Blader door transcripties » Stadsarchief Mechelen

archieftoegang 2, inventarisnummer 938, pagina 30

Cornelis Reyers
Duffle, Ghoeten Ghysbrecht de Nestelere heeft vercocht Peteren vanden
cammen tot behoef ende ten live van Cornelisen sReyere
wylen Gielis Keyers sone, twee gouden Peters vanden
munten etcetera goeden te wetene zessendertich groten Vlaems gelts
voir elken de selver Peters gerekent lyfpensien Te heffene
deen helft daer af tot Kersmisse ende dander helft tot Sint Jansmisse
Op ende aen des voirscreven Ghysbrechts huys metten hove
gronde gelegen inde Kerchofstrate tusschen heer Jans Boventhuyns
priester erve aen deen zyde ende Laureys Smeets erve aen
dander zyde streckende achterweert metten voirgenoemde hove tot
aende Nokerstrate. A Johannes de Muysene filio, Magrie gulden, Waranderende.
opte weerde van seven scellinge groten Brabants daer voir
vutgaende, Ende om der meerder zekerheit den voirscreven Cornelis
vander betalinge der voirscreven lyfpensien te doene, soe hebben
Schostere
Lysbeth vander Willest:t; weduwe wylen Willems vanden Woelputte
cum tutore als een tochtenersse ende oic Willem vanden Woelputte
ende Margriete vanden Woelputte met Pauwels vander Donct
haeren man ende Katheline vanden Wolputte metten voirscreven
Ghysbrecht de Nestelere haeren man daer voir verbonden ende
tonderpande geset haer huys metten hove gronde gelegen
inde Zeelstrate tusschen Jans vanden Moirtere erve ende Jans
van Ware erve, op Sesse oude groten Turnoyse twee capuynen
Seven pondt payments achtentwintich penninge Lovens
ende een halve veertele rox daer voir vutgaende. A Domino Johanne
de Muysene
XV Juny tempore simile
Peter Du Perck
Duffle, Ex. Gheerdt vander Aa ende Willem Schoof als proviseurs ende
inden name vanden convente van Lelyendale ende vanden convente
van Cleynen tussenbeke staende beyde boven den beghynhove van
deser stad et percx hebben vercocht Peteren du Parck, drie scellinge ende
thien penninge groten Brabants gelts erffelic chys die de voirscreven
conventen hadden ende hen by wylen jouffrou Margrieten Gheerde
alias Sst:t;geertst:t; in haeren testamente gemaect ende
gelaten syn, op des voirscreven Peters huys oft woeninge metten
gronde etcetera gelegen aenden Steenwech van Mechelen geheeten
de Drie Coppen, tusschen den Callenberch toebehoerende Gielisen
Rootman ende den Halsborch toebehoerende Arthur van Maldere
A Domino Mechliniensi, Waranderende etcetera
Assignavit
XX Juny
Jan van Boschove
Duffle, es. Jouffrou Lysbeth Aelbrechts weduwe wylen Rommonds van
Wallet cum tutore, als een tochtenersse ende Aerdt van Dyest
inden name van Aerden Rommonden ende Margrieten synen wettigen
kynderen die hy van jouffrou Lysbetten van Werffelt synder huysvrouwe
anderen synen
vercregen heeft ende oic van allen den wettigen kynderen die hy
vander selve synder huysvrouwen soude mogen vercrigen, et a
die hy in hen vervangen heeft, heeft vercocht als erfgenamen
hebben vercocht Janne van Westerhoven, Een huys metten
hove ende met eender hofstad ende oic metten gronde etcetera
wylen
gelegen inde Blokerstrate tusschen Peter Mast erve, aen
deen zyde ende Ghysbrechts de Nestelere erve aen dander zyde
A Domino Mechliniensi, Waranderende. Op negen scellinge Lovens daer vutgaende
Behoudelic dien, gater min vute dat sal den voirscreven Coppen
te baten comen ende gater meer vute dat sal de voirscreven
vercooper den selven coepen oprichten ende betalen
Assignavit LX Rinsgulden
Juny tempore simile
Heydt van Diest
doude
Item. De voirscreven Peter Jan van Westerhoven, de den voirscreven
Aerde van Diest den ouden veertich gouden Rynsgulden
goede etcetera te wetene XL groten Vlaems gelts voir elken de
selver Rynsgulden gerekent Te deen helft daeraf van
Sint Jansmisse naestcomende over een jaer daer naer volgende
Ende dander helft daeraf tot tot Sint Jansmisse daer naer
volgende, Ende hier voir heeft hy verbonden alle syne haeffelike
ende erffelicx goeden presenta et futura infra etcetera stuver ende sunderlyc
ut supra
syn huys boven gereet. A Domino Mechliniensi,
Jan de Borghe
Duffele. Gheerdt vander ende Willem Scostst:t; als proviseur
ende inden name vander infirmarien vanden crancken beghinne
bynnen den beghynhove van deser stad gelegen et Pre hebben heeft
opgedragen tot behoef van Janne de Borghere, een huys metten
hove gronde dat wylen Janne Hoeckaert toe plach te hoiren
gelegen te Heffene byde Zenne, tusschen wylen Peter ambachts
kynderen erve aen deen zyde ende Andries de Witte erve aen
dander zyde, gelyc ende inder manieren vanden Vrancx tot der
voirscreven infirmarien behoef tselve huys metten hove tanderen
tyden voir achterstelligen chys die de selve infirmarien
daer op heeft wettelic vutgewonnen ende verreyct heeft
A Domino Mechliniensi, Waranderende etcetera. Behoudelic der selver infirmarien hen
chyse ende allen anderen die voir chys op hebben
ut supra