Blader door transcripties » Stadsarchief Mechelen

archieftoegang 2, inventarisnummer 950, pagina 73

de selve
van Schoenrode ende Loy Ymbrechts synen momboiren, hebben quytgesconden
los vry ende ledich den voerscreven Janne van Couwenberghe haeren vader
weduere van wylen Lysbetten Meynaerts van allen den haeffeliken
goeden die henlieden byder doot vander selver wylen Lysbetten
haerer moeder ende des voerscreven Jans van Couwenberghe haers
vaders iersten wive doen sy leefde in eeniger manieren gebleven
ende verstorven moegen syn ende alle andere dies quitancie behoeven
XIIIIa aprilis
Dierick van
Couwenberge
Hulst, Vos. De selve Jan van Couwenberghe den ende Lysbeth Boydens
syn wyf den den voerscreven Diericken veerthien gouden Rynsgulden
sessendertich
Peters, elken van dien tot veertich grooten Vlaems gelts gerekent Te betalene
bynnen twee jaeren tyts nu naestcomende, Ende daer voer
hebben sy verbonden alle haere haeffelike goeden waer die bevonden
zelen worden die sy nu tertyt hebben ende hier namaels oic
hebben ende vercrigen zelen
ut supra
Jan ende Katlyne de
Vryese
Berch, Vos. Katheline Nouts wylen Jans Nouts dochter met
Lachman
Anthonis Stocmanst:t; haeren man, heeft opgedragen ende overgegeven
tot behoef van Janne ende Kathelinen de Vryese wettigen kynderen
van Wouteren de Vryese ende van wylen Barblen Nouts synen wive
ende der voerscreven Kathelinen Nouts zuster alle haer erffelike goeden
metten gronde etcetera bynnen der stad ende vryheit van Mechelen
gelegen, die der voergenoemde Kathelinen byder doot vanden voerscreven
wylen Janne Nouts haeren vader, in eeniger manieren toecomen
gebleven ende verstorven syn. A Domino Mechliniensi, Waranderende etcetera. Behoudelic der
den voerscreven
selver Kathelinen Nouts ende Anthonissen sachman haeren man haer
beyder d tocht paysselic ende vredelic te gebruykene, alsoe
lange als zy ende de langstlevende van hen beyden leven zelen
in alle de voirgenoemde goeden
V aprilis tempore simile
Dictor van Merende
Hulst, Vos. Willem vanden Broeke metsere ende Barble van Boesschot
syn wyf hebben vercocht Victor van Merende, Sesse gouden Ryns
guldenen elken van dien tot veertich grooten Vlaems gelts gerekent
erffelix chys Te heffene altyt opten sesthienden dach van April
Op ende aen des voerscreven Willems ende syns wyfs huys metten hove
plaetsen gronde etcetera den Drake geheeten gelegen in Sinte Kathelinen
strate tusschen Wouters van Battele erve aen deen zyde ende
der weduen ende kynderen erve van wylen Aert vanden Damme
diemen heet van Beneden, aen dander zyde, op sesthien gouden
Rynsgulden vanden voerscreven pryse daer jaerlix voir vutgaende
Item op deselver Barblen vierendeel van Eenen huyse den
Yngel geheeten metten gronde etcetera gelegen buyten der Oeverster
selver Barblen ende haerer medeplegeren ander erve aen dander zyde
Poorten tusschen Peters Crabbe erve aen deen zyde ende der
op vier scellinge ende sesse penninge groten Brabants vuten voerscreven geheelen
huyse metten hove jaerlicx voir vutgaende
de selve
Item op haer vierendeel van eenen hove metten gronde etcetera
gelegen tusschen de voerscreven Oeverste poorte ende de Bruesselpoorte
tusschen Jans vander Hoeven erve aen deen zyde ende der kynderen
erve van wylen Willem vander Berct aen dander zyde. Op acht
veertelen Rogs vuten voerscreven geheelen hove jaerlix voir
vutgaende. Item op haer vierendeel van eenen stuck lants
metten gronde etcetera houdende int geheel omtrent twee buenderen
gelegen buytendee tusschen de voerscreven Oeverste poorte ende
dAedegheempoerte, tusschen Jacops Bogaerts erve aen deen zyde
ende Willem Luytens erve, aen dander zyde
Ende voer op drie veertelen Rogs ende eenen capuyn vuten
selven geheelen stuck lants jaerlix voer vutgaende, Ende
voertaen op alle desselfs Willems ende Barblen syns wyfs
haeffelike ende ander erffelike goeden metten gronde etcetera bynnen
wesene ende gelegen, die sy nu tertyt hebben ende hier namaels
oic hebben ende vercrigen zelen. A Domino Mechliniensi, Waranderende etcetera.
Assignavit den X denier
XVI aprilis
Joes de Wilde
Steynemoelen, Hulst. Lysbeth Boschmans wedue van wylen Peteren van
Coetene, cum tutore heeft opgedragen haer tocht die sy hadde in
vyff scellinge groote Brabants gelts erffelix chys, op een huys
metten gronde etcetera toehoerende Joes de Wilde gelegen inde Lange
Scepstrate tusschen der weduen ende erfgenamen erve van wylen
Rommonden van Puersse, aen deen zyde ende Wouter Moens erve
aen dander zyde. A Domino Mechliniensi, Juravit tot behoef van Peteren van
Coelene, haeren soon dier ierst inne geerft wardt daer naer
heeft de selve Peter van Coelene vercocht den voirgenoemde Joes de
wilde, de voerscreven vyff scellinge groten Brabants des voerscreven chys
die hy hadde op desselfs Joes huys metten gronde ende synen
toebehoerten vergenoemt. Waranderende etcetera
XIII aprilis
Henrick de Meyere
Lange, Vos. Henric vanden Voerde wylen Henrick vanden Voorde sone
heeft vercocht Henricken de Meyere schoenmaker twee
veertelen Rogs goede ende custbare Mechelscher maten erfpachts
die hy hadde op desselfsst:t; Een huys metten hove schueren
ende lande daer aen liggende ende oic metten gronde etcetera houdende
te samen omtrent twee buenderen, toehoerende Janne Adiers
gelegen tot Leest inde Byest, tusschen Gheerds vander Mere
erve aen deen zyde, Peter Boots erve, aen dander zyde ende des heeren
strate aende derde zyde. Ab Anthonio de Oeyenbrugghe, Waranderende etcetera.
XX april
Jehanne Godevaerts
Dyest, Hulst. Barble Godevaerts wedue van wylen Henricken
van hueren met Henricken vanden Spykere haeren man heeft
opgedragen haer tocht die sy hadde inde helft van Eenen huyse
metten hove stallen tot ende metten gebruyke van eenen