Blader door transcripties » Stadsarchief Mechelen

archieftoegang 2, inventarisnummer 938, pagina 21

Mathys vander
Wilgen
Hamme, Duffle. Jan Smed woenende onder Heyst heeft gelooft
ongevrydt naer der divisen recht te geven ende te betalene
meester haer van hen hove tot behoef van Mathysen
vander Willigen syn tweest:t; vivenvyftich gouden Rynsgulden
goede ende gerechte te wetene veertich groten Vlaems gelts voir
elken der selver Rynsgulden gerekent, tot desen termanen
Te wetene derthien Rynsgulden daeraf van meye
naestcomende over een jaer daer naer volgende. Item derthien
Rynsgulden daeraf bynnen eenen jaer daer naer volgende. Item
derthien Rynsgulden daeraf bynnen eenen jaer daerna, Item
noch derthien Rynsgulden daeraf bynnen eenen jaer daer naer
volgende, Ende dander drie gulden als trest vander voirscreven sommen
bynnen eenen halven jaer daer naer volgende sonder eenich wederseggen
V marty
Jan Maes
Wynkele, Hamme. Meester Jan vander Straten, heeft opgedragen tot behoef
van Janne Maer een stuc lants metten gronde houdende
den voirscreven Janne Maer
omtrent een half buender, dat Gielis Tuydens ende synen kynderenst:t;
toe plach te hoiren, gelegen buyten der Overstepoorten int Beke
tusschen Aert Wittebroecs erve aen deen zyde ende wylen van
van Boesschoete erve aen dander zyde ende een huys metten
Janne Maer
hove dat den selve Gielisen ende synen kynderen toe plach te hoeren
gelegen aldaer achter den yersten put tusschen twee straten
aen beyde zyden, gelegen, Ende een stuc lants metten gronde
plach
Janne daer
dat oic den voirscreven Gielise ende synen kynderen toe plagen te hoiren
gelegen aldaer tusschen Jan Beckers erve ende Gielis Vrancx
erve gelyc ende inder manieren de voirscreven Meester Jan de voirscreven
goeden tanderen tyden voir achterstelligen pacht die hy daer
op heeft wettelic vutgewonnen ende verreyct heeft. A Domino Mechliniensi,
Waranderende etcetera sal als partu predict ons
IX marcy tempore simile
hic het locum contractus Johannes de Halen
als Joes ende XL quinta february posita
Goeten, Expoele. Gheerdt vander Aa ende Willem Schoof als proviseurs ende inden
name vanden convente van Lelyendale bynnen den beghynhove van
deser stad gelegen et qua hebben opgedragen tot behoef van
Jan van Culixrode
Janne van Culixrode, Een huys oft woeninge metten hove
plaetsen gronde etcetera dat den selven Janne toebehoirde, gelegen
inden Ouden Bruel tusschen Bartelmeus Trabukers erve, aen deen
zyde ende Augustyns van Boxhem erve aen dander zyde, streckende
met eenen vutgange ende poorten tot inden Nyeuwen Bruel tusschen
Peters van Steynemolen erve aen deen zyde ende Meester Jans de Leeuw
erve aen dander zyde, gelyc ende inder manieren de voirscreven Aerdt
Cleynaerts tot behoef vanden voirscreven convente, tvoirscreven huys oft
woeninge met synen voirscreven toebehoirten tanderen tyden voir achterstellige
chys die tselve convent daerop hadde wettelic vutgewonnen ende
vere. A Domino Mechliniensi, Wander consentes orbois als
XII marcy tempore simile
Wouter vander Varent
Goeten, Expoele. Jan vander Voert wylen Jans sone, heeft vercocht Wouteren
vander Varent drie chysgulden erffelic chys, die hy hadde op ende
aen een huys metten hove gronde, gelegen in Onse Vrouwenstrate
dat Janne Neefs diemen heet Tymmerman toebehoert gelegen in
Onser Vrouwenstrate, tusschen een waterscap geheeten den Dobbelen
Stegere aen deen zyde ende wylen Jans de Kersmakere erve aen
dander zyde. A Domino Mechliniensi, Waranderende. Op thien scellinge ende negen penningen
Lovens daervoir vutgaende
Assignavit
ut tempre simile
Idem
Item. Huyge Willemssone, heeft vercocht der voirscreven Wouteren
vander Varent drie chysgulden erffelic chys, Te heffene altyt
tot half meerte, op ende aen des voirscreven Huyghs drie huysen
metten hoven gronde gelegen deen neven dander inde Bruessele
tusschen Peters vanden Vlyete erve aen deen zyde ende Peter
Leemans erve aen dander zyde. A Johannes de Oeyenbrugge, Waranderende.
opte weerde van thien ende een halven chysgulden daervoir
vutgaende
Assignavit den X denier
ut supra
Jan ende Peter
vanden Dycke
Item. Gheerdt vander Aa ende Willem Schoof als proviseurs ende
inden name vanden convente vanden Peter engelegen bynnen deen
beghynhove van deser stad hebben opgedragen tot behoef van Peteren
Janne ende Peteren vanden Dycke gebruederen Peters vanden Dycke
kynderen een huys mette hove ende bygaerde gronde etcetera dat