Blader door transcripties » Stadsarchief Mechelen

archieftoegang 2, inventarisnummer 950, pagina 103

vanden Eynde
de wedue wylensuper:t;
Hoeven, Vos. Jan ende Gielis vanden Eynde gebruederen Jans vanden Eynde
kynderen, hebben quytgesconden los vry ende ledich, Lysbetten Sproncx
wedue van wylen Peteren vanden Eynde van allen den haeffeliken goeden
die hem byder doot vanden voirscreven wylen Peteren haeren brueder ende oic
byder doot van wylen Barblen vanden Eynde, desselfs wylen Peters
haer nichte
ende Lysbetten der weduen dochter in eeniger manieren, toecomen gebleven
ende verstorven mogen syn ende alle andere dies quitancie geheelic ende al
XVI Augusti tempore simile
Katlyne Sarens
Dyest, Langhe. Jan Sarens heeft opgedragen ende overgegeven
tot behoef van Kathelinen Sarens desselfs Jans natuerlike
dochter, die hy van Margrieten Yngelrams vercregen heeft
ven
Een huys metten hove gronde etcetera gelegen inde Adeghemstrate
tusschen Jans van Eyke erve aen deen zyde ende des goidshuys
van Cortenberge erve aen dander zyde, streckende achterwerts
totter plaetsen vanden huyse den Clippelle geheeten, toebehoerende
Peteren Blancx, A Domino Mechliniensi, Ende een huys metten gronde etcetera gelegen
inde Naustrate opten hoeck van eenen cleynen straetkene
hem streckende totter Delen, tusschen tselve straetken aen deen
zyde ende der weduwen ende kynderen erve van wylen Janne
de Ruysschere aen dander zyde, streckende achterwert totter
selver Delen. A Domicella Johanna vander Aa, Waranderende etcetera.
Jan Tymmerman ende Anthonis vanden Eynde, als momboren
ende tot behoef vander voirgenoemde Kathelinen Sarens weduen daer
inne geerft
ut supra
Magrieten Yngelrams
Item. De voirgenoemde Jan Tymmerman ende Anthonis vanden Eynde alias
momboren ende inden name vander voirscreven Kathelinen Sarens
hebben infra annos etcetera die sy in hen vervingen, hebben bewesen
der voirgenoemde Margrieten Yngelrams haer tocht paysselic ende
vredelic haer leven lanck doende te gebruykene inde
voirgenoemde huysen metten hove gronde etcetera boven bescreven. A Domino Mechliniensi,
et A Domicella Johanna vander Aa, Waranderende etcetera.
ut supra
Katlyne Sarens
Dyest, Langhe. Peter Gheylen, heeft opgedragen ende overgegeven tot behoef
vander voerscreven Kathelinen Sarens, tvoirgenoemde huys metten gronde etcetera inde
voerscreven Naustrate opten hoeck van eenen cleynen straetkene aldair gelegen
Deck huys de selve Peter tanderen tyden voir achterstelligen chys die hy
dair op heeft wettelic vutgewonnen ende verreyct heeft. A Domino Mechliniensi, Waranderende.
etcetera. Behoudelic den selven Peteren dair op synen voerscreven chys ende allen
anderen dier voer ende naer chys op hebben
ut supra
Meester Jan vander
Broeke ende syn wyf
Hulst, Vos. Barble de Leeuw wettich wyf van Meester Jan
vanden Broeke tot haeren ende tot desselfs haers mans behoef
heeft verreyct, Eenen hof met eenen duyfhuyse dair op staende
ende oic metten gronde etcetera den Jan Joes toe plach te hoerene gelegen
inde Penningstrate opten hoeck aldair, tusschen
Ende een huys metter plaetsen gronde etcetera dat Janne Breugelman
toebehoerde gelegen opte Dele tusschen desselfs Jan Breugelmans
erve aen deen zyde ende
Ex censu
XVIIa augusti
Novum Consilium
Anno Domini lesima dientesimonagesimoquo
Fera ende post festum assumptionis Beate Marie Vos
de fuit ca octa die mensis Augusti Renovatus
onselve ville Mathelinen, Et Remansstrator in eorum
Ultimo anno Dominus Philips Kerman miles, Johanes de Beringen
Petrus de Steynemolen, Henricken lande borgis Cousaert et
Rumoldus Roebosch, de novo vero electi Egidius de Muysene
Johannes Heelt, oft de ve Oyenbrugge, Cornelius Ingelram
Johanne Cale et Johannen vanden Rode
Magritati
Johannes Schooft
Arnoldus de Dyest
Decani Lanificy
Dominus Gerardus vanden Dale miles
Anthonis de Voesdonc
Cothem Juraty
Cornelinen de Heffene
Andries Hoot
Johannes Mol
Johannes Gorttere
Johannen vander Hoeven
Johannes vander Hulst
Egidius Vos soe Junior
Receptores
Walterus de Voesdonc
Johannes Lange Senior
Egidius van Seve
Jacobus Robbyns