Blader door transcripties » Stadsarchief Mechelen

archieftoegang 2, inventarisnummer 950, pagina 79

deen zyde ende Jans vanden Steene diemen heet Quaeyvoer erve, aen
dander zyde streckende achterweerts totter Delen toe. A Domino Mechliniensi, Waranderende.
op achtien pond payments eenen ouden grooten Turnoyse, tvier
chysguldenen ende vyf groten Vlaems gelts dair jaerlix voir
vutgaende, met alsulker condicien dat de voirgenoemde Hubrecht ende
syn wyf zelen moegen lossen ende quyten de voerscreven twee gouden
Rynsgulden des voirgenoemde chys altyt als hen dat gelieven sal tot
eenen male ende anders niet ende elken van dien Rynsgulden met
sesthien geliker gulden eens ende met vollen chyse
Assignavit den XVI
de momboeren Jan
Ghysbrechts
Steynemolen, Hulst. Jan Ghysbrechts wettich soon van Peteren Ghysbrechts Scheers
heeft openbaerlic voer ons bekent dat hem Hubrecht vanden Spoele
ende Joes de Weerde syne momboiren goede ende rechtverdige rekeninge ende
bewys gedaen hebben van allen alsulken haeffeliken goeden als hem
byder doot van wylen Kathelinen Claes synder moeder, toecomen
gebleven ende verstorven syn, Ende daeraf ende oic van al tgene daerst:t;
hy den voerscrevenst:t; alle der moeyten quellingen ende heysschen die de voerscreven
Jan den voerscreven synen momboiren vuyt zaken van dien ende oic om des
Regiments ende bewints wille, dwelck sy daer af ge gehadt hebben
in eeniger manieren soude moegen doen, heeft de selve Jan Quytgesconden
los vry ende ledich den voerscreven Hubrechten tot synen ende tot des voerscreven Joes
syns medemomboiren behoef ende alle andere dies quitancie behoeven
geheelic ende al
XXI may
Peter Ghysbrechts
Item. De voerscreven Jan Ghysbrechts heeft Quytgesconden los vry ende
ledich den voerscreven Peteren Ghysbrechts synen vader weduere vander
voerscreven wylen Kathelinen Claes van allen den haeffeliken goeden die
den voirgenoemde Janne byder doot vander voerscreven wylen Kathelinen synde
moeder ende des voerscreven Peters wive doen sy leefde in eeniger manieren
gebleven ende verstorven moegen syn ende alle andere dies quitancie
behoevende
ut supra tempore simile
Joes Vrancx
Steynemole, Hulst. Jorys Coesaert Jan Waggels diemen heet de Zegher
ende Meester Peter van Cruybeke als momboiren ende inden name
van Cornelisen, Lysbettenst:t; Kathelinen ende Annen Vrancx wettigen
Meeter
den voerscreven Joes Vrancx, Een huys metten hove gronde etcetera gelegen inde
kynderen van Joes Vrancx ende van wylen Lysbetten vander Heyden
hee vander selver Agneeten in hen vervangen hebben vercocht
sinen wive den meesteren deel van hen onder haere jaeren van
discrecien wesende, die sy by bywesene ende volcomen consente in
Coestrate tusschen Jaspar Boeyenhals erve aen deen zyde ende der
weduen ende kynderen erve van wylen Jacoppen vanden Hoede, aen dander
achterweerts
zyde streckende metten voerscreven hove doer een poerte tot inde Lange
deselve
Byest tusschen meester Jans van Ophem erve aen deen zyde ende
Jans de Visschere erve aen dander zyde, gelyckerwys ende in alle
der manieren, tselve huys metten hove niet lange geleden
ten hooghsten ende meesten pryse ter vierscharen van desen
stad vercocht geweest. A Domino Mechliniensi, Waranderende. Op thien scellinge
ende sesse penninge groten Brabants gelts daer jaerlix vutgaende
Assignavit VI Rinsgulden
XXI may tempore simile
Heer Helocum proles Judorp
ende post XXVI may presenta
Jorys Consaert
Hulst, Vos. Machiel vanden Rode, heeft vercocht Jorys Coesaert
Twee gouden Rynsguldenen elken van dien tot veertich grooten
Vlaems gelts gerekent erffelix chys Te heffene altyt opten
eenentwintichsten dach van jaerst:t; meye, op ende aen des
voerscreven Machiels huys metten hove gronde etcetera gelegen inde
Kerchofstrate tusschen Meester Jans du Boys erve aen deen
zyde ende wylen Jan Boydens erve aen dander zyde, streckende
achterweerts metten voerscreven haer tot inde voerscreven Blocstrate
A Johannes de Muysene filio quondam Johannes bastarden, Waranderende. Op tegen
derthien scellinge ende neghen penninge groote Brabants gelts ende vier
gouden Rynsgulden vanden voerscreven pryse daer jaerlix voir vutgaende
Assignavit den
XXI may tempore simile
Katlyne Plaet voirscreven
Hulst, Vos. Katheline van Pudegheem cum tutore heeft vercocht aenst:t;
Kathelinen Platter, Twee gouden Peters elken van dien tot
sessendertich grooten Vlaems gelts gerekent erffelix chys, dies
hadde op een huys met twee hangen dair achter staende
ende oic metten gronde etcetera der voerscreven Kathelinen Platte borge ende
Marten vander Lynden toebehoerende, gelegen int Hooghstraetken
tusschen Jan Gheylens erve aen deen zyde ende Henrix van
Loebosch erve aen dander zyde. A Domino Mechliniensi, Waranderende etcetera.
Assignavit den X denier
XXI may tempore simile
de wedue wylen
Willems vander Bocx
Kerman, Dyest. Lysbeth sHouwers wedue van wylen Willem vander
logien, cum tutore heeft opgedragen haer tocht die sy hadde inde
helft van eenen huyse dat vier woeningen syn metter plaetsen
gronde etcetera gelegen opte Voldershergracht tusschen zuster
Lysbetten van Lyere erve aen deen zyde ende den hoeck vander
selve Heergracht aen dander zyde, hem streckende lange
de Blockstrate tot aen derve vanden goidshuyse vanden waeren
zusteren. A Domino Mechliniensi, Juravit tot behoef van Cornelis vander logien
des voerscreven wylen Willems soon, dier ierst inne geerft wardt
daer naer heeft deselve Cornelis vercocht der voerscreven Lysbetten
Souwers de voirgenoemde helft vanden voirscreven huyse dat vier woeningen syn