Blader door transcripties » Stadsarchief Mechelen

archieftoegang 2, inventarisnummer 950, pagina 75

de selve
elken van dien tot veertich groten Vlaems gelts gerekent, Ende die
te betalene altyt tot Sinte Jansmisse vutgenomen Sinte Jansmisse
nu naestcomende, Ende opten vorchys van vier chysguldenen ende
eenen halven twintich oude groote Turnoysen ende twee capuynen
daer jaerlix vutgaende, met alsulker condicien dat de voirgenoemde
Jan van Borttele sculdich sal syn te lossene ende te quitene de voerscreven
vyf gouden Rynsgulden des voerscreven chys totten terminen hierna
volgende Te wetene den eenen Rynsgulden daeraf van Sinte
Jansmisse naestcomende over een jaer daerna volgende ende soe
voirtaen tot elken Sinte Jansmisse alsdan deen na dander sonder
middel vervolgende, eenen der selver Rynsgulden, tot dier tyt
toe dat de voerscreven vyff Rynsgulden des voerscreven chys geheelic
ende al afgequeten zelen syn ende elken van dien Rynsgulden met
sesthien gelyker gulden eens ende met vollen chyse
Assignavit XVI Rinsgulden
XXVI aprilis tempore simile
Peter Nys
Vos, Consaert. Jan Nys wettich soon van Peteren Nys, heeft openbaerlic
voer ons bekent dat hem de selve Peter syn vader goede rekeninge
ende bewys gedaen heeft van sinen deele van allen alsulken haeffelike
gebleven ende verstorven moegen syn, Ende daeraf ende oic van al
goeden als hem byder doot van wylen Lysbetten vander Hayct synder
moeder ende des voerscreven Peters wive doen sy leefde in eeniger manieren
tgene dat de voerscreven Jan den voirgenoemde Peteren synen vader vut zaken
van dien in eeniger manieren soude moegen heysschen, heeft de voerscreven Jan
quytgesconden los vry ende ledich den selven Peteren synen vader
ende alle andere dies quitancie behoeven behoudelic dien oft men in
toecomenden tyden bevonde dat de voerscreven Peter den voerscreven Peterenst:t;
Janne synen sone eenige vanden voerscreven haeffeliken goeden
zy hadde
hadde de hy de
ontvremde oft te rekeningen niet gebracht ende haddest:t;, dat hy
alsdan den selven Janne synen sone, soe der het sinen voirdenst:t;
trouwele
voer syn voerscreven deel daeraf die ontvremde goeden oprichten
ende restitueren sal, sonder eenich wederseggen
XXIXaaprilis
ende syn wyf
Joes de Bakelere
Dyest, Langhe. Jan vander Borch weduere van wylen Margrieten vanden
Cappen, heeft opgedragen ende overgegeven syn tocht die hy hadde
inde helft van eenen huyse metten hove gronde etcetera gelegen buyten
Oeverste poorte byden Borreputte aldaer, tusschen Joes de Maes ende
erve aen deen zyde ende Denys vande der weduen van wylen Denys
Sanders ende haerer dochter erve aen dander zyde. A Domino Mechliniensi, Juravit tot
behoef van Anthoenis ende Barblen vander Borch synen kynderen dien
Godevaerts haeren man voir de voirgenoemde helft, Ende Lysbeth
ierst inne geerft wardt daer naer hebben de selve Anthoenis
vander Borch ende Barble vander Borch syn zuster met Gielis de Bellest:t;
vander Borch wylen Claes vander Borch dochter ende st:t; met Willem
van Yssche haeren man ende Katheline vander Borch haer zuster
cum tutore voer dander helft vercocht Barblen de Moor tot haer
ende Joes de Brakelere haers mans behoef, tvoirgenoemde huys metten
hove gronde etcetera boven bescreven waranderende op anderhalven chysgulden daer
jaerlix vutgaende
ut supra
Jan vander Borch
ende syn kynderen
Dyest, Langhe. De voirgenoemde Joes de Bakelere ende Barble de Moor syn wyf
de den voerscreven Janne vander Borch ende Anthoenisen ende Barblen
vander Borch synen kynderen voer deen helft ende den voerscreven
Lysbetten ende Kathelinen vander Borch voer dander helft neghen
gouden Peters elken van dien tot sessendertich grooten Vlaems
gelts gerekent Te betalene deen derdendeel daeraf bynnen eenen
daer nu naestcomende. Item dander derdedeel daeraf bynnen eenen jaeren
daer na volgende, Ende tderde derdedeel daeraf, bynnen eenen jaere
daer naer oic sonder middel vervolgende, ende hier voer hebben
sy verbonden alle haer haeffelike goeden waer die bevonden zelen
worden, die sy nu tertyt hebben ende hier namaels oic hebben
ende vercrigen zelen, Ende sunderlinge haerlieder huys metten
hove gronde etcetera boven bescreven, opten voirscreven chys dair jaerlicx
voir vutgaende
XXIaaprilis
de wedue wylen
Jan Huens
Steynemoelen, Vos. Margriete Huens met Loy Ghoeten haeren man heeft
goeden die de voirgenoemde Margrieten byder doot vanden voerscreven
Quytgesconden los vry ende ledich, Lysbetten Keermans weduer
van wylen Janne Huens wullenwevere van allen den haeffeliker
wylen Janne Huens haeren brueder,st:t; ende der voerscreven Lysbetten
der weduen lesten man doen hy leefde, in eeniger manieren
gebleven ende verstorven moegen syn ende die haer deselve
wylen Jan haer brueder tanderen tyden met synen testamente
gegeven gelaten ende gemaect heeft ende alle andere dies
quitancie behoeven geheelic ende al
Ultima aprilis
Daergetyde wylen
Adam tSulle
Geest. Heer Willem van Coudenberghe priester tot behoef
dat
vanden jaergetyde van wylen Adam tSulle inder kerken
van Onser Vrouwen geordineert heeft eeuwelic gedaen te
wordene, heeft verreyct Eenen hof dien metten gronde
dien den kynderen van wylen Janne van Eyke toe plach te hoeren
gelegen inde Stoefstrate inder voerscreven Onser Vrouwen prochien
tusschen Jan Moens erve aen deen zyde ende de Penningstrate aen
dander zyde
Ex censu
ultima aprilis tempore simile
Loy Ghoetens ende
syn wyf
Steynemoelen, Vos. Lysbeth Hermans heeft opgedragen wedue van wylen
Janne Huens cum tutore heeft opgedragen haer tocht die sy hadde
inde helft van Eenen huyse metten hove gronde etcetera gelegen
tot Neckerspoele, aende Plain, tusschen Jan Gielevoerts erve
aen deen zyde ende Henricx de Byn erve aen dander zyde. A Domino Mechliniensi,
juravit tot behoef van Marien Pauwels haerer dochter die wylen
Jan Pauwels haer ierste man van haer vercregen heeft
dier ierst inne geerft wardt daer naer heeft de selve
Marie Pauwels met Henricken Thys haeren man vercocht