Blader door transcripties » Stadsarchief Mechelen

archieftoegang 2, inventarisnummer 938, pagina 91

de kinderen vander
Steghe alias de Os
als momboiren ende inden name van Lysbetten vander Steghe diemen
heet van Os de voirscreven Jehannen zuster ende oic wettige dochter
vanden voirscreven wylen Sanderen vander Stege, onder haer jaeren van
discrecien wesende, die sy in hen vervingen, Ende oic voer
de Vryese ende Wouter Hermans van svaders wegen, de voirscreven
Jan Cloet ende Gheerd de Neve vander moeder wegen, als
momboiren oic ende inde name van Lauretten van Beringen
Peters dochter van Beringen ende wylen Kathelinen vander
syns wyf
Stege alias van Os oic onder haer jaeren van discrecien wesende
die sy in hen vervingen aen dander zyde, Ende hebben bekent
dat sy mynlic gescheyden ende gedeylt hebben, alle alsulken
onberuerlike ende erffelike goeden als den selven kynderen
byder doot vanden voirscreven Sanderen vander Stegen ende Jehannen
Vettekens synen wive, de voirscreven Johannen ende Lysbetten vader
ende moeder ende der voirscreven Lauretten ondervader ende oudermoeder
in eeniger toecomen ende verstorven syn, waer oft tot wat
plaetsen de selve goeden bynnen oft buyten der stad ende vryheit
van Mechelen gelegen syn alsoe dat by crachte vander selver
scheydingen ende deylingen de voirscreven Jehanne met haeren voircreven
man, hebben ende aenveerden sal, voir haer paert ende porcien
der voirscreven goeden, ierst een hoeve metten huysen bogaerde landen
eeusselen vorrelen ende met allen anderen haeren toebehoirten
alsoe die gelegen is te Putte ende den voirscreven wylen Sanderen
ende synen wive toe plach te hoiren ende aldaer te besitten plagen
vutgenomen den bempt onder den heer van Peys gelegen
die Jooryse vander Stege als van Os der voerscreven Johannen brueder
toebehoert. Item een bosch achter aende schuere vander voirscreven
hoeven gelegen. Item noch een bosch achter aende zutweyde gelegen
jaerlix ende
Item noch veerthien moken Rogs erffelic pachts op zeker goeden
toebehoirende Janne vanden Voordeken onder Putte gelegen
Op twee pond thien scellinge grote Brabants gelts een
veertele Rogs een veertele eenen heeren chys, Ende oic op thien
veertelen Rogs die de voirscreven Gheerd de Neve daerop heeft
ende vyfthien moken Rogs vuten voirscreven geheelen goeden jaerlicx
gaende, Ende noch tderdendeel van eenen stuck bosch houdende
int geheele omtrent drie buender, gelegen te Wavere byde Pitsenborch
Bosschen aende Leemstrate op tderdendeel van acht veertelen Rogs
erffelic vuten geheelen stuck bosch jaerlix gaende, Ende dat
vut crachte vander voirscreven scheydingen ende deylingen der voirscreven
goeden de voirscreven Lysbeth vander Stege ende Laurette van Beringen
de selve
erve van Sinte Barblen
bynnen Onsen Vrouwen
kerckete Mechelen
aen dander zyde
tsamen hebben ende anveerden zelen voir haer part ende porcie
der selver goeden, ierst drie huysen met haeren toebehoirten
gelegen deen neven dander opten Soutwerf byden Draeyboom
aldaer, tusschen Claes Tucbaer erve aen deen zyde ende Cornelis
Machiels erve aen dander zyde. Item een huys met synen toebehoirten
gelegen in Sinte Kathelinenstrate aende Hondsbrugge tusschen
de Mylane aen deen zyde ende August Joes de Hane erve aen dander
zyde. Item een huys met synen toebehoirten, gelegen opte dekene
tusschen een cleyn straetken aldaer aen deen zyde ende heer Bartelmeus
van Eykenvorde priesters erve aen dander zyde, Op vivendertich
scellinge grote Brabants gelts vut allen desen huysen jaerlix gaende
Item de helft van veerthien cronen jaerliker ende erffeliker renten
opte stad van Mechelen, waer af dander helft den voirscreven Jorysen
vander Stege toebehoirt vallen ende verschynende jaerlix voir deen
helft XXVI dage van opten XVIen dach in junio ende dander helft
Eenen
opten XVIe dach in decembry. Item tweest:t; chysgulden oic erffelicx
tvoirscreven
chys, op een huys met synen toebehoirten, dat den voirscreven heer Bartelmeuse
van Eykenvonde priester toebehoert opte voirscreven dekenie gelegen, aldaer
naest der voirscreven kynderen erve. Item noch eenen chysgulden des voirscreven
chys, op een huys met synen toebehoerten, toebehoerende Ghysbrecht
vanden Berge gelegen achter Onser Vrouwen kerchof aenden borreputte
aldaer, tusschen Lysbetten van Halle erve aen deen zyde ende der capelrie
Item noch omtrent twaelf grote Brabants gelts, in alderhande cleyne
chyse, op zeker erven bynnen der stad ende vryheit van Mechelen
gelegen, Item de twee deel van seven buenderen soe lant, soe bempt
metter geheelder schueren daerop staende geheeten docht
Danerecht gelegen deen neven dander op over den Pas, by Myserenvelt
inde prochie van Neckerspoele opten comme van twee scellinge groten
Brabants gelts daer vutgaende. Item noch twee veertelen Rocx erffelic
pachts op zekere goeden die toebehoeren plagen wylen Janne Smed
aldaer by tselve Myserenvelt gelegen. Item noch een stuc bempts
houdende omtrent een half buender geheeten Spaens buender, gelegen
in Schouwenbroeck onder Eelwyte, opten comme van twintich scellinge
payments daer jaerlix vutgaende. Item de helft van twee bosschen
deen aen dander gelegen inde prochie van Putte achter de plaetse
aldaer, houdende int geheele drie ende een half buender, opten commer
vander weerden van Seven scellinge grote Brabants gelts in
alderhande chyse vuten geheelen bosschen jaerlix gaende. Item
noch twee veertelen op des voirscreven pachts op een stuc lants
toebehoerende inne Morterman gelegen te Putte byde plaetse aldaer
Item noch de twee deelen vanden voirscreven Bossche te woone aende
voirscreven derdendeel
Leemstrate gelegen, daeraf de der voirscreven Jehannen aengedeylt
es opten commer vanden tweedeelen der voirscreven acht veertelen Rogs erfflic
daer jaerlix vutgaende, Ende noch alsulke erffelike goeden alle
lant bempden bosch ende chysen, int land van Beer inde prochie
van Cruybeke in Vlaenderen gelegen die den voirscreven haeren lander
toe plagen te hoiren, met alsulker condicien ende vorweerden