Blader door transcripties » Stadsarchief Mechelen

archieftoegang 2, inventarisnummer 950, pagina 19

Peter Caluwaerts
Borch, Rende. Anthonyne vander Wilgen wylen Willems vander
Wilgen dochter cum tutore by consente ende bywesene van Anthonise
Bernaerts ende Martinen vander Wilgen haeren zwager ende zuster
heeft Terve gegeven Peteren Caluwaerts, Een huys met eenen
duyfhuyse schueren ende eenen stucxken eeussels hove bogaerde gronde etcetera
houdende tsamen omtrent een halff buender geheeten tHoff ter
tot Hevere
Eyken, gelegen inde Nederstrate tusschen des voerscreven Peters
erve aen deen zyde ende der voerscreven Martinen erve aen dander zyde
Ende een stuck lants oft blocx metten gronde etcetera houdende omtrent
anderhalf dachmalest:t; dachmael gelegen aldair tegen tvoerscreven
hoff over tusschen desselfs Peters erve aen deen zyde ende Jans
de Roevere erve aen dander zyde. A Domino Mechliniensi. Te besittene op eenen
erffeliken chys van vyf gouden Peters te wetene sessendertich
groten Vlaems gelts gelts voir elken van dien gerekent Te betalene
altyt tot Kersmisse, Ende opten voerchys vander helft van
thien scellinge groten Brabants die de selve Peter dair op heeft
daer vutgaende, Met condicien dat de voergenoemde Peter sal mogen lossen
ende quyten naer de ierste sesse jaeren ende eenst:t;st:t; naestcomende
ende alsdan deselve sesse jaeren geleden synde niet eer, ende
de selve sesse jaeren geleden synde altyt als hem dat alsdan
gelieven sal, de voirgenoemde vyf Peters des voirscreven chys tot eenen
male ende anders niet ende elken dan penninge daeraf met twintich
geliker penningen ende met vollen chyse eens dair voir te
betalen
Pasch
Ultima aprilis tempore simile
Anno Domino Millesimo quadringen onthagesimo septimo
mensien Aprilis die quinta decima fuit Passche
Jan Halfhuys
Dale, Diest. Jouffrou Johanne van Halen wylen Vrancx dochter
met Mathys Waelpoyt haeren man, heeft terve gegeven, Janne
halfhuys, Een huys oft woeninge metten hove gronde etcetera dwelke
den voirscreven wylen Vrancken van Halen ende jouffrou Lysbetten van
Sompeke synen wive, der selver jouffrou Johannen vader ende moeder
toebehoerende plach, gelegen inde Aedegeemstrate byde Aedere plaetse
aldair, tusschen wylen Henrix van Elsselaer erve aen deen zyde
ende Jan Daems erve aen dander zyde streckende achterweerts
tot inde Yperstrate. A Domino Mechliniensi. Op eenen erffeliken chys van
twintich scellinge grote Brabants, Te heffene deen helft tot
Kersmisse ende dander helft tot Sinte Jansmisse dairaff den
jersten termyn van betalingen syn sal, tot Kersmisse naestcomende
Anno XVensu
de selve
Ende opten voirchys vander weerden van vivendertich scellinge
sesse penningen der selve groten ende sestien maten, ende jaerlicx
vutgaende met condicien, dat de voirscreven Jan sal mogen
lossen ende quyten, als hem dat gelieven sal, de voirscreven twintich
scellinge groten des voirscreven chys ende elken penninge dairaff met
seskene der gelike penningen ende met vollen chyse eens
de voir te betalene
XVI aprilis tempore simile
Peter van Steynemolen
voirsch, Keynooge, Dierick Adriaens tot behoef van Peteren van
Steynemoelen heeft verreyct, Een huys den Theems geheeten metten
gronde etcetera dat Kathelinen Cottens toe plach te hest:t; behoerde, gelegen
inden Nieuwen Bruel, tusschen der weduen ende kynderen van wylen
Janne vanden Eynde erve aen deen zyde ende Henricx de Leeuw erve
aen dander zyde, Ende vier gouden Peters erffelix chys, die de selve
Katheline heeft, op thuys geheeten de Pollepel metten gronde etcetera
toehoerende Henricken van Aken gelegen aldair, tusschen Henricx
van Eyghen erve aen deen zyde ende Henricx tSerboudens erve aen dander
zyde
Ex censu
samen
de wedue wylen Jans
Bouts
Hulst, Keyenoege, Jan vanden Eynde tapytwere ende Marie profeerts
syn wyf, hebben vercocht jouffrouwen Lysbetten Godessouwe diemen
heer inden Creeft wedue van wylen Anthonis Boom, Eenen hoff metten
gronde etcetera verscheyden ende afgepaelt van eenen anderen hove den
voergenoemde Janne ende Marien synen wive toebehoerende, gelegen inde Ravenberch
strate, tusschen desselfs Jans ende Marien syns wyfs erve aen deen
zyde ende der voerscreven jouffrou Lysbetten erve anderst:t; erve aen dander zyde
streckende achterweert lange neven der voergenoemde vercoepers ende
coeperssen erven met eender poirten tot inde Brabantstrate. A Domino Mechliniensi,
Waranderende. Op twee scellinge ende sesse penninge grote Brabants die tgoidshuys
van Onser Vrouwen bruederen boven deser stadst:t; ende noch twee scellinge
ende sesse penninge der selver groten die tgoidshuys vanden Augustinen
bynnen deser stad dair op heffen dair jaerlix vutgaende, Ende op alsulken
last dat den selven hof medepant es ende bliven sal voir alsulken chys
als goetst:t; van eenen ende eenen halven Rynsgulden tot veertich groten
Vlaems gelts elken van dien gerekent jaerlix gaende vut drie huysen
metten hoven gronde ende haeren toebehoerten deen neven dandre inde
voerscreven Ravenberchstrate tusschen der voerscreven weduen erve aen deen zyde
ende Aerts de Groote erve aen dander zyde gelegen, welkest:t; van welken
seven ende eenen halven Rynsgulden des voerscreven chys, hebben de voergenoemde
Jan ende Marien syn wyf gelooft, den voergenoemde vercochten hoff altyt