Blader door transcripties » Stadsarchief Mechelen

archieftoegang 2, inventarisnummer 938, pagina 67

Jacop tSermertens
Heelt, Duffle. Symoen de Meyer ende Peter van Yetegheem
hebben bekent, dat sy gehadt ende ontfangen hebben van Jacop
tSermartens, als moegeerde van Janne van
Stakenbroeck, wylen Jans van Stakenbroeck soon, de somme
van Eenen pond groten Brabants gelts, die den selver Janne
van Stakenbroeck toebehoiren ende daeraf de vyf pond
thien scellinge der voirscreven groten, gecomen waren van zekere
haeffeliken goeden die de d selver Janne, byder doot van
wylen jouffrou Gheertruyt van Stakenbroec beghynen, synder
soe moeyen verstorven syn ende geseet waren, opten Beyaert
ende dander dertich scellinge groten Brabants oic gecomen
waren van desselfs Jans Verschevenen renten, welke
somme van eenen ponden grooten voerscreven hebben de voirgenoemde
Symoen ende Peter, gelooft ende elc van hen besunder ende
voer al, weder te geven ende te restitueren den voirgenoemde
Jacop tSermartens oft den Beren des briefs, tot des voirscreven
Jans van Stakenbroeck, behoef, alsoe gege, als sy des
vanden selven Jacoppen, oft vanden selven ve brief
gemaect ende vercocht zelen worden, sonder eenich vutsteel
oft wederseggen, Om welke gelooften, alsoe tonderhouden
ende om der meerder zekerheyt etcetera hebben de voerscreven Symoen
ende Peter, den voirscreven Jacoppen tot des voerscreven Jans behoef
verbonden alle haere haeffelike goeden, waer die bevonden
zelen worden, die sy nu hebben ende namaels hebben ende
vercrigen zelen
Vst:t;aprilis
hy
Cornelis van
Boxhem
Helt, Gestelle, Jan Vensel, heeft opgedragen ende overgegeven tot
behoef van Cornelis van Boxhem alle sine haeffelike goeden, waer
die bevonden zelen worde ende oic syne erffelike goeden metten gronde etcetera
bynnen etcetera gelegen. A Domino Mechliniensi, Waranderende etcetera
VI aprilis tempore simile
de voerscreven opdracht in geschiet in presentien van allen mynen heeren
vergadert wesen in haerer Raidcameren, op alsulker condicie, dat
soe wanneer de voirscreven Jan Vensel, den voerscreven Cornelisen waer
geheelic ende al ende oic costeloes ende scadeloos ontheven ende
ontslagen sal hebben van alsulker borchtocht ende gelooften, daer
hy in staet ende gelooft heeft te betalene, de Janne vander
Hoeve ende Jacoppen Musch, als momboire ende tot behoef van
kynderen, dat de selve Cornelis alsdan
den voirscreven Janne Vensel alle de voirgenoemde goeden weder over geven
ende resigen sal, sonder ae wederseggen
Jacop van Oprode
et uxore
Oestelle, Baerdegem Lysbeth sHeelt wylen Jans sHeelts dochter ende weduwe
van wylen Henricken vander Berct, cum tutore, heeft opgedragen haer
tocht, die sy hadde in tvierendeel van een huys twee huysen metten
hoven plaetsen gronde etcetera die wylen heer Jacoppen van Lichters priester
toe plagen te hoiren, gelegen deen neven dander achter de Halle inde
Zack, tusschen Helmeestens erve aen deen zyde ende wylen Jorys
Rynen erve dat nu toebehoirt, Kathelinen van Acke, aen dander zyde
A Domino Mechliniensi tot behoef van Barblen vander Berct haerer dochter, dier ierst
inne gegoet waert, Ende daer naer, heeft de selve Barble met Symoen
hebben
van Donghen haeren man voir tvoergescreven vierendeel, Ende Katheline
tSerneels met Janne vanden Eynde cleermakere haeren man voir dander
vierendeel vercocht Jacoppen van Oprode tot synen ende jouffrou Jehannen
Gast synder huysvrouwen, behoef, de voergenoemde Twee vierendeele vanden
voirscreven twee huysen met haere toebehoirten voirscreven, die den vst:t; selver
vercoeperen, byder doot van wylen Rommond vanden Keldere, der voirscreven
Barblen Neve den voirscreven Kathelinen tSers goeyer ende des voergenoemde
de
heer Jacops van Lichter gerechte erfgenaem gebleven ende verstorven
waren, Waranderende op drie pond twaelf scellinge payments de
vutgaende ende der meerder verheyt de voirscreven Jacoppen ende
jouffrou ende op sessendertich chysgulden lyfpensien, ten live vander
voerscreven helen huykens daer vuten voerscreven geheelen huysen, met
allen haere toebehoirten jaerlicx gaende, Ende om der meerder
zekerheyt, den voerscreven Jacoppen ende jouffrou Johannen synder huysvrouwe
gelooften van
vander voerscreven waerscapen te doen, hebben de voirscreven beth heelenst:t;
vercoepers de selve daervoir verbonden ende te pande geset, Te wetene
de voirscreven Lysbeth sHeelt met haeren voerscreven momboir als eene tochtenersse
ende de voirscreven Barble vander Berct, met haeren voerscreven man, als
erfgenaem, haerlieder huys metten hove gronde etcetera gelegen tot
Neckpoele inde Rechtstrate tusschen Rommonds van Berge erve
aen deen zyde ende Jan Veermans erve aen dander zyde, opte
weerde van eenen scellinge sesse penninge groten Brabants daer jaerlicx
voir vutgaende, Ende de voirscreven Katheline Jan vanden Eynde
ende Katheline Sneels syn wyff, haerlieder huys metten plaetsen gronde
gelegen inde Ouden Bruel opten hoeck van eender straten gaende
ten Vettersham waert, tusschen de selve strate aen deen zyde
ende wylen Robbrecht Blocx erve aen dander zyde opte weerde
van elff scellinge sesse penninge groten oic Brabants gelts daer jaerlicx voer
vutgaende, Ende daer toe alle der voerscreven Lysbetten der weduen
Symoens van Donghen, synder voirscreven syns voerscreven wyfs ende oic
desselfs Jans vanden Eynde ende syne wyfs haeffelike goeden
ende ander erffelike goeden metten gronde etcetera die sy nu hebben
ende namaels hebben ende vercrigen zelen, binnen syn, wesende ende
gelegen, Op alsulker condicien oft gebeurde, dat de voerscreven Jacop van
Oprode storve voir de voerscreven jouffrou Johannen synder huysvrouwe, sonder
wettich hoir van haren live gecregen achter te laten, dat in dien
gevalle, de voerscreven twee vierendeel vanden voerscreven twee huysen met haer
toebehoirten, toecomen ende bliven zelen, de selver jouffrou Jehannen, om
daer mede te ordineren ende te disponeren, alsoe haer dat goetduncken
ende gelieven sal, den wederseggen van des voerscreven Jacop haeren man
erfgenamen niet tegenstaende
VII aprilis tempore simile
Aa
al