van Horenbeke erve aen deen zyde ende
Jan Zegere erve, aen dander zyde streckende achterweerts metten
voerscreven bogaerde tot inde Nokerstrate. A Johannes de Muysene filio quondam
Johannes bastarde, Waranderende. Op twaelf scellinge Loevens dairvoir
vutgaende, met condicien dat de voirgenoemdest:t; geswoirnen vanden selver
ambachte altyt by tyden wesende naer desselfs heer Jans doot sculdich
ende gehouden zelen syn, alle weken ten eeuwigen dagen te doen
celebreren inder kerken van Sinte Kathelinen des dysendaegen op
Sinte Machiels outaer eene erffelike misse ter zalicheit van synen
zelen, sonder eenich wederseggen oft argelist
XXVIII Juny
Aert Wemaels
Hulst, Vos. Jouffrou Goedele Wemaels beghine cum tutore heeft vercocht
Aert Wemaels haeren brueder, haer derdedeel van Eenen huyse
metten hove gronde etcetera gelegen int Gruenender byde Mynnenbrugghe
tusschen Jan Yngels erve aen deen zyde ende Wouters de Woye, hoff
aen dander zyde. A Beato Rumoldo, Waranderende. Opten chys dair jaerlicx
vutgaende
Assignavit XVI gulden
Ultima Juny
Willem Luyten ende
zyn wyf
des Guedinge es
nyente gedaen met
ende goedingen gesch
tusschen prit III february
deen
Voesdonc. Bebosch, Lysbeth Maes wettige dochter van wylen Henricken
Ses met Henricken Moere haeren man, heeft vercocht
Willem Luyten ende Dignen Moens synen wive, tvierendeel van
Eenen huyse metten gronde etcetera optenst:t; gelegen opten hoeck
vander derde Vleeschouwersstraten tusschen deselve aen
ende
deen zyde, tusschen der weduen ende kynderen erve van wylen
Janne vanden Eynde, aen dander zyde van welken huyse
vander twee vierendeelen den selven Willeme ende synen wive
toebehoeren. A Domino Mechliniensi, Waranderende. Opten chys daer jaerlix vutgaende
Assignavit LXIIII Peters daer
den chys weggende is
Ultima Juny
Meester Jan van Goossel
Jureys vander Elst ende
der recht de Kempenere
Hulst, Consaert. Jan Scholier, heeft openbairlic voir ons bekend, dat hem
wylen Meester Jan van Groussele, Laureys vander Elst ende Robbrecht
gepaert
de Kempenere dueghdelic vernueght gecontenteert ende betaeltst:t;
hebben van alsulken negenthien pondt twee scellinge ende sesse
penninge grote Brabants gelts, als sy ende elc van hen besundert ende
voir al, sunderlinge de selve Laureys ende Robrecht ongevrydt
naer der divisen recht, den selven Janne Scholier tot zekeren
de overledenen terminen, gelooft hebben te betalen, Ende dairaff
ende oic van al tgene dat de voirscreven Jan Scholier, den voirscreven
wylen Meester Janne ende oic den voirscreven Laureyse ende Robrechten
vut zaken van dien in eeniger manieren soude moeghen heysschen
heeft de selve Jan Scholier, Quytgesconden los vry ende ledich
den voirscreven Laureysen ende Robrechte tot haeren ende tot desselfs
wylen Meester Jans behoef, ende alle andere dies quitancie
behoeven geheelic ende al
III July
Wouter Moens ende
syn wyf
Kerman, Steynemoelen, Wouter Moens ende Lysbeth sHouts syn wyf hebbenst:t;
stane
Seggende dat sy gheen wettige kynderen en hadden, Ende hebben
dair om gewilt ende openbairlic voir ons geordineert, dat de
langhstlevende van hen beyden, zoe lange die alsdan leven sal
paysselic ende vredelic sal gebruyken, alle der haeffelike erffeliker
ende onberuerliker goeden die sy nu tertyt hebben ende hier namaels
oic hebben ende vercrigen zelen, Ende metten selven haeffeliken
ende anders niet
goeden in synder noot moegen disponeren ende ordineren, den wederseggen