Blader door transcripties » Stadsarchief Mechelen

archieftoegang 2, inventarisnummer 950, pagina 11

ende syn zuster
Heer Kerstiaen Lyedeke
Hulst, Cortryke. Rommond Lyedekens heeft vercocht heeren Kerstiaen
Lyedekens priester tot synen broederst:t; behoef ende oic tot behoef van
Kathelinen Lyedekens synen broeder ende zuster, Syn sestedeel van
Sesse gouden Peters Peters elken van tot vier scellingen ende negen
penningen groten Brabants gelts gerekent erffelix chys, dat hy hadde
op een huys metten hove gronde etcetera dat Jacop Walsschaert
toehoert gelegen buyten de Aedegheempoerten inde Rechtstrate
tusschen desselfs Jacops Walsschaerts ander erve aen deen zyde
ende der kynderen erve van wylen Jan de Clere, aen dander. A Domino Mechliniensi,
Waranderende etcetera.
Assignavit XIII Peters eens
XXII novembry
de
de executeurs van
Rommonts van Baerde
Hulst, Keyenoege, Rommond ende Katheline van Waes wettige kynderen
van Jacoppen van Waes hebben openbairlic voir ons bekent dat Jan
van Hamme ende Jan Barbier als executeurs vanden testamente ende
vutersten wille van wylen Rommond van Baerdeghem, henlieden gecocht
hebben opte stad van Mechelen de lyfrenten hier na verclaert, die
deselve wylen Rommond den voerscreven Rommonden ende Kathelinen van
was metten selven synen testamente gewilt ende geordineert heeft
te coepen, Te wetene ten live vanden voerscreven Rommonden van es wive
thien scellinge oude groote Turnoyse, Ende ten live vander voirscreven
Kerthelmen van Waes synder zuster, Twintich gelike scellinge
ouder groote Turnoyse, Ende van dien lyfrenten ende oic vanden
sommen van hondert ende tachtentich gouden Rynsguldenen, elken
van dien tot veertich grooten Vlaems gelts gerekent, die de
voirgenoemde wylen Rommond den voerscreven Rommonden ende Kathelinen van
Waes, oic met synen voerscreven testamente gemaect ende gelaten
heeft, om hen daer mede de voerscreven lyfrenten, by synen voerscreven executeurs
inde voerscreven manieren gecocht te wordene, hebben de voirgenoemde Rommond
ende Katheline van Waes ende eenyegelic van hen soe verre dat
synder voerscreven lyfrenten ende der voerscreven sommen daerom byden voerscreven
executeurs gegeven aengaet, Quytgesconden los vry ende ledich
den selven Executeurs ende alle andere dies quitancie behoeven
geheelic ende al
ut supra
Andries de Hantzittere
Hulst, Cortryke. Margriete Stekers met Janne van Lonrode
haeren man heeft vercocht Andries de Hantzittere, Eenen
cleynen hof metten gronde etcetera gelegen inde Raemstrate
tusschen achter Jacops van Axele huys geheeten ste dander
Jacop tusschen desselfs Jacops ander erve aen deen
zyde ende wylen Bartelmeus Trabukier erve, de aen
dander zyde. A Beato Rumoldo, Waranderende. Op eenen gouden Peterst:t;
te drie pond payments ende eenen gouden Peter te wetene
sessendertich grooten Vlaems gelts voir dien gerekent
daer jaerlix vutgaende, Ende op alsulken last dat den
selven hof onderpant is ende bliven sal voir twaelff
I Rynsguldenen erffelix chys die vut des voerscreven
Jacops huyse den Aert geheeten jaerlix gaende
we
Assignavit den XXXst:t; XXI Rinsgulden
XXVII septembris
Yde vander Eyken
ende Katlyne Joes
Rende, Vos. Jan Gebuers, heeft vercocht Aerde Roest tot behoef
ende ten liven van Yden vander Eyken, synen wive ende van
Kathelinen Roest desselfs Aerts dochter van synen jersten
wive ende tot des langhstlevenden live van hen beyden
drie gouden Rynsguldenen jaerliker lyfpensest:t;
heffene altyt elken van dien tot veertich grooten
Vlaems gelts gerekent jaerliker lyfpensien, Te heffene
altyt opten vyfthienden dach van Augusto, Op ende
aen desselfs Jans huys metten hove gronde etcetera
gelegen, tot Neckerspoele inde Wygaertstrate opten
hoeck vander Vryesestraten, tusschen deselve
Vryesestrate aen deen zyde ende Henricx Willems
erve aen dander zyde, Ende op alle dander desselfs
Jans erffelike goeden metten gronde ende haeren toebehoerten
bynnen der stad ende vryheyt van Mechelen gelegen
die hy nu tertyt heeft ende hier namaels oic hebben
ende vercrigen sal. A Domino Mechliniensi, Waranderende. Opte weerde van sesse
vuten voerscreven huyse
scellingen grooten Brabants gelts daer jaerlix voer
vutgaende, met alsulker condicien dat de voerscreven Jan
sal moegen lossen ende quyten, de voirgenoemde drie gouden Ryns
gulden der voerscreven lyfpensien altyt als hem dat
gelieven sal met eenen Rynsgulden te male ende niet
min ende elken Rynsgulden daeraf met thien gelyker
gulden eens ende met volder lyfpensien, dictus Arnoldus
levabit et inde disponet
XXVII novembry tempre simile
Margriete ende Katlyne van
splegeem alias
Crabbe
Hulst, Keynoogge. Rommond van Eppegheem diemen heet Crabbe, wettich
soon van Janne van Esplegheem diemen heet Crabbe ende van
wylen Kathelinen vanden Broeke synen wive, heeft openbairlicst:t;
openbairlic voir ons geconsenteert ende gewillekent dat
Margriete ende Katheline van Esplegheem, diemen heet Crabbe
syne zusteren met hem evengelyc ende in gelyken deele ende
porcien, hebben houden besitten gebruyken ende deylen zelen
alle alsulke erffelike goeden tot wat plaetsen die bynnen
ende buyten der stad ende vryheyt van Mechelen gelegen syn
als henlieden byder doot vander voerscreven wylen Kathelinen
vanden Broeke haer moeder gebleven ende verstorven syn ende als
hen oic byder doot vanden voirgenoemde Janne haeren vader bliven
ende versterven zelen
XXI January tempore simile