Blader door transcripties » Stadsarchief Mechelen

archieftoegang 2, inventarisnummer 938, pagina 85

Peter Bruynbaert
Winck, Duffle. Katheline vanden Damme, met Janne Maes haeren
man heeft bekent dat sy gehadt ende ontfangen heeft van
Peteren Bruynbaert weduere van wylen Kathelinen Baertmakere
de somme van drie pont grote Brabants gelts die de selve Peter
de voirscreven Kathelinen vut saken vanden afcoope vanden
haeffeliken goeden haer verstorven byder doot vander voirscreven
wylen Kathelinen Baertmakers, haerer moeyen, sculdich ende
tachter was, Ende daeraf heeft de voirscreven Katheline met
haeren voirscreven man quytgeschonden los vry ende ledich den voirscreven
Peteren ende alle andere dies quitancie behoeven, geheelic ende al
X July tempore simile
Jan de Neve
Beckere
de Winck Jan van Muysene, heeft vercocht Janne den Neve beckere
tderdendeel dat hy hadde in een huys metten hove gronde
ende dat hy tanderen tyden voer ombetaelde scult, die hem wylen
Jan Scillemans sculdich ende tachter was, wettelic vutgewonnen
ende ter vierscharen vercocht heeft, gelegen inde Kerchofstrate
aldaer
over de tweede brugge tusschen een huys geheeten dendeke
toebehoerende den kynderen van wylen Janne van Bavele, aen deen
zyde ende Jacop Musch erve aen dander zyde, van welken
huyse metten hove, dander twee derdedeelen den voirscreven Janne
de Neve toebehoiren. A Domino Mechliniensi, Waranderende. Opte weerde van eenen
scellinge grote Brabants gelts vuten voirscreven geheelen huyse
metten hove jaerlix vutgaende. Behoudelic dien gater min
vute dat sal den voirscreven coeper te baten comen ende gater
meer vute dat sal de voirgenoemde vercoeper heur restitueren
XVI July tempore simile
Jan van Muysene
Adegenwinck. Bartelmeus Trabukier, als rentmeester ende inden name
van onsen genadigen heer den Hertoge van Bourgaen van Brabantich
in synder stad van Mechelen te voer deen helft ende Anthonis Boom
ende Jan Reyers alias Elssene als rentmeesters ende inden name vanden voerscreven
hebben
stad van Mechelen voir dander helft et procx erve gegeven
den voirscreven Janne van Muysene, Een plaetse metten gronde et
wesene hondert zessendertich voeten ende breet wesende derthien
Boeten gelegen opte Wollemerct, tusschen desselfs Jans van
Muysene de huys, dat wylen Margrieten Volkaerts toe
plach te hoiren, aen deen zyde ende eenen nyeuwen muer
die de selve Jan van Muysene, aldaer tot synen coste heeft
doen maken ende oic Gielis Vrancx erve, aen dander zyde
A Domino Mechliniensi. Te besittene op eenen erffeliken chys van twee Turnoysen
vander munten etcetera, Ende die te betalen altyt tot Kersmisse
ut supra
Jan de Schoere
Heelt wintich, Wouter Godscult ende Henric de Pottere wylen
Aerde kynderen inden name van hen selven ende oic inden name
van Yden sPottere haerer zuster die sy in hen vervingen, hebben
vercocht Janne den Schoezettere, de helft van eenen huyse metten
hove gronde gelegen inde Kerchofstrate tusschen Jan Byermans
erve aen deen zyde ende Jacop Loots erve aen dander, Ende
de helft van vier cammeren metten hoven gronde, gelegen aldaer
byde Hofstad, tusschen de vesten van Mechelen, aen deen zyde
ende des voirscreven Jacop Loots erve aen dander zyde van welken
huyse metten hove ende vanden vier cammeren metten hovest:t;
dander helft, den voirscreven Janne de Schoezette toebehoort. A
convente de Lelyendale, waranderende. Op derthien scellinge ende zesse
penninge groten Brabants gelts vuten geheelen huyse ende vier
cammen metten hove jaerlix gaende
XI July tempore simile
Liber Ymbrechts
Willem
Item Jan Ymbrechts wylenst:t; Ymbrechts sone van sinen
yersten wive, heeft opgedragen tot behoef van Loyen Lodewycke
Mertene ende Margrieten Ymbrechts, oic des voirscreven wylen Willems
kynderen van synen na wive alsulken recht ende deel, als hy
hadde ende hem toecomen ende verstorven mach syn, in alle
alsulken haeffeliken ende erffeliken goeden als achter den
Bellen
voirscreven wylen Janne Ymbrechts synen vader gebleven syn, bynnen
der stad ende vryheit van Mechelen wesende ende gelegen
A Domino Mechliniensi, Waranderende etcetera. De voirscreven Loy ende Lodewyc tot haeren ende den
anderen haeren brueder ende zuster behoef, warden dair inne gheerft
ut supra tempre
Berthelmeus
Vissenaecx
Begen Winck Laureys vanden Leemputte, heeft bekent dat hy
gehadt ende ontfangen heeft van Bartelmeeuse Vissemaect
de somme van dertich gouden Rynsgulden goede etcetera die de
voirscreven Bartelmeus den voirscreven Laureyse voir scepene van Mechelen
sculdich zynde
tanderen tyden bekent heeft Ende driest:t; heeft de voirscreven Laureys
den voirscreven Bartelmeuse quytgeschonden los vry ende ledich ende
alle andere dies quitancie behoeven, geheelic ende al
ut supra
Heelt, Duffle. Gielis van Gestelle ende Zeger van Steynemolen
van svaders wegen ende Joorys Coesaert ende Gielis Ghevaert
vander moeder wegen, als momboiren ende inden name van Claesen
van Hansbeke wylen Jans van Hansbeke sone ende van Janne