Blader door transcripties » Stadsarchief Mechelen

archieftoegang 2, inventarisnummer 938, pagina 209

Pot Retro
der voirscreven Jan Schoofs erve aen deen zyde ende wylen Henricx
Godevant diemen heet Inden Creeft aen dander zyde, Item
een stuc lants houdende omtrent anderhalf vierendeel gelegen
aldaer opten Moirtere, tusschen des voirscreven Jan Schooff erve
aen deen zyde ende Willem Aert Bans erve, aen dander zyde
Item een stuc lants houdende omtrent een vierendeel gelegen
aldaer opten voirscreven Moirtere, tusschen Kathelinen vanden
Vekene erve aen deen zyde ende der kynderen Trokeroels erve
aen dander zyde, Ende een stuck eeussels houdende omtrent
een vierendeel, gelegen aldaer in Wyelenbroeck, tusschen
Wouters van Hanswyc erve aen deen zyde ende des voirscreven
Jan Schoofs erve aen dander zyde, gelyc ende inder manierenden
voirscreven Jan van Wyelenbeke de voirscreven erffelike goeden tanderen
tyden voir achterstelligen pacht die hy daerop heeft wettelic
vutgewonnen ende verreyct heeft. A Domino Mechliniensi, Waranderende etcetera. Behoudelic
den voirscreven Janne synen voirscreven pachte ende vallen anderen dier chys
op hebbenst:t; oft pacht op hebben etcetera
X marcy tempore simile
Margriete vander
Hoeven
Schooff, Duffle. Rommond tSergysele doude Jan tSerghysels syn sone, Jan Brugge
inden name van Kathelinen tSergysels synen wive des voirscreven priester
ende Jan de Hollandere inden name van Lysbetten tSergysels synen wive
oic des voirscreven Jans ende Kathelinen zuster, hebben bekent dat hem
Margriete vander Hoeven weduen wylen Jans van Eynhoven
dueghdelic vernueght ende betaelt heeft vander somme van vyftich
Peters vander munten te wetene goede etcetera oft de weerde
dach van Novembry int jaer van hy lestleden den voirscreven kynderen
daer voire, die sy tanderen tyden te wetene opten XXVI den
voir scepenen van Mechelen bekent hadde sculdich te wesen, Ende
daeraf hebben de voirscreven bekender inden name als boven
quytgeschonden los vry ende ledich Janne vander Cammen cleerman
tot der voirscreven Margrieten der weduen behoef ende al alle
andere dies quitancie behoeven geheelic ende al
XXVI marty
ende syn wyf
Katlyne van Malle
Schoeff, Duffle. Rommonde sone wylen Willems Eembout by consent
ende bywesene van Janne Robs ende Willeme Campioen sinen
momboiren, heeft vercocht Lysbetten van Lake, Aerturs vanden
Maldere huysvrouwe tot haren ende desselfs Aerters haere
mans behoef, die na den rechte vander stad den erffelike
chys hierna bescreven heeft moegen lossen ende afquyten, Eenen
Rynsgulden goet ende gerechtich, te wetene XL groten Vlaems
gelts voir elken derst:t; dien Rynsgulden gerekent die hy
hadde op alle de erffelike goeden metten gronde die heer
Vastaerden priester Beninc priester toe plagen te hoiren
ende die hy den voirscreven Berthele ende synen wive toebehoerst:t;
toebehoirende, opte Wollemarct van Mechelen gelegen. A Domino Mechliniensi,
Waranderende etcetera
XVI marty
syn wyf
Jan Hermans ende
Wynckele, Duffle. Augustyn vander Nuwermoelen wylen Gielis sone
vander Nuwermoelen heeft vercocht Janne Hermans tot synen ende
Lossien van Ghindere syns wyfs behoef, Een huys metten
hove gronde gelegen inde Ruedenstrate opten hoeck vanden
selve Kerchofstrate
Kerchofstrate tusschen de Ster deen zydest:t; ende Henrick
vander Straten aen deen zyde ende Jans vanden Gouberge
erve aen dander zyde, A conventu de Lelyendale, Waranderende. Op
Sesse gouden Peters vander munten goede etcetera te wetenesuper:t;
groten Vlaems gelts voir elken van dien gerekent die ter quytingen
staen met twee peters te male ende elken daeraf met zesthien
der geliker Peters ende met vollen chyse, Ende oic opte weerde
van drie gelike Peters daer vutgaende
XIII marty
Lanselver hoeven
Mol, Bossche. Lysbeth Sleens wylen Jans Sleeus dochter cum tutore
Jan Barbier, tot behoef van
heeft vercocht Jan Lanseloet Hoenderman, Twee chysgulden
erffelic chys die sy hadde op des voirscreven Lansloots stuc bempt
metten gronde geheeten den Steenkensham, houdende omtrent
een half buender, gelegen te Hombeke byde Brugge, tusschen
Willems vanden Hols erve aen deen zyde ende Cornelis van
Pre erve aen dander zyde. A Domino Mechliniensi, Waranderende etcetera
den X denier
XXI marty
Meester Jan vanden
Broeke
Wykele, Ghoeten. Jan Kersavont doude, heeft vercocht Meester Janne vanden
Broeke, twaelff scellinge ende sesse penninge grote Brabants
gelts erffelic chys Te heffene altyt opten yersten dach van
April, daeraf den yersten termyn van betalingen syn sal vanden
yersten daige van April naestcomende over een jaer daer naer volgende
op des voirscreven Jan Kerssavont drie huysen metten hove plaetsen
gronde etcetera gelegen deen neven dander inde Tweede Vleeschouwerstrate
tusschen Rommond van Puersse erve aen deen zyde ende Jacop Robbyns
erve aen dander zyde. A Domino Mechliniensi, Waranderende. Opte weerde van twee
tweentwintich scellinge groten Brabants gelts daer voir vutgaende
ut supra