Blader door transcripties » Stadsarchief Mechelen

archieftoegang 2, inventarisnummer 950, pagina 85

Jan Merssels ende
syn wyf
Hulst, Vos. Jorys Weeldeken, Jans soon, heeft vercocht Janne
Messels mersele ende Barblen Mylemans synen wive, Een huys metten
hove gronde etcetera gelegen op Neckerspoele inde Rechtstrate
tusschen der weduen ende kynderen erve van wylen Jan de Visschere
erve aen deen zyde ende heer Jaspar van Ranst priesters erve
aen dander zyde. A Domino Mechliniensi, Waranderende. Op vier chysguldenen eenen halven
capuyn ende vierentwintich scellinge payments erffelic ende
op twee gouden Peters elken van dien tot sessendertich groten
Vlaems gelts gerekent jaerliker lyfpensien staende ten live van
Henricken vanden Velde dair jaerlix vutgaende
Assignavit XXIX Peters eens
X Juny tempore simile
post op quin putte
de Heer Locum proles Heer Claes ende
Petro loco
infirmaria infra
Hulst, Vos. Katheline van Hamme, wettige dochter van wylen Janne van
Hamme met Claes Reyniers haeren man heeft opgedragen ende
overgegeven in puerder aelmoessen tot behoef vander infirmarien staende
bynnen den beghynhove vanden voerscreven stad van Mechelen de erffelike
pachten ende chysen hier naer bescreven ierst drie veertelen Rogs
goede etcetera Mechelscher maten erffelix pachts, die sy hadde op een
huys metten hove gronde etcetera, toebehoerende Wouteren Tyelens
houdende omtrent een vierendeel gelegen tot Oudegheem, tusschen
heer Anthoenis Hoots priesters erve aen deen zyde ende Jan Stuers
Vleeschouwers erve aen dander zyde ende des Heeren strate aende derde
de
zyde, Ende op een stuck lants den selven Wouteren toehoerende metten
^
goeder houdende omtrent een halff buendere, gelegen in
Hombekerbroeck tusschen heer Philips Kerman Ridders erve aen
Sinte Rommonds erve aen dander zyde. Item anderhalve veertelen
deen zyde ende der taflen des Heylichs Gheests vander prochiekerken van
Rogs der voerscreven maten ende pachts, die sy hadde, Op een stuck lants
daer tanderen tyden een huys op gestaen heeft toehoerende Gielisen
vanden hove metten gronde etcetera houdende omtrent een halff buender
gelegen oic tot Oudegheem, tusschen Jans de Heelt erve aen deen
zyde ende des voerscreven Gielis vanden Hove ander erve aen dander zyde
Ende op desselfs Gielis stuck beempts metten gronde etcetera houdende
omtrent een vierendeel, gelegen aldaer tusschen desselfs Gielis andere
erve aen deen zyde ende des goidshuys van Lelyendale erve aen dander
zijde. Item anderhalve veertele Rogs der voerscreven maten ende pachts
die sy hadde op een stuck lants toehoerende den goidshuyse van Bethanien
metten gronde etcetera houdende omtrent twee buendere gelegen tot
Battele bydestrate aldaer men gaet tot Heffene waert tusschen
des ambachts erve vanden metsers bynnen Mechelen, aen deen zyde
Gielis Vrancx erve aende tweede zyde ende sHeeren strate aldaer, aende
derde zyde. Item twee chysguldenen ende drie pond payments
erffelix chys die sy hadde op een huys metten hove gronde etcetera toehoren
Godevaerde van Doerne, gelegen inde Vrouwenstrate van Mechelen
tusschen de vesten vander selver stad aen deen zyde ende Hermans vanden
Houte erve aen dander zyde, Ende eenen capuyn ende vyf pond groten
de selve
erffelix chys die sy hee hadde op een huys metten hove gronde etcetera
toehoerende Joes Heels gelegen buyten der Aedegheempoorten tusschen
Jans de Vos Beckers erve aen deen zyde ende der erfgenamen
erve van wylen Aert van Pudegheem, aen dander zyde. A Domino Mechliniensi,
Waranderende etcetera Andries int Lelyken als rentmeester ende tot behoef
vander voerscreven infirmarien, waerte inne geerft, met
alsulker condicien dat de proviseurs vander voerscreven infirmarien
altyt by tyden wesende inden name vander selver infirmarien
sculdich ende verbonden zelen syn alle jaere ten eeuwigen dagen
altyt opte op Sinte Stevens dach voir de voerscreven Kathelinen
van Hamme ende haerer ouderen zyeten zalicheyt te doen celebreren
bynnen der capellen vander selver infermarien, Een misse
van Reymere, sonder eenich wederseggen
VII July tempore simile
Pauwels van
gene
Mettens
Hulst, Vos. Beatris Morter,st:t; wedue van wylen Janne van
Hingene, met Willeme van Hamme nu ter tyt haeren man, heeft
vercocht Pauwels van Huygene des voirscreven wylen Jans van
Hingene soon, ende Margrieten vander Hoeven synen wive
de helft van Eenen huyse geheeten Carrebroeck metten gronde etcetera
dairaff dander helft de selve beate voir haer tocht
den selven Pauwelse toebehoirt, gelegen in Sinte Kathelinen
strate, tusschen Jan Stappaerts erve aen deen zyde ende
Bartelmeus Heryoens erve aen dander zyde streckende
achterweerts met eenen gemeynen weghe totten water toe
A Beato Rumoldo, Waranderende. Opte weerde van twaelf scellinge groten
Brabants gelts vuten voirscreven geheelen huyse jaerlix gaende
de
inde have tocht ende al
recht dat zy hadde
de andere helft vanden
selven huyse
Assignavit XXXVI Peters eens
XXI Juny
Beatris Mettens
Item. De voirgenoemde Pauwels ende Margriete syn wyf, hebben
Mettens
bewesen der voirscreven Beatris Martenst:t; tot haeren live, negenthien
scellinge sesse penninge groten Brabants gelts jaerliker lyfpensien
Te heffene altyt tot Kersmisse, dairaff den jersten termyn van
betalingen syn sal tot Kersmisse naestcomende, Op ende aen des
voirscreven Pauwels ende Margrieten syns wyfs huys metten gronde etcetera
boven genoemt etcetera. A Beato Rumoldo, Waranderende etcetera.
ut supra
Heer van Lauwers heeft
Voesdonck, Roebosch, jouffrou Katheline van Voesdonck wylen Aerts dochter
wedue wylen Vrancx van Halen, cum tutore, heeft vercocht, heeft
erffelix chys, die zy hadde, op een huys metten hove gronde etcetera
Janne Lauwers priester, Seven scellinge grote Brabants gelts
den voerscreven heer Janne toebehoerende geheeten den visch gelegen
in Sint Jacops strate, achter de Capelle aldaer, tusschen Jan
de Rende erve aen deen zyde ende Jacop Mathasius
de la Cuvelerie booghmaker erve aen dander zyde. A Domino Mechliniensi,
Waranderende etcetera.
Assignavit den XXVI denier
XXVI Juny