Blader door transcripties » Stadsarchief Mechelen

archieftoegang 2, inventarisnummer 938, pagina 195

Jan Coels
Schooff, Bossche. Jacop Loot heeft terve gegeven Janne Coels wylen
Gielis Cools soone, Eenen hof metten gronde etcetera gelegen
buyten de Kerchof tusschen kerchofpoorten inde Rechte strate
tusschen des voirscreven Jacops huys aen deen zyde ende des
voirscreven Jan Cools huys aen dander zyde. A Domino Mechliniensi. Te besittene
op eenen erffeliken chys van eenen gouden Rynsgulden goet
te wetene XL groten Vlaems gelts voir dien gerekent Te
heffene altyt tot Kersmisse, Ende opten voirchys van eenen
geliken Rynsgulden daer vutgaende behoudelic dien gate
min vute dat sal den voirscreven Jacoppen, te baten comen
met alsulker conditie dat de voirscreven Jan Cools den voirscreven Ryns
gulden des voirscreven chys sal moegen quyten altyt als hem dat
gelieven sal met eenen halven Rynsgulden te male ende
elken penninge daeraf met zesthiene der geliker penningen
ende met vollen chyse eens daervoir te betalene, Ende
om der meerder zekerheit den voirscreven Jacoppe vander betalingen
vanden voirscreven Rynsgulden te doene, soe heeft de voirscreven Jan
Cools daer voir verbonden ende tonderpande geset syn huys metten
hove gronde gelegen buyten de voirscreven poorte naest den voirscreven
vutgegeven hof tusschen den selve hof aen deen zyde ende
Martens van Eykevorde erve aen dander zyde, opte weerde van
Sesse scellinge ende sesse penninge groten Brabants gelts daer voir
vutgaende, voirt. A Domino Mechliniensi voort meer es vorweerde ende
ondersproken, dat de voirscreven Jacop Loot ende oic syne nacomelingen
met eenen wegen
hebben ende behouden allen haven vutgaen doer ende over aenst:t;
inde
den voirscreven st:t; vander breyden van vier voeten ende alsoe lange als des
voirscreven Jacops huys, dat naest den voirscreven hove, gelegen es alsoe
datmen daer over gebruegelic met beesten oft anderssins sal
mogen Dryven ende gaen totten hove van desselfs Jacops huyse
daer naest gelegen, sonder eenich wederseggen
ut tempore simile
XXVII January
Anthonis van Schooten
Putte
Mol, Bossche. Jan de Busschere, heeft vercocht Anthonis van Schotteputte
Eenen Rynsgulden goet ende gerechtich te wetene veertich groten Vlaems gelts
voir dien Rynsgulden gerekent jaerlix ende erffelix chys die de selve Jan
hadde op een huys metten hove gronde, den selve Anthonisse toebehoerende
gelegen op Neckerspoele inde Beghinenstraet, tusschen der wedue ende
kinderen wylen Jans Zack erve aen deen zyde ende wylen Henrix vanden
Zande erve dat nu toebehoirt ende Janne van Lanchem priest aen dander
zyde. A Domino Mechliniensi, Waranderende etcetera
Assignavit den denier
XXIIII aprilis
Jan Ghoorys ende
syn wyf
Winck, Bossche. Jan van Boechout Cuypere heeft vercocht Janne Ghorys ende
Machtilden sMeyers synen wive Sesse scellinge groten Brabants gelts
erffelix chys Te heffene deen helft opten jersten dach van Augusto
ende dander helft opten jersten dach van februario, op een huys metten
hove schueren gronde etcetera den selven Janne toebehoerende gelegen buyten
Sinte Kathelinen poorte opten Pennepoel, tusschen een huys dat wylen
Henricke van Boechout toebehoirt aenden zydest:t; toe plach te hoeren
aen deen zyde ende Jan Voets erve aen dander zyde. A Domino Mechliniensi, Waranderende.
op seventhien scellingen vyf penninge groten Brabants daervoir vutgaende
Assignavit den XXIII denier
Ultima Juny
Gielis Vrancx
Schooff, Bossche. Aerdt Cleynaerts tot behoef van Gielis Vrancx
heeft verreyct, Een huys metten hove gronde dat Claese
de Moer toe plach te hoeren gelegen te Heffene op strate
tusschen de strate aldaer aen deen zyde ende
Ex censu
XXIIIary tempore simile
De selve
Item. De selve Aert tot behoef als boven, heeft verreyct
een stuc bempts houdende omtrent een half vierendeel
dat der capelrien van heer Janne van Reyenborch priester te
Sinte Rommond toe plach te hoiren gelegen te Battele
weert, tusschen dese aldaer ende Henricx van manierenst:t;
Ex censu
ut supra
Meester Jorys renten
Schooff, Bossche. Otte van Merode, heeft vercocht Meester Jooryse
Renten, Een huys metten hove gronde etcetera gelegen inden
Nyeuwenbruel tusschen der weduen ende kynderen van wylen
Peteren de Coninck erve aen deen zyde ende Gheerd de Wechter
erve aen dander zyde. A Domino Mechliniensis, Waranderende. Opte weerde van achthien
scellinge ende neghen penningen groten Brabants gelts daer vutgaende
Assignavit XLVI Rinsgulden
XXVII January tempore simile
Otte van Nuwrode
meester
Item de voirscreven Jorys die den voirscreven Ottene, dairtich gouden Ryns
gulden goede ende gerechte te wetene veertich groten Vlaems gelts
voir elke daer selve gerekent, te betalene tot desen termynen, de sesse
Rynsgulden van Lichtmisse naestcomende over een jaer daerinne
van hare te jare
volgende, Ende alsoe voertane telken Lichtmisse, sonder mindeel deen
den anderen vervolgen sesse Rinsgulden, tot dat de voirscreven somme
geheelic ende al betaelt syn sal, Ende hier inne heeft hy wouden
alle syne haeffelike haer erffelike goeden, die hy nu heeft ende
namaels hebben ende vercrigen sal
ut supra