Blader door transcripties » Stadsarchief Mechelen

archieftoegang 2, inventarisnummer 950, pagina 3

de selve
in eeniger manieren gebleven ende verstorven syn, Ende van al tgene dat
hy daeraf ontfangen ende vutgegeven heeft, Ende daeraf ende oic van
al tgene dat de voerscreven kynderen Speelberchs den voerscreven Herman vanden
houte van dien soude moegen heysschen, hebben de selve momboiren
inden name vanden voerscreven kynderen Speelberch, Quytgesconden los
vry ende ledich den selven Hermanne tot synen ende synen medeexecuteurs
behoeff ende alle andere dies quitancie behoeven geheelic ende al
X octobris
Janne vander Wilgen
Diest, Vos. Henrick de Porttere heeft vercocht Marien vander Wilgen
wylen Mathys dochter Twee huysen oft cameren metten hove gronde etcetera
gelegen deen neven dander achter tconvent vanden mindebruederen
inde Bogaertstrate tusschen zuster Kathelinen sVerweers erve aen deen
zyde ende heer Jans Boventhuyn priesters erve aen dander zyde. A Beato
Rumoldo, Waranderende. Opte weerde drie scellinge ende sesse penningen groten ende de vierthien
mitten Brabants daer vutgaende, ende op alsulken last dat de selve twee
huysen medepant syn ende bliven zelen voir vierentwintich groten Brabants
ge vuter voirscreven Kathelinen huyse daer naest gelegen jaerlix gaende
Assignavit XXX Peters
XXI octobris
Magriete vander
Moelen
Gielis
Diest, Vos. Gielis van Quaerhoven woenende tot Boesschot onder heyt
heeft gelooft ongevrydt naer der divisen recht te geven ende te
betalene, Margrieten van Rans vander Moelen Jans van Ranst wive
vyff Rynsgulden elken van dien tot veertich groten Vlaems gelts
gekent, tot Paesschen naestcomende sonder eenich wederseggen
XX octobris
Diest, Vos. Gheerdt van Beringnen heeft vercocht Janne alle vanst:t; wylen
Vrancx soon, Een huys metten hove gronde etcetera gelegen op Neckerspoele
inde Rechtstrate tusschen desselfs Jan Alens erve aen deen zyde ende
Jans van XX Ypoele erve aen dander zyde. A Domino Mechliniensi, Waranderende. Op seventhien
scellinge Loevens daer vutgaende
XXI octobris
Gheerd van Brugge
Item. De voergenoemde Jan Alen heeft vercocht den voergenoemde Gheerde
van Beringnen, Een huys metten gronde hove gronde etcetera gelegen op
Neckerspoele inde Rechtstrate tusschen desselfs Jan Alens erve
aen deen zyde ende Henricx vander Hagen erve aen dander zyde
A Domin Mechiniensi ende sesse scellinge ende drie penninge groten Brabants gelts
daer vutgaende
Assignavit XXXI Rinsgulden
ts
Henrick Wabbels
Diest, Vos. De voergenoemde Jan allen heeft Terve gegeven Henricken
Wabbels wylen Jans soon, Een huys metten hove gronde etcetera gelegen
op Neckerspoele inde Rechtstrate tusschen desselfs Jan Alens erve
aen deen zyde ende Jans van Exele erve aen dander zyde. A Domino Mechliniensi
besittene op eenen erffeliken chys van anderhalven Peter tot
sessendertich groten Vlaems gelts voir dien gerekent Te heffene
altyt tot Bamisse dairaff den jersten termyn van betalingen syn
sal tot Bamisse naestcomende, Ende opten voirchys van seventhien
scellinge Loevens daervutgaende, Met condicien dat de voergescreven Henrick
Wabbels sal moegen lossen ende quiten als hem dat gelieven sal
den voergenoemde anderhalven Peter des voerscreven chys met eenen halven
Peter te male ende niet min ende elken penninge daeraf met sesthien
der geliker penningen ende met vollen chys daervoir te betalen
Assignavit XVI Peters
Xobry tempore simile
de wedue wylen
van Houthem
Cortryke, Vos. Gielis Rabs inden name van Lysbetten van Houthem
dat hy gehadt ende ontfangen heeft van Barblen Bols wedue van
synen wive die hy in hem verving, st:t; heeft gekent ende geleden
wylen Janne van Houthem der selver Lysbetten moeder, de somme
van tweentwintich Rynsgulden elken van dien tot veertich
groten Vlaems gelts gerekent, die haer de selve Barble haer moeder
mids der vutspraken, tanderen tyden Te wetene opten thienden
dach van meerte lestleden by Meester Hubrecht Weelmans ende
Cornelis Yngelram vutgesproken sculdich was van welker
sommen ende voirtaen van allen saken die de voerscreven Lysbeth vut
saken vanden gescillen dair op de voerscreven vutsprake geschiet
is der voerscreven haerer moeder soude moegen heysschen, heeft de
selve Gielis inden name van synen voerscreven wive, Quytgesconden
los vry ende ledich der voerscreven Barblen der weduen ende alle
andere dies quitancie behoeven geheelic ende al
XXII octobris
Peter de Valkenere ende
syn wyf
Hoeven, Vos. Lysbeth vanden Broeke, wettige dochter van wylen Janne
vanden Broeke st:t; cum tutore heeft vercocht Peteren de Valkenere ende
Kathelinen vanden Broeke synen wive ende derselver Lysbetten
zustere haer helft van Eenen huyse dat twee woeningen syn
metten hove ende schueren daer aenstaende ende oic metten
gronde etcetera daeraf dander helft der voerscreven Kathelinen
toebehoirt, gelegen buyten der Oeverster poorten inde Broecstrate
tusschen der taflen des Heylichs Gheests erve vander prochie
kerken van Onser Liever Vrouwen bynnen deser stad aen
deen zyde ende Gommaer Luytens erve aen dander zyde dien
waeren opten chys daer jaerlix vutgaende
XXXIII Peter eens
XXVII octobris