Blader door transcripties » Stadsarchief Mechelen

archieftoegang 2, inventarisnummer 938, pagina 76

Cornelheraerts
et uxor
Heelt, Vrienden. Meester Jan vanden Broeke alias Inden Bonten Osse
heeft terve gegeven Cornelisen Gheeraerts scipman tot
synen ende Amelbergen vanden Ackere syns wyfs behoef, Een
huys metten gronde gelegen inde Nauwstrate tusschen
Jacop Loots erve aen deen zyde ende wylen Jans de Leeuw
erve dat nu toebehoirt anne den Beckere aen dander zyde
om inne te besittene op drie gouden Rynsgulden goeden
te wetene XL groten Vlaems gelts voir elken der selver Ryns
gulden gerekent, Te heffene altyt tot Sint Jansmisse daeraf
den yersten termyn van betalingen syn sal van Sint Jansmisse
naestcomende over een jaer daer naer volgende, Ende opten
voirchys van veertich oude groten Turnoyse ende twee ende
eenen halven chysgulden daer vutgaende, met condicie dat
de voirscreven Cornelis ende syn wyf de voirscreven drie Rynsgulden
des voirscreven chys sallen mogen quyten altyt als hem dat
gelieven sal tot twee malen te wetene telken male
anderhalven Rynsgulden ende niet min ende elken gulden
daeraf met zestiene der geliker Rynsgulden ende met
vollen chyse
Re
XXIIII may tembryst:t;
Joes Vrancx
Heelt, Winckele. Aert Cleynaerts tot behoef van Joes Vrancx
heeft verreyct Een huys geheeten Tiechelhoven ende een
Huys geheeten de Calchoven metten hove gronde die Jacoppen
manden toe plach te hoeren gelegen buyten den Wiele opte Dele
tusschen des goidshuys vander Drievuldicheit erve aen deen zyde
ende wylen Jans vander Monden erve aen dander zyde
Ex censu
Greve Vrancx
Item deselve Aert tot behoef van Gielisen Vrancx heeft
verreyct zesse buender lants metten gronde gelegen by
Hobergen opten Beemorte tusschen wylen Aerd Vercammeren erve
ende Gielis van Zessamen. Item een half buender lants gelegen
aldaer tusschen wylen Aerde van Hofstaden ende den voirgenoemde Aerde
Vernamen. Item twee buender lants geheeten tHoflant gelegen
byden voirscreven Oeyemorte tusschen des voirscreven wylen Gielis van
zessien ende den voirgenoemde wylen Aerde vernamen. Item twee
buender lants gelegen aldaer, tusschen wylen Gielisen sWreede
ende den wech, Ende een half buender lants gelegen
aldaer, tusschen wylen Jans van Hulshout erve, aen beyde
zyden. Ex partu
ut supra tempore simile
testate den
Baerdege
Winckele, Expoele. Rommond van Baerdeghem, Seggende ende ons
te kennen gevende, dat hy opten neghentienden dach van
deser tegewoirdige maend van meye lestleden, Syn
testament ende vutersten wille gemaect ende geordineert heeft
voir heer Jorys de Monick priester, als drotarie ende onderprochiaen
vander prochie kerken van Sinte Rommonts staende bynnen
der voirscreven stad van Mechelen ende voer de getuygen inden
selven testamente genoemt alsoe distrument daerop
byden selven notaris gemaect, dat claerlic vutwyst ende
begrypt, welck testament ende vutersten wille, heeft de
voirgenoemde Rommond in meerder stekenissen ende verzekertheyden
van dien, als heden vut synen vryen wille voir ons
geconfirmeert endest:t; gelaudeert ende geapprobeert ende woude
daertoe de selve Rommond ende begeerde, voir synen vutersten
wille, dat tselve syn testament ende vutersten wille in allen
synen pointen ende legaten ende alsoe die inden voirscreven instrumente
byden voirscreven notaris gemaect van weerde te weerde bescreven
ende begrepen staen, by eenen yegeliken van synen erfgenamen
ende elken anderen vast gestadich ende onverbrekelic gehouden
Ende by synen executeurs volbracht volvuert ende tot
volcomeliker execucien, naer syn doot gestelt ende gevueght
worde, onder eenich wederseggen, Ende oic dat van
alsulker crachten ende machten Katlyne, oft voir ons inder manieren
dat gemaect is gedaen ende geschiet ware, Behoudelic
nochtan den voerscreven Rommond, daerinne syn meerderen
minderen wederroepen ende crigen, altyt als hem dat
goetduncken sal
heer Jacopt
XXI may
Katlyne Stuers
Winckele, Duffle. Katheline sWalschen met hueren momboir
by bywesene wetene wille ende volcomen consente van
haer moeder
Katheline sWalsschen ^ heeft opgedragen ende overgegeven
tot behoef van Kathelinen Stuers, wylen Henricx Stuers
ende Kathelinen Baluwers syns wyfs wettige dochter
alle haer recht ende deel dwelck sy hadde ende haer
ut supra