Blader door transcripties » Stadsarchief Mechelen

archieftoegang 2, inventarisnummer 950, pagina 21

Henrick Vuystane
Lange, Dyest. Hubrecht Stappaert schoenmakere heeft Terve
gegeven Henricke Vuystaert, Een huys metten gronde etcetera
gelegen inde Coestrate tusschen der weduen ende kynderen erve
van wylen Rommonde zy Thys aen deen zyde ende een straetken
aldair aen dander zyde. A Domino Mechliniensi. Te besittene op eenen erffeliken
chys van drie gouden Rynsgulden Te wetene veertich groten
Vlaems gelts voir elken der selver Rynsgulden gerekent de
heffene altyt tot Sinte Jansmisse vutgenomen Sint Jansmisse
naest dairaf den jersten termyn van betalingen syn sal tot
Sinte Jansmisse naestcomende, Ende opten voirchys van vierentwintich
scellinge groten ende veerthien myten Brabants dair vutgaende
Assignavit II gulden den XVI denier
XV Juny tempore simile
de wedue wylen Gheest
van Beneden ende haer
kynderen
Lange, Rende. Rommond de Beckere wylen Jans sone heeft vercocht
Kerstinen Yngels wedue van wylen Gheerds van Beneden tot haeren
behoef als tot haer tocht ende oic tot behoef van Henricken Barblen
ende Kathelinen van Beneden haeren kynderen die de voerscreven wylen Gheerd
haer ierste man van haer vercregen heeft, als tot der selver kynderen
erffelicheit, vive scellinge groten Brabants gelts erffelix chys Te heffene
altyt opten vyfthienden dach van meye Op ende aen des voerscreven
Rommonds huys metter schueren hove gronde etcetera houdende tsamen omtrent
drie dachmael gelegen buyten der Oeversterpoorten ter Eyken
tusschen Gielis Vrancx erve aen deen zyde ende Henrix van Ranst
erve aen dander zyde, Ende op syn stuck lants metten gronde etcetera
houdende een half dachmael gelegen aldair int Veken, tusschen
Jan Maes erven aen beyde zyden. A Domino Mechliniensi, Waranderende. Op twee groten
Brabants gelts erffelic ende neghen scellinge der selver groten lyftochten
vuten voerscreven huyse met synder toebehoirten ende neghen der selver
groten vuten voirscreven stuck lants jaerlix vutgaende, met condicien
dat de voerscreven Rommond sal mogen lossen ende quyten altyt als hem dat
gelieven sal, de voerscreven vier scellinge groten des voerscreven chys elken
penninge dairaff met sesthiene der geliker penningen ende met vollen chys
een dair voir te betalene
XVI Juny tempore simile
Wouter vander strate
Hoeven, Hulst. Meester Herman van Hamme heeft opgedragen syn tocht
die hy hadde inde helft van vier gouden Peters, Te wetene vier
scellinge ende sesse penninge groten Brabants gelts voir elken van dien
gerekent erffelix chys, Op twee huysen metten g hoven gronde etcetera
toebehoerende Wouteren vander Straten gelegen deen neven dander
opte dekenye tusschen wylen Bartelmeus vander Voort erve aen
deen zyde ende een straetken geheeten Borrestraetken aldair aen dander
zijde. A Johannes de Muysene filio quondam Johannes bastarden, juravit tot behoef
van Goorys Peter de Rommond, Margriete ende Barble van Hamme synen
kynderen de voirgenoemde Gorys Rommond, Margriete ende Barble tot haeren
behoef ende oic tot behoef vanden voerscreven Peteren haeren brueder werden
dair inne geerft, dair naer hebben de selve Ghorys ende Rommond
de selve
ende oic de voerscreven Margriete ende Barble van Hamme, cum tutore voir
hem selven ende oic inden name vanden selven Peteren van
Hamme haeren brueder absent ende buyten lants wesende, dien sy in
hen vervingen vercocht, den voerscreven Wouteren vander Straten
de voerscreven helft vanden voerscreven vier Peters des voerscreven chys dair
af dander helft Janne vander Wilgen der selver kynderen oem
toebehoert, Waranderende etcetera die sy hadde daerst:t;
Waranderende etcetera
XVI Juny tempore simile
Willem van Schore
Borch, Keyenoege, Jan vander Beke bydere, heeft Terve gegeven Willeme
van Schore, Een huys metten hove gronde etcetera gelegen inde Gortterstrate
in Onser Vrouwen prochie, tusschen Kaerls van Halen erve aen deen
zyde ende der weduen van wylen Gielis de Wale Helmslagers erve aen
af, Anthonio de Oeyenbrugge
zy dander zyde. A Domino Mechliniensi,st:t; Te besittene, op eenen erffeliken chys van
vive scellinge grote Brabants gelts Te betalene altyt tot Bamisse
Kersmisse dairaff den jersten termyn van betalingen syn sal tot Kersmisse
naestcomende, Ende opten voirchys van anderhalven chysgulden dair
jaerlix vutgaende
Assignavit XI Rinsgulden
XVI Juny tempore simile
Jan vander Elst beke
van Ghestelle ende
syn wyf
Lange, Borch. Jan vander Elst alias van Ghestele scepman ende Barble
Smeets syn wyff, Seggende dat sy gheen wettige kynderen en hadden
Ende hebben dair om voir ons gewilt ende openbairlic geordineert, dat
de langhstlevende van hen beyden, soe lange die alsdan leven sal, paysselic
ende vredelic sal gebruyken alle de haeffeliker ende effelikest:t; goeden bynnen der
stad ende vryheit van Mechelen wesende ende gelegen die sy nu tertyt hebben ende
hier namaels oic tsamen oic hebben ende vercrigen zelen. Behoudelic dien dat
alle de voirgenoemde goeden na des langhstlevende doot vanden voerscreven Janne ende
synen wive blivende toecomen ende verstorven zelen haeren gerechten
erfgenamen, dien die goeden na den rechte vander selver stad sculdich zelen
syn toe te comen ende te versterven, oft den ghenen dien sy deselve goeden
samentlic met haeren testamenten oft anderssins geven ende maken zelen
welke ordinancie wy ende oic Diest, Rende Hulst, Keynoege ende Vos
onse medescepenen by crachte vanden statute tanderen tyden daer op gemaect
geconfirmeert ende geapprobeert hebben ende by onser ordinairder macht
confirmeren ende approberen alle argelist vutgescheyden
XXIII July
Jan Marssys ende
syn wyf
Rende, Vos. Margriete tSermertens wylen Rommonds dochter met Janne
Stevens haeren man ende Lysbeth tSermertens haer zuster met Willeme Daneels
oic haeren man, hebben vercocht Janne Marssys den ouden ende Kathelinen
tSermertens synen wive wylen Henrix dochter synen wive, de helft van
Twee cameren metten hovest:t; chysgulden erffelix chys die sy hadden op ende
aen twee cameren metten hove gronde etcetera toebehoerende Cornelis Francons
gelegen deen neven dandere buyten der Coepoorten neven den Nyeuwen
Steenwech aldair, tusschen wylen Jan Zuermans erve aen deen zyde
ende wylen Peters van Aelst erve aen dander zyde