Blader door transcripties » Stadsarchief Mechelen

archieftoegang 2, inventarisnummer 950, pagina 77

de selve
zelen hebben als tot alle der selver kynderen erffelicheyt, Eenen gouden Peters
Te wetene sessendertich grooten Vlaems gelts voir dien gerekent
erffelix chys Te heffene altyt tot Kersmisse daeraf den jersten
termyn van betalingen syn sal tot Kersmisse naestcomende Op ende aen
des voirgenoemde Peters huys metten hove gronde etcetera boven gescreven. A Domino Mechliniensi,
Waranderende. Opten voirscreven chys daer jaerlix voir vutgaende
VIIIa may
Aert Mathys
Dyest, Hulst. Jacop van Essche heeft vercocht Aert Mathys, Sesse
gouden Rynsguldenen elken van dien tot veertich grooten Vlaems
gelts gerekent erffelix chys, Te heffene altyt opten negende
dach van meye Op ende aen des voerscreven Jacops huys metten hove
vetterien ende met eenen weeckhuyse tegen tselve huys over
staende ende oic metten gronde etcetera gelegen inden Vettersham inde
Cortte Ridderstrate tusschen Cornelis van Rymenam erve
aen deen zyde ende Jacop de Monick erve aen dander zyde, Ende
tvoerscreven weerthuys is oic gelegen aldaer tusschen Jans van
Rymenam erve aen deen zyde ende Jans de Vos erve aen dander
zyde. A Domino Mechliniensi, Waranderende. Opte weerde van neghenentwintich scellingen
grooten Brabants gelts ende drie gouden Rynsgulden vanden
vorscreven pryse, die de voerscreven Aert opt selve huys jaerlix ende
erffelic heeft ende heft daer jaerlix voir vutgaende
Assignavit XVI
X may tempore simile
Willem Spoelberch
#
Dyest, Hulst. Gabriel van Heveren, heeft opgedragen ende overgegeven
tot behoef van Willem Speelberch, Een huys metten hove ende
Jans vanden Damme
met eenen weghe tot eender waerderywen in des voerscreven Willemst:t;
hoff van synen anders erve daer alder naest gelegen staende ende
oic metten gronde etcetera gelegen inde Aedegheemstrate opte
de voerscreven
Aedegheemplaetse tusschen Jans vanden Damme erve aen deen
zyde ende Henricx de Cale erve aen dander zyde. A Domino Mechliniensi, Waranderende.
opten chys daer jaerlix vutgaende
ende heer Locum prochie, Johanne de Bacrode
an Post V february posite
Ut supra tempore simile
Jan Scholier heeft openbaerlic voir ons bekent dat
hem wylen Meester Jan van Groussel Laureys vander Elst
ende Robrecht de Kempenere dueghdelic vernueght gecontenteert
ende betaelt hebben van alsulken neghenthien ponden twee
scellinge ende sesse penninge groote Brabants gelts als sy ende elck
van hen besunder ende voir al sonderlinge deselve Laureys ende
Robrecht ongevrydt naer der enigen recht gel den selven
Janne Schoten, tot zekeren overledenen termyne, gelooft hebben te
betalen, Ende daeraf ende oic van al tgene dat hy de voerscreven
Jan Scholier den voerscreven wylen Meester Janne ende die de
voirscreven Laureys ende Robrechten vut zaken van aen in eenige
manieren souden moegen heysschen heeft de selve Jan Scholiere
Quytgesconden los vry ende ledich, den voerscreven Laureys ende
Robrechten tot haeren ende tot desselfs wylen Meester Jans
behoef ende alle andere dies quitancie behoeven geheelic ende al
Marie vander Welke
Hulst, Vos. Gielis Heryoens, wettich soon van wylen Janne Heyens
heeft vercocht Marien vander Wilgen, Een huys met eenen
cleynen deele van eenen hoefken streckende achterweerts tot
eender waerden toe der selver Marien toehoerende ende oick
metten gronde etcetera gelegen achter tconvent vanden Minderbrueder
bynnen Mechelen inde Bogaertstrate tusschen der selver Marien
ander huys aen deen zyde ende Jans van Wyelenbeke huys aen dander
zijde. A Beato Rumoldo, Waranderende. Op eenen chysgulden, dair jaerlicx
vutgaende, Ende op alsulken last dat tselve vercochte huys
medepant is ende bliven sal, voir vyf oude groote Turnoyse twee
capuynen, eenen halven chysgulden ende vier pond sesse scellinge
payments vut des voerscreven Jans van Wyelenbeke huyse ende
vuten voerscreven Marien anderen huyse voirgenoemde jaerlix gaende behoudelic
Kathelinen vander Voort weduen vanden voerscreven wylen Janne
Heryoens ende des voerscreven Gielis moeder haerer tocht paysselic ende
vredelic haer leven langh geduerende te gebruykene int selve
vercochte huys met synen toebehoerten
Assignavit XVI Rinsgulden eens
XIII may tempore simile
Woute ende Henrick
vanden Voirde
Dyest, Lange. Jan Schinckel diemen heet vanden Scryeke, heeft
opgedragen ende overgegeven tot behoef van Wouteren ende Henricken
vanden Voorde gebruederen, Een huys met eenen cleynen hove
gronde etcetera streckende achterweerts totter Delen toe, gelegen inde Lange
den vliet
Scepstrate tusschen waer aldaer aen deen zyde ende der voerscreven Wouters
ende Henricx ander huys aen dander zyde. A Domino Johanna vander Aa
Waranderende. Opten chys daer jaerlix vutgaende
XIIa may
deselve
Item. Heer Willem Woutiers priester, heeft opgedragen ende overgegeven
tot behoef vanden selven Wouteren ende Henricken vanden Voorde twintich
scellinge ende sesse penninge groote Brabants gelts erffelix chys die hy
hadde opter selver gebruederen vanden Voerde, Twee huysen metten
hove gronde etcetera gelegen deen neven dander inde Lange Scipstrate
vast aende Brugge aldaer tusschen deselve brugge ende den d vlyet
aen deen zyde ende der weduen ende kynderen erve van wylen Laureys de
Wyntere aen dander zyde streckende achterweerts totter Delen toe. A Domino
Johanne vander Aa, Waranderende etcetera
ut supra
Heer Willem Wouter
priester
Item. De voerscreven Wouter ende Henrick vanden Voerde gebruederen
hebben bewesen den selven heer Willem Woutiers, Achtien scellingen
grooten Brabants gelts erffelix chys, Te heffene altyt tot
Kersmisse daeraf den jersten termyn van betalingen syn sal tot
Kersmisse naestcomende, op ende aen haerlieder twee huysen metten
hove gronde etcetera boven gescreven. A Domino Johanna vander Aa, Waranderende.
op drie capuynen viventwintich scellinge ende vyff penninge vier
penninge Loevens twee hantdagen sesse penninge Antwerps een broot
van twee scellingen payments ende sesse gouden Peters elken van
dien tot sessendertich groten Vlaems gelts gerekent daer jaerlicx
voir vutgaende
ut supra