Blader door transcripties » Stadsarchief Mechelen

archieftoegang 2, inventarisnummer 950, pagina 49

de selve
achterweerts met twee anderen huysen oft cameren
tot opten Berthouthoff. A Domino Mechliniensi, Juravit etcetera tot
behoef van Rommonden vanden Broeke synen
soon, dier ierst inne gegoedt ende geerft wardt
Ende dair naer heeft, de selve Rommondt vander
Broeke de soone vercocht den voirgenoemde Wouteren
vanden Broeke synen brueder, Tvoirgenoemde tderdendeel
vanden voerscreven huyse metten hove gronde ende
anderen synen voirscreven toebehoirten, Waranderende etcetera
IIay tempore simile
Rommond vanden Broeke
Dyest, Vos. De voirgenoemde Wouter vanden Broeke
heeft bewesen, den voerscreven Rommonden vanden
Broeke synen vader, Syn tocht paysselic ende
vredelic syn leven langh geduerende te
gebruykene int voirgenoemde derdendeel vanden
voerscreven huyse metten hove gronde ende anderen
synen voirscreven toebehoeren. A Domino Mechliniensi, Waranderende etcetera
spra tempore simile
Heer Michiel de fait
Jan van Relegen
Kerman, Goesschame vander Cammen wedue van wylen Joes vanden
Brande, cum tutore, heeft Opgedragen haer tocht die sy hadde in Een huys
metten hove gronde etcetera gelegen buyten der Oversterpoirten inde Broecstrate
tusschen Gommaer Luytens erve aen deen zyde ende der weduen wylen Symoens
van Ghele erve aen dander zyde. A Domino Mechliniensi, Juravit tot behoef van Lysbetten, Annen
genoempt
ende Lossyen vanden Brande haeren kynderen wyens momboeren hier naer bescrevenst:t;
totter selver kynderen behoef waerden dair ierst inne geerft, Ende dair naer
hebben Maeten ende Henrick vanden Brande gebroederen van svaders wegen
ende Wouter vander Cammen ende Gielis Goessens vander moeder wegen als momboeren
ende inden name vanden voirgenoemde kynderen infra annos etcetera die sy in hen vervingen
vercocht Janne van Relegeem Tymmerman, tvoergenoemde huys metten hove gronde etcetera
boven gescreven, Waranderende. Op anderhalven chysgulden dair vutgaende
Assignavit XX Peters
quary tempore simile
Gielis de Vos
Lange, Hulst. Rommond Ruelens weduere van wylen Beatris Cottens, heeft
heer Opgedragen syn tocht die hy hadde in tsestedeel van eenen stuck lants
metten gronde etcetera houdende int geheel omtrent anderhalf vierendeel, gelegen tot
Muysene op Muysendervelt tusschen jouffrou Barblen Schoefs erve aen deen zyde
ende Jan Rommont diemen heet int Paradys erve aen dander zyde, Ende int
sestedeel van eenen stuck lants metten gronde etcetera houdende int geheel omtrent
een vierendeel, gelegen aldair ten Lake, tusschen Jan Mols erve aen deen zyde
ende der kynderen erve van wylen Jan van Houthem, aen dander zyde. A Domino
Barbara Schooff, juravit tot behoef van Margrieten Ruelens synder dochter
die ierst inne geerft wardt, dair na heeft de selve Margriete Ruelens
cum tutore vercocht Gielisen de Vos den jongen, tvoergenoemde sestedeel dat sy
hadde inde voergenoemde twee stucken lants metten gronde etcetera dairaff dander vyf
zestedeelen den selven Gielisen de Vos toebehoeren, Waranderende. Op eenen ouden groten
Turnoyse vuten voirscreven twee geheelen stucken lants jaerlix gaende
Heer Jan
Peter van Dyenbeke
Steynemolen Coesaert Laureys van Pollaer, heeft Terve gegeven Peteren van Dyepenbeke
wylen Peters sone, Een huys metter helft van eender plaetsen gelyc den selven
Peteren die aldaer bewesen ende vander ander helft afgescheyden es ende metten toegange
tot eenen borreputte die deselve Peter gebruyken sal alsoe lange als Lysbeth
Paridaens leven sal ende niet langer ende oic metten gronde etcetera gelegen inde
Aedegeemstrate byde Aedegeempoirte, tusschen Joes Zeels erve aen deen zyde
ende der voerscreven Laureys van Pollaer erve aen dander zyde. A monialibus, Te
besittene, op eenen erffeliken chys van Twee gouden Rynsgulden elken
van dien tot veertich groten Vlaems gelts gerekent, Te betalene altyt tot
Kersmisse, Ende opten voirchys van twee chysguldenen ende vier gelike Ryns
gulden vanden voerscreven pryse dair jaerlix vutgaende, met condicien dat
De voergenoemde Peter sal moegen lossen ende quyten altyt als hem dat gelieven sal