Blader door transcripties » Stadsarchief Mechelen

archieftoegang 2, inventarisnummer 938, pagina 89

Henrick Vuystaert
Heelt, Begge. Henrick Tymmermans sone wylen Jans, heeft terve
gegeven Henricken Vuystaert, Een huys metten hove gronde etcetera
gelegen te Hevere byde plaetse tusschen Willems vanden Zype
erve aen deen zyde ende Jans de Beckere erve aen dander zyde
A Domino Mechliniensi. Te besittene op eenen gouden Peter vander munten
goet etcetera te wetene XXXVI groten Vlaems gelts voir dien Peter
gerekent Te heffene altyt tot Sint Jansmisse, Ende opten
voirchys van twee capuynen ende twaelf pond payments
daer vutgaende, met condicien dat de voirscreven Henrick
Vuystaert den voirscreven Peter, des voirscreven chys, sal mogen quyten
altyt als hem dat gelieven sal, met veerthien der gelike
Peters ende met vollen chyse
Idem
Tima Augusti
Cande de Meester
Heelt, eer. Henrick de Beckere, sone wylen Claes sBeckers heeft
vercocht Janne Smet alias Staefmakere, tot behoef van Ganden
de Menosten nu ter tyt ontfanger vander attelerien ons genadige
heeren tsHertogen van Bourgaen van Brabant etcet, Een huys metten
hove gronde, gelegen inde Jeudestrate opten hoeck van
eenen cleynen straetken aldaer, tusschen tselve straetken
aen deen zyde ende wylen Pauwels stalen kynderen erve
aen dander zyde, streckende achterweerts totten water toe
A conventu de Lelyendale, Waranderende. Op vier scellinge ende
eenen helling Lovens vier capuynen vier gulden ende
eenen halven ende acht pondt payments daer vutgaende
Assignavit II gulden
VI augusty tempore simile
hem ende ofte
de Lepelmeke
Ymbrechts de Matheus Smet heeft vercocht Willem den Lepelmakere
diemen heet Inden Ezel tot behoef ende ten live van Willem
den Lepelmakere, daer moeder af was Katheline Lauwers ende
oic tot behoef van Otten deen helmakere, daer moeder af was
Katheline Hoendermans synen natuerliken kynderen ende tot
des langhstlevende live van hen beyden twee gouden Peters
vander munten te wetene XXXVI groten Vlaems gelts voir
elken van dien gerekent jaerliker lyfpensien, Te heffene
altyt tot twee terminen, te wetene deen helft daeraf tot
Kersmisse ende dander helft tot Sint Jansmisse, daer af den yersten
termyn syn sal tot Kersmisse naestcomende, Op syn huys metten
hove gronde gelegen inde Aedegemstrate opten hoeck vander
Penningstraten tusschen de selve strate aen deen zyde ende wylen
Jan Reynkens erve, dat nu synen kynderen toebehoert aen dander zy
A Domino Mechliniensi, Waranderende. Op sesthien scellinge groten Brabants gelts daer
voir vutgaende prodictus Willem Pater levabit et inde disponet
VIII augusti tempore simile
Barble sWechters
Heelt, Expoele, Steven Belianen, Jans Belianen soon, Katheline
Belianen, syn zuster, wedue van wylen Wouter Marien
Jan van Eyghen inden name van Margrieten Belyanen synen wive
die hy in hem verving, Jan de Stevere oic inden name van Marien
Belyanen synen wive, die hy oick in hem verving, Jan van
Hoevorst inden name van Jehannen Belyanen synen wive die
hy oic in hen verving, oic des voirscreven Jans Belyanen kynderen
Ende eenyegelyc van hen voir achtentwintich stuvere ende
eenen halven, hebben openbaerlic voir ons bekent dat
sy gehadt ende ontfangen hebben van Barblen sWechters
vivendertich scellinge grooten seven penningen ende eenen
helling groten Brabants gelts, als voir haer deel paert ende
van vierentwintich blauw croonen, die wylen Barble vander
Bloke, wedue van wylen Janne Belyanen, den voirscreven kynderen
Belyanen ende oic haeren bruederen ende zusteren tanderen tyden met
haeren testamente gemaect ende gelaten heeft, Ende van dien
XXXV stuvers seven penninge ende eenen helling groten hebben de voirscreven
bekende inden name als voer quytgeschonden los
vry ende ledich der voirscreven Barblen sWechters ende alle andere dies
quitancie behoeven
XX augusti tempore simile
Cornelis Yngelram.
Bosschen Duffle. Rommond Lynterman heeft opgedragen tot behoef
van Cornelisen Yngelram, Een huys metten hove gronde etcetera
dat wylen Janne Fruytier toe plach te hoiren, gelegen inde
Vettersham in Sinte Rommonds prochie, tusschen Gheerds van Leest erve
ende Cornelis Caluwaerts erve. A Domino Mechliniensi, Waranderende. Op twintich scellinge
groten Brabants gelts jaerliker lyfpensien, die de voirscreven Rommond
daer op van outs gehadt heeft ende alnoch behouden sal
ende voort op alsulken last van chyse ende van anderen comme
als vuyten selven huyse metten hove sculdich es jaerlicx
te gane
ut supra
Jan vander Borch
Boye, Expoele. Margriete vander vyft, cum tutore heeft vercocht Janne
vander Borch, anderhalven chysgulden ende tzestendeel van
eenen geliken chysgulden, erffelic chys, die sy hadde opte
helft van eenen huyse metten hove gronde, toebehoirende
gelegen buyten de Overste poorten
inde strate aldaer men gaet tot Hombeke weert tusschen
Jans van Lovene erve aen deen zyde ende Jans van Berbele
erve aen dander zyde. A Domino Mechliniensi, Waranderende etcetera
ut supra