Blader door transcripties » Stadsarchief Mechelen

archieftoegang 2, inventarisnummer 950, pagina 41

de selve
over de Grootbrugge opte Corenmarct ende opten hoeck vanden
Rogbroecstraten tusschen deselve strate aen deen zyde ende jouffrou
Barblen Schoofs erve aen dander zyde. A Domino Mechliniensi, Juravit tot behoef
van Rommonden ende Barblen Baten haeren kynderen, welke, Barble
tot haeren ende tot desselfs Rommonds haers brueders behoef ierst
hebben
daer inne geerft wardt daer naer heeft de selve Barble
Baten met Symoen vander Borct haeren man inden name van
haer selven ende oic inden name vanden voirgenoemde Rommonden
haeren brueder absent ende buyten lands wesene, dien sy in haer
vervinghe voir tvoirgenoemde derdedeel, Ende Anthoenis Breugelman
voir dander derdedeel hebben vercocht Machiel de Cramere
haere twee derdedeelen die sy hadden inde helft vanden
voirgenoemde huyse metter plaetsen gronde etcetera boven bescreven
Waranderende. Opten chys daer jaerlix vutgaende
Assignavit XXIIII Peters
XVII decembris
Gielis de Meye
Hulst, Coesaert Mar vander Eyken wedue van wylen Henricken
vanden Dorpe, Ende Henrick ende Adriaen vanden Dorpe haer
kynderen voir de veerthien pond ende sesthien scellingest:t;
ge sesse scellinge groote, Ende Katheline vanden Dorpe
wedue van wylen Wouteren tSermartens, Ende oic Reynout
Keyenoeghe ende Jan Zoetens als momboiren ende inden name
van Kathelinen, Barblen, Marien ende Jehannen tSermartens
des voerscreven wylen Wouters ende Kathelinen vanden Dorpe
syns wyfs kinderen onder haere jaeren wesende die sy in
by bywesen ende volcomen consente van Janne de Heelt
commoingmeester van deser stad in hen vervingen voer de
Seven pond ende drie scellinge groote, hebben openbaerlic
voer ons bekent dat sy gehadt ende ontfangen, hebben van
Gielisen de Meyere de somme van Eenentwintich ponden
ende negen scellingen grooten Brabants gelts, als voer
de lossinge ende afquitinge van neghen chysguldenen
ende de drie vierendeelen van eenen geliken chysgulden
erffelix chys die de voirgenoemde bekender hadden op een
drie huysen metten hove plaetsen ende anderen haeren
toebehoerten den Wolff geheeten den voerscreven Gielisen de
Meyere ende Margrieten de Meyere synder dochter die
hy van wylen Lysbetten Lyedekens synen jersten wive vercregen
heeft toebehoerende, gelegen deen neven dander inde
Kerchofstrate tusschen Henricx Wychmans erve aen deen
zyde ende der voerscreven waren ende kynderen vanden Dorpe
erve aen dander zyde, Ende van die sommen van eenentwintich
de selve
ponden ende neghen scellingen der voerscreven groeten ende
oic vanden voirgenoemde erffeliken chyse, hebben de
voerscreven bekender inden name ende in manieren als boven
voer quytgesconden los vry ende ledich den voirgenoemde
Gielisen de Meyere tot synen ende totter voerscreven Magrieten
synder
de Meyere huer dochter behoef, haere voirgenoemde drie
huysen ende alle andere dies quitancie behoeven geheelic
ende al
XI decembry tempore simile
Jouffrou Lysbeth van
Steynemoelen
Voesdonck, Lange. Jan van Ghele diemen heet Wynnen wettich
soon van wylen Aert van Ghele diemen heet winne
heeft vercocht Peteren van Steynemoelen, onsen medescepen
tot behoef van jouffrou Lysbetten van Steynemoelen synder
zuster, Acht gouden Rynsguldenen, elken van dien tot
veertich groten Vlaems gelts gerekent, erffelix chys die
de voirgenoemde Jan van Ghele hadde op een huys oft woeninge
met drie cameren daer neven staende ende oic metten hove
gronde ende anderen haeren toebehoerten, gelegen deen neven
dander toehoerende heer Wouteren van Heesbeen priester
gelegen deen neven dander inde Begaertstrate tusschen der
weduen ende kynderen erve van wylen Janne van Stakenbroeck
aen deen zyde ende der weduen ende kynderen erve van wylen
Janne Pauwels aen dander zyde streckende achterweerts
met eender bruggen over de Dele tot int Mossestraetken
A Domino Mechliniensi, Waranderende. Op vier chysgulden dertich scellinge
Loevens twee capuynen, vierentzestichst:t; groote Brabants
gels sevenenveertich pond ende sesthien scellingen
payments, twee croenen elken van dien tot vierentzestich
grooten Brabants gelts gerekent ende op oic op drie gouden
Peters elken van aen tot sessendertich groten Vlaems gelts
gerekent daer jaerlix voir vutgaende
ut supra tempore simile
Joes Mylemans
Hulst, Vos. Rommond Caluwaert, heeft Terve gegeven Joes
Mylemans Smet, Een huys metten hove gronde etcetera gelegen
inde Hanswyckstrate tusschen Jan Stiblots diemen heet Mante
erve aen deen zyde ende der taflen des Heylichs Gheests erve
vander prochiekerken van Onser Liever Vrouwen bynnen Mechelen
aen deen dander zyde. A Domino Mechliniensi. Te besittene op eenen
Acht
erffeliken chys van es gouden Rynsguldenen elken van dien
tot veertich grooten Vlaems gelts gerekent, Ende die te