Blader door transcripties » Stadsarchief Mechelen

archieftoegang 2, inventarisnummer 950, pagina 5

Lanseloet de Poir
de voergenoemdest:t;
Rende, Cortryke, Katheline van Orssagen wedue van wylen Peteren Boys
cum tutore als eene tochtenersse, Ende Jan van Orssagen haer
broeder als erfgenaem, hebben vercocht den voergenoemde Lanseloot
de Poirtere, Twee gouden Peters elken van dien tot sessendertich
groten Vlaems gelts gerekent erffelix chys die sy hadden opte
voirgenoemde Twee huysen metten hoven gronde etcetera die den
voerscreven Janne Wouters toe plagen te hoerene ende die nu den
selven Lanseloet toebehoeren, Ende op de alle desselfs
Jans Wouters ander erffelike goeden metten gronde etcetera bynnen
der stad ende vryheyt van Mechelen gelegen. A Domino Mechliniensi, Waranderende.
Assignavit
Ultima octobris
deselve
Borch, Cortryke. Jan van Muysene scepmakere ende Lysbeth Borremans
syn wyf hebben vercocht Lanseloet de Poirtere, Sesse scellinge groten
Brabants gelts erffelix chys die sy hadden op een huys metten
hove gronde etcetera dat Janne Wouters Tymmerman, toe plach te
hoeren ende dat nu den selven Lanseloet toebehoert gelegen inde
Knevelstrate opten hoeck vander Borchstraten tusschen de selve
Borchstrate aen deen zyde ende
Ende op alle dander desselfs Jans Wouters
erffelike goeden metten gronde etcetera bynnen der stad ende vryheyt
van Mechelen gele. A Domino Mechliniensi, Waranderende etcetera.
Assignavit den XVI denier
ut supra
Henrick van Byn
ende syn wyf
Hulst, Vos. Katheline sDekens met Steven van Beringen haeren man
heeft Terve gegeven Henricken van Erpe ende Anthoninen van
Helles synen wive drie huysen oft woeningen metten hoven gronde etcetera
gelegen deen neven dander inden Heembeempt, tusschen der infermarien
erve vanden armen beghinen buyten den beghynhove van deser stad
aen deen zyde ende der weduen ende kynderen erve van wylen Willem
Ymbrechts aen dander zyde. A Domino Mechliniensi. Te besittene op eenen erffeliken
chys van drie Ryns gouden Rynsguldenen elken van dien tot
veertich groten Vlaems gelts gerekent, Ende die te betalene
Altyt tot Kersmisse daeraf den jersten termyn van betalingen
syn sal tot van Kersmisse naestcomende over een jaer daer
navolgende, Ende opten voerchys van vier capuynen ende eenen
halven eenen chysgulden ende twee derdedeelen van eenen gelyken
chysgulden veerthien scellinge Loevens ende sesthien ponden
payments daer jaerlix vutgaende, met alsulker condicien, dat
de voirgenoemde Henrick ende syn wyf zelen moegen lossen ende quiten de voerscreven
drie gouden Rynsgulden des voerscreven chys altyt als hen dat gelieven
sal met eenen Rynsgulden telken male ende niet min ende elken gulden
daeraf met sesthien geliker guldenen eens ende met vollen chyse
Assignavit X Rinsgulden XX gulden
III novembris tempore simile
de wedue wylen
Claes Wats
Hoeven, Cortryke. Wouter Wats ende Henrick Wats van svaders wegen
ende Henrick ende Gielis van Goeyenhuys gebroederen vander
moeder wegen, als momboiren ende inden name van Lysbetten
wylen Claes dat dochter
was, onder haer jaeren etcetera wesende die sy in hen vervingen
hebben Quytgesconden los vry ende ledich, Dignen Truydens
weduen vanden wylen Claes was van allen den haeffeliken
ven
goeden die der voerscreven Lysbetten Wats byder doot vanden
voerscreven wylen Claes was ende van wylen Magrieten
van Goeyenhuys synen wivest:t; jersten wive haeren ouderen
ende oic by byder doot van wylen Kathelinen Wats
der selve Lysbet des voerscreven wylen Claes haerer zuster
van haers voerscreven vaders wegen in eeniger manieren
gebleven ende verstorven moegen syn ende alle andere dies
quitancie behoeven geheelic ende al
IIII novembris
Andries Herregot heeft vercocht Anthoenis de
borgere van Heffene, Een stuck lants metten gronde etcetera
houdende een buender luttel min oft meer geheeten de Strype
gelegen tot Heffene op Hoedonck tusschen der weduen
van wylen Henricken Boys ende haerer dochter erve aen
deen zyde ende Florys van Merchteren erve, aen dander
zyde, op eenen scellinge twee penninge Loevens ende opte
weerde van twaelff grooten Brabants gelts daer jaerlicx
vutgaende, Ende een stuck lants metten gronde etcetera houdende
omtrent drie houdt gelegen aldaer opten achthuyn
tusschen tvoirgenoemde jersten stuck lants aen deen zyde
ende der weduenst:t; der taflen des Heylichs Gheests
vander prochie kerken van Sinte Peters bynnen Mechelen
erve aen dander zyde Ende vanst:t; sonder eenigen
last van chyse daer jaerlix vutgaende. Ab Egidio
Vrancx, Waranderende etcetera
Assignavit X Rinsgulden eens
Jan van Ghele
Diest, Hulst. Henrick van Ghele ende Henrick de Neve van selve
wegen, Andries vanden Voorde ende Henrick vanden Wonde syn brueder
vander moeder wegen, als momboiren ende inden name van Rommond
ende Anne van Ghele Jans van van Ghele kynderen infra annos etcetera
die sy in hen vervingen, hebben bekent ende geleden dat zy tot
behoef vanden selven kynderen gehadt ende ontfangen hebben vanden
selven Janne van Ghele, de somme van Tachtentich gouden Peters