Blader door transcripties » Stadsarchief Mechelen

archieftoegang 2, inventarisnummer 950, pagina 187

moeder wegen, als momboeren ende inden name vander voerscreven
Margrieten Huyghs onder haer jaeren van discrecien wesende
die sy in hen vervingen vercocht Janne vander Byest
Spellemakere, tvoirgenoemde huys met synen toebehoerten, boven
gescreven waeren, Opte weerde van negen gouden
Rynsgulden elken van dien tot veertich groten Vlaems
gelts gerekent, dair vutgaende
De voirgenoemde Jan vander Byest, he heeft bewesen
der voergenoemde Margrieten der weduen tot haeren behoef als
tot haer tocht ende den voerscreven momboeren, totter voirscreven
Margrieten Huyghs behoef, als tot haer erffelicheit te
gouden Andries gulden, elken van dien tot veertich groten
Vlaems gelts gerekent erffelix chys Te heffene, altyt tot
Kersmisse dairaff den jersten termyn van betalingen syn sal, tot
Kersmisse naestcomende Op ende aen tvoerst:t; des voerscreven Jans voerscreven
huys den Cloet geheeten met synen voirscreven toebehoirten boven
gescreven, Ende voirtaen, op alle dandere desselfs Jans heeft
ende erffelike goeden metten gronde etcetera bynnen etcetera wesene ende gelegen
die hy nu ter tyt hebbe heeft ende hier namaels oic hebben ende
vercrigen sal. A Domino Mechliniensi, Waranderende etcetera met alsulker condicien daer
de voerscreven Jan vander Byest sal moeten lossen ende quiten, de
voirgenoemde thien gouden Andries gulden des voerscreven chys, inder
manieren hier naer volgende Te wetene, de drie gulden
dairaf, tusschen dit ende Kersmisse naestcomende, Ende van
van vertaen, tot elken Kersmisse alsdan deen na dander te
stont volgende, drie gelike Andries gulden ende eenen halven
des voerscreven chys
des voirscreven chys tot dier tyt toe dat de voerscreven thien ander
gulden geheelic ende al gequeten zelen syn ende elken gulden
af met sestien geliker gulden, in alsulken gulden ende selver
penningen als by onsen alre genadichsten heeren den Roomsschen
Coninck ende byden staten van synder genaden landen nu ter
tyt geordineert syn te geven ende te nemen, eens met vollen
chyse, dairvoir te betalen
Cristiaen de Borgere
Heelt, Ingelram. Lysbeth vander Elst wedue van wylen Jacoppen Craen
Claes de Moor erve aen deen zyde ende Gielis van Steynemoelen te
cum tutore heeft Opgedragen haer tocht, die sy hadde in een
huys metten hove gronde etcetera gelegen tot Heffene op Hoedonck tusschen
aen dander zyde, Ende in een stuck lants metten gronde etcetera
gelegen aldair, tusschenst:t; al vast aenden voerscreven hof tusschen den
selven, aen deen zyde ende des voerscreven Gielis van Steynemoelen erve
aen dander zyde. A Domino Mechliniensi, Juravit tot behoef van Gielis Cornelis
Lysbetten ende Jehannen Crabs haeren kynderen, welke, Gielis ende Lysbeth
tot haeren ende de momboeren hier naer bescreven, tot des voerscreven
Cornelis ende Jehannen behoef werden dair ierst inne geerft
Ende dair naer hebben de selve Gielis Cras ende Lijsbeth Cras syn
voir selve
zuster cum tutore, Ende Jacop vanden Scryeke ende Jan Stevens
van des vaders wegen, ende Jan vander Elst vander moeder wegen, als
momboeren, ende inden name vanden voerscreven Cornelis ende Jehannen Cas des
voerscreven Gielis ende Lysbetten Crabs broeder ende zuster onder haer jaeren van
discretien wesene, die hy in hen vervingen vercocht Cristiaen
de Borgere tot synen ende Kathelinen Puttemans syns wyfs behoef, tvoerscreven
huys metten synen voerscreven toebehoerten ende stuck lants boven gescreven
Waranderende. Opte weerde van vyf scellingen groten Brabants gelts
vuten voerscreven huyse metten hove ende op eenen veertel Rogs vuten voerscreven
stuck lants jaerlix gaende
Assignavit XXXV Rynsgulden
X february tempore simile
Peter Peter de Vettere
Cale, Rode. Peter de Vettere wylen Henrix soon, heeft openbairlic
voir ons bekent dat hen Willem de Vettere ende Jan van Ruysbroeck
syne momboeren goede ende rechtverdige rekeninge ende bewys gedaen hebben
van allen den haeffeliken ende erffeliken goeden, bynnen etcetera wesende ende
gelegen, die hem byder vande doot vanden voerscreven wylen Henricken
synen vader, toecomen gebleven ende verstorven syn ende van al tgene dat
sy van dien goeden, ontfangen ende vutgegeven hebben, Ende dairaff
ende oic van alle der moeyten quellingen ende heysschen, die de voerscreven
Peter de Vettere, den voerscreven synen momboeren, dairom in eeniger
manieren, soude moegen doen, heeft de selve Peter Quytgesconden
los vry ende ledich, den voergenoemde Willeme de Vettere tot synen ende
des voerscreven Jans van Ruysbroeck syns medemomboirs behoef ende alle
andere dies quitancie behoeven, geheelic ende al
XXIII february tempore simile
Jan de Poirte
Rode, Gheylinck, Jan Hoorens ende Jan de Visschere, hebben vercocht
Janne de Poirtere, Een huys metten hove gronde etcetera gelegen buyten
Sinte Kathelinen poirte inde Vingebecstrate tusschen wylen Jans
vanden Bossche erve aen deen zyde ende Gheerds de Laet erve
aen dander zyde, streckende achterweerts metten voerscreven hove, totter
vesten toe. A Domino Mechliniensi, Waranderende. Opte weerde van derthien scellingen
seven penningen ende eenen scelling groten Brabants gelts daer vutgaende
XXVa february
Visscher
inne hoorens ende te
Item. De voirgenoemde Jan de Poirtere, heeft bewesen den voerscreven Jan
Hoevens voir de acht scellinge ende anderhalven penning ende den voerscreven
Jan de Visschere voir de drie scellinge ende anderhalven penninge hier
naer bescreven, elff scellinge ende drie penninge grote Brabants
gelts erffelix chys Te heffene altyt tot Sinte Jansmisse dair
af den jersten termyn van betalingen syn sal van Sinte Jansmisse
naestcomende, over een jair dair naer volgende, Op ende aen des
voerscreven Jans de Poirtere huys met synen voerscreven toebehoerten, boven
gescreven. A Domino Mechliniensi, Waranderende etcetera met alsulker condicien, dat de voerscreven
Jan de Poirtere sal moegen lossen ende quiten altyt als hem dat
gelike gelieven sal, de voerscreven Elf scellingen ende drie penningen
groten Brabants des voerscreven chys, met vyf scellingen te male
ende niet min ende elken scellinge dairaff met sestien geliker scellingen
ende met vollen chyse
ut supra