Blader door transcripties » Stadsarchief Mechelen

archieftoegang 2, inventarisnummer 938, pagina 211

Gielis vanden Hove
Bossche, Ghoeten. Katheline van Waerloes wylen Peters van Waerloes
dochter met Janne van Beringen haeren man heeft voir deen haer helft
ende Marie van Waerloes haer zuster met die momboir voir
dander helft hebben terve gegeven Gielisen vanden Hove, Een
stuc lants metten gronde geheeten keerssenhof gelegen
buyten der Aedegem opten tusschen des voirscreven Gielis vanden Hove
erve aen deen zyde ende Janne de strate aldaer aen dander zyde
streckende achterweerts tot des voirscreven Gielis vanden Hove erve
A Johannes tSille, Te besittene op eenen erffeliken chys van elf
scellinge ende twee penninge grote Brabants gelts, Te heffene
altyt opten yersten dach van April, Ende opten voirchys van
twee chysgulden vier capuynen twee scellinge oude groten
ende vier pont zesthien scellinge payments daer vutgaende
met conds dat de voirscreven Gielis vanden Hove de voirscreven elf
scellinge ende twee penninge groten Brabants des voirscreven chys
sal moeten lossen ende quyten, te wetene deen helft daer
af tot halver tusschen dit ende gesten dach voirdenst:t;
mit Jan van van al naestcomende over een jaer daer naer
volgene, Ende dander helft bynnen eene jaer daer naer volgende
gelike
ende elken penninge daeraf met tweentwintich penningen
ende eenen halven, ende met vollen chyse daer voir te betalen
op
XXVII marcy tempore simile
Vrouwen vanden
Wouwere ende syn wyf
Item. De voirscreven Katheline van Waeskens met haeren voiren
voir deen helft ende de voirscreven Marie haer zuster cum tutore voir dander
hebben terve gegeven Bouwene vanden Wouwere ende Margrieten
Mortsels synen wive, Een stuc lants metten gronde geheeten
den Molenberch, gelegen buyten de Aedegempoorten tusschen
Aerds vander Lynden erve aen deen zyde ende der kynderen
erve van wylen Jacoppe vanden Dale aen dander zyde. A Jo
te sulle, Te besittene op twaelf acht penninge groten ende
twintich myten Brabants gelts, Te heffene altyt opten yersten
dach van April, Ende opten voirchys van twee chysgulden
derthien ende eenen halven groten Brabants gelts ende veertich
scellinge payments daer vutgaende, met condicie dat de
voirscreven Bouwere ende syn wyf de voirscreven twaelff scellinge acht
penninge ende twintich metten Brabants des voirscreven chys sculdich
zelen syn te quyten ende te lossene, ten terminen hierna volgen
bewetene tvierendeel daeraf bynnen eenen jaer naestcomende
Ende alsoe alle jaer een vierendeel tot dier tyt toe dat
voirtaen
selve twaelf scellinge acht penninge groten ende twintich met
geheelic ende al gequeten sullen syn ende elken penninge daer
voir eenentwintich gelike penninge ende met vollen chyse
Idem
ut supra
Jan de Rycke
Dale, Duffle. Willem vander Loe heeft vercocht Janne de Ryke, twee
gouden Peters vander muntere goede etcetera te wetene XXXVI groten
erffelicx chys
Vlaems gelts voir elken der selver Peters gerekent, die de voirscreven
Willem hadde op een huys gronde etcetera toebehoerende Hubrechten meer
geheeten de Swane gelegen inde Kerchofstrate tusschen der weduen
Ridders erve aen deen syde ende den Heembempt aen dander syde
tusschen streckende achterweerts tot Henrick Lauwaerts erve
A Beato Rumoldo, Waranderende. Op twee gelike Peters erffelic ende eenen sack
op goede etcetera Mechelscher maten, lyfpachte daer voir vutgaende
XX may
Katlyne sGroeten
Dale, Duffle. Andries van Steenwinckele heeft opgedragen ende overgegeven
tot behoef van Kathelinen sGrooten weduen wylen Willems van Beveren
beghinen de alsulkenst:t; synder suster vander moeder wegen, alle alsulken
recht als deselve Andries hadde ende hem verstorven es van wylen heer
Jacop Lanen priester ende Canonick doen hy leefde van Sinte Rommonds kerke
te Mechelen synen oem in twee huyse metten hove gronde etcetera gelegen deen
neven dandere opte Veemerct tusschen deen erve geheeten de Hellem
dat toebehoeren plach wylen Janne Borremans aen deen syde ende jouffrouwen
Lysbetten Willeders erve aen dander syde, Ende in een stuc bempts metten
gronde etcetera gelegen op Neckerspoele byde Borch tusschen den sanck van
outs
Onser Vrouwen erve bynnen Mechelen aen deen zyde ende der kynderen
A Domino Mechliniensi, Waranderende etcetera.
van wylen Gherardus de Smet erve
Assignavit XIII Rinsgulden
Jan vanden Zype
Dale, Duffle. Henrick vanden Spe wylen Willems vanden Sype sone
Marie vanden Sype syn suster met Janne vander Hadocht haeren man
ende Barble vanden Spe oick suster des voirscreven Henricx ende Marien met
Danise capellemans haeren man, hebben vercocht Janne vanden Syne
wylen Vrancxsone haeren neve, Een stuc lants metten gronde etcetera
houdende omtrent een buender luttel min oft meer gelegen te
Hevere by Callebeke, tusschen der haer van Zellaer erve aen deen
syde ende den groten voetwech aldaer aen dander syde. A Domino Mechliniensi,
Waranderende. Op vier veertelen rox Mechelscher maten die de voirscreven
Jan vander Sype, daer selve jaerlicx op heeft daer vutgaende
Assignavit XII Peters
supra tempore simile
Augustyn Huens
Dale, Duffle. Jan Linterman wylen Janssone, heeft gekent ende geleden
dat hy ontfangen heeft van Augustinen Linterman synen brueder de
somme van twaelf Peters der munten etcetera te wetene sessendertich groten
Vlaems gelts voir elken Peter gerekent, vut saken van eenen halven
van op sack rop ende van een vyfstedeele van eenen stuck bosch
al gelegen inde prochie van Berlaer die de selve Augustyn tegen den
voirscreven Janne synen brueder gecocht ende vercregen heeft, Ende heeft
daer af de selve Jans quytgesconden los vry ende ledich den selven Augustinen
synen brueder ende alle anderen geheelic ende al
ut supra