Blader door transcripties » Stadsarchief Mechelen

archieftoegang 2, inventarisnummer 950, pagina 114

Jan van Duymon
minde expedita et
presenta et
Heelt, Yngelram. Jans wettich soon van wylen Jan als heeft vercocht
Janne van Turnout schoemakere, Twee gouden Peters, elken van dien
tot sessendertich groten Vlaems gelts gerekent erffelix chys, die hy hadde
op des voerscreven Jans Twee huysen metten hoven gronde etcetera gelegen
deen neven dander inde st:t; Kerchofstrate, tusschen der weduen ende
kynderen erve van wylen Janne Boydens aen deen zyde ende Jans
goede erve aen daer zyde. A Domino Mechliniensi, Waranderende etcetera.
Assignavit den XVI denier pro heyst
XIIII octobris
Yde Goessens
Beringen, Cale. Jan Als wettich soon van wylen Jan Als ende van wylen
Dignen sRaeymakers synen wive heeft openbairlic voir ons bekent, dat
hem de Goessens syn nichte goede ende rechtverdige rekeninge ende bewys
gedaen heeft vanden haeffeliken goeden die hem byder doot vanden
voerscreven synen vader ende moeder gebleven ende verstorven syn ende dairaff
sy tRegiment ende bewyc van synen wegen tot synder beden ende begeerten
gehadt heeft, Ende dairaf ende oic van al tgene, dat hy haer
vut zaken van dien in eeniger manieren soude moegen heysschen
heeft de voerscreven Jan de soon, Quytgesconden los vry ende ledich
der voerscreven Yden synder nichten, ende alle andere dies quitancie behoeven
geheelic ende al
XXIII octobris
Claes Buelens
Coesaert Roode. Meester Bertelmeus Ymbrechts wylen Rommonds soon
heeft vercocht Clase Buelens, Een huys metten hove gronde etcetera
gelegen inde Corte Nyeuwstrate tusschen Cornelis van Heffene
hof aen deen zyde ende Hubrecht Mast erve aen dander zyde
alsoe hem tselve huys byder sceydingen ende deylingen tusschen
heer ende synen bruers gedaen aengesceyden ende aengedeylt is geweest
A Domino Mechliniensi, Waranderende sonder eenige commen oft last van chyde daer
vutgaende
Assignavit denier XVIII Peters eens huys
^
XXIX octobris
Anthonis vanden Bossche
Rooms ende Gielis
de consens pater een
scabiny
XXXa July
LXXXa may
lossen
Yngelram, Cale. Jan de Rende, heeft Terve gegeven, Anthoenis vanden Bosschen
Een huys metten hove gronde etcetera gelegen inde Coestrate tusschen Jaspar
Boeyenhals erve aen deen zyde ende Willems de Dele erve aen dander zyde
A Domino Mechliniensi. Te besittene op eenen erffeliken chys van vier Peters, Te wetene
drie
sessendertich groten Vlaems gelts voir elken van dien gerekent, Ende die te
betalene altyt tot Sinte Jansmisse dairaf den jersten termyn van betalinge
syn sal van Sinte Jansmisse naestcomende, over een jair dair naer volgende
Ende opten voirchys vander weerden van vier scellinge ende sesse
penninge groten Brabants gelts daer vutgaende
V novembris
ende heer Loven contracte ende vert ende
XXVa septembris posite
heer Gheerd vanden
Dale Ridder
Steynemolen, Heelt, Wouter van Voesdonck, Jan de Lange, Gielis de Vos, doude
ende Jacop Robyns, als rentmeesters ende inden name vander stad van Mechelen
by bywesene ende consente van Aerde van Dyest, ende commoingmeesters vander
selver stad ende oic by gemeynen overdrage van ons onse medescepenen dekenen ende
geswoirnen in onser Raidcameren samentlic naer gewoenliker manieren vergadert
wesende, oic mede vut crachte vander ghiften der selver stad, by onsen alregenadichsten
heer den Roomsschen Coninck vanden geconfisqueerden goeden den Ingesetene
vander stad ende quartiere van Bruessele toebehoerende gegeven, naer vutwysen syne
genaden brieven, dairaff wesende, hebben vercocht heeren Gheerde vanden Dale
Ridder nu ter tyt deken vander Draperen, Een huys metten hove stalle gronde
ende allen anderen synen toebehoerten, dat toebehoert heeft Janne Oudaert van
Bruessele, gelegen inden Nieuwen Bruel, tusschen Jans van Culixrode erve aen
deen zyde ende Henricx de Vaes erve aen dander zyde gelyc ende in alle der
manieren de voirgenoemde Jan Oudaert, tselve huys besetten ende gebruyct heeft Domino Mechliniensi,
Waranderende. Opten chys dair vutgaende
Assigna
VI novembris
Jan vander Lot
Heelt, Rode, Katheline tSerneels wylen Rommonds dochter met Janne
vanden Eynde cleermakere haeren man, heeft Terve gegeven, Janne vander
loe, Een huys metter plaetsen gronde etcetera gelegen over de Befferbrugge by
Sinte Loys Capelle tusschen de selve capelle aen deen zyde ende Jan
Samels erve aen dander zyde. A Domino Mechliniensi. Te besittene op eenen erffeliken
chys van thien gouden Rynsgulden elken van dien tot veertich
groten Vlaems gelts gerekent, Ende die te betalene tot twee terminen
Te wetene deen helft dairaf tot Sinte Jansmisse ende dander helft tot
Kersmisse, dair af den jersten termyn van betalingen syn sal tot Sinte
Jansmisse naestcomende, Ende opten voerchys vander weerden van vier
scellinge ende vier ende eenen halven penninge groten Brabants gelts dair vutgaende
met alsulker condicien, dat de voirgenoemde Jan vander Loe sal moegen lossen
ende quiten altyt als hem dat gelieven sal, de voirgenoemde thien gouden
Rynsgulden des voirgenoemde met twee Rynsgulden te male ende niet men
ende elken van dien met sesthien geliker gulden eens ende met vollen chyse
Assignavit III Rinsgulden erffelicx
den XVI denier pro heyst
VIII novembris
ende syn wyf
Jan vanden Broeke
Lange, Rode. Jehanne vanden Hoecke weduwe wylen Jorys vanden Houte haer ierste
man, cum tutore als eene tochtenersse ende Jan van Hevere ende Jan van Houthem
van svaders weduen ende Frans ende Jan Vriendts gebroederen vander moeder wegen
als momboeren ende inden name van Barblen vanden Houte, des voerscreven wylen Jorys
ende Jehannen der weduen dochter infra annos etcetera, die sy in hen vervingen als erfgenaem
hebben achtervolgende der terminacien van ons ende onsen medescepenen bewesen, Janne vanden
Broeke tot syn ende Barblen Vriendts syns wyfs behoef, Seven scellinge ende Sesse
penninge groten Brabants gelts, erffelix chys Te heffene altyt tot Sinte Jansmisse
Op ende aen der voerscreven tochtenerssen ende erfgenaem huys metten hove gronde etcetera gelegen
inde Nonnestrate tusschen Henricx Scheers erve aen deen zyde ende des goidshuys
van Blydenberge erve aen dander zyde. A Domino Mechliniensi, Waranderende. Opte weerde van vier
gelike scellinge ende drie penninge groten Brabants daer jaerlix voir vutgaende
VIII may tempre simile