Blader door transcripties » Stadsarchief Mechelen

archieftoegang 2, inventarisnummer 938, pagina 181

Henrick de Greve
ende syn wyf
Schoof, Bossche. Jan van Halen diemen heet Joes heeft vercocht
Henricken de Greve ende Dignen sBeckers synen wive, twee
Een huyse metten hove gronde gelegen deen neven dander
inde Corte Penningstrate tusschen des voirscreven Jans van Halen
ander erve aen deen zyden ende Jans van Haren erve aen
dander zyde. A Domino Mechliniensi, Waranderende. Op Sessentwintich scellinge
Loevens daer vutgaende
Assignavit X Rinsgulden
XX novembris
Jan van Halen
Cassaten int deser
debet de consens
ambaer procureur die XXVI
february anno LXXXVI
moestreken gheen
doch namaren
met putte
Bossche
Greven
Item. De voirscreven Henric de Grevest:t; ende Digne syn wyf den
den voirscreven Janne van Halen tweendertich gouden Ryns
gulden goede te wetene XL groten Vlaems gelts voir elken
der selver Rynsgulden gerekent Te betalen de achter
Rynsgulden daeraf van Sint Jansmisse naestcomende over
een jaer daer naer volgende, Ende alsoe voertaen alle Sint Jansmisse
alsdan deen na dander volgende acht Rynsgulden, die etcetera
Ende hiervoir hebben sy verbonden alle haere haeffelike goeden
waer die bevonden zelen worden ende sunderlinge te de voirscreven
twee huysen metten hove
s
Lodewyc de Grave
ende syn wyf
Bossche, Ghoeten. Jan van Halen diemen heet Joes, heeft vercocht Lodewyck
de Grave ende Marien van Halle synen wive, Een huys metten
hove gronde, gelegen inde Corte Penningstrate tusschen een
ander huys den voirscreven Janne van Halen toebehoerende aen deen
zyde ende der kynderen erve van wylen Janne Hannemans aen
dander zyde, gelyc ende inder manieren tvoirscreven huys metten hove
van des voirscreven Jan Joes anderen huyse metten hove boven genoemt
van Halen
de voirscreven partien
afgescheyden es met eenen stuyve, den welken zy in
geliken coste houden zyde. A Domino Mechliniensi, Waranderende. Op vyfthien scellinge
Lovens daer vutgaende
XXI novembry tempore simile
Jan Joes
Item. De voirscreven Lodewyc de Grave ende Marie syn wyf den
den voirscreven Janne Joes, vierentwintich gouden Rynsgulden
goede etcetera te wetene XL groten Vlaems gelts voir elken der selve
Rynsgulden gerekent, Te betalen de sesse Rynsgulden
daeraf van Sint Jansmisse naestcomende, onder een jaer daer naer
volgende, Ende alsoe voertaene telken Sint Jansmisse aldaer
deen na dander ^ volgende Sesse Rynsgulden daer, Ende
gelike
terstont
hier voir hebben sy verbonden alle haere haeffelike goeden die
he waer die bevonden zelen worden, Ende sunderlinge haeren
huys metten hove boven genoempt
supra tempore simile
es in
hoof met
tot behoerende
Jorys van Nuffle
ende vrouwen
Margrieten
vanden Casteele
synder huysvrouwe
Katheline Zuetens wylen Marten Zuetens dochter
met haere momboir heeft vercocht Anthonis Vlemings tot alle
ende Gheerd vander Heyden, als momboiren ende tot behoef van
Kathelinen van Bouchout, natuerlike dochter van wylen Janne
van Bouchout Laureyssone, drie gouden Rynsgulden goeden
Te wetene veertich grooten Vlaems gelts voir elken van
dien gerekent, erffelic chys Te heffene altyt tot Kersmisse Bamisse
daeraf den yersten termyn van betalingen syn sal tot Bamisse
naestcomende, Op ende aen des voerscreven Kathelinen acht gelike
gouden Rynsgulden oic erffelic chys, die sy heeft op een
huys metten hove gronde etcetera gelegen inde Begaertstrate tusschen
Jan van Hamme huys aen deen zyde ende wylen heeren Jacops
Lanen huyse aen dander zyde comende achterweerts metten
voerscreven hove totter Delen toe, Ende op eenen hof metten gronde
den selven Jorys ende synder huysvrouwe toehoerende inde
selve strate gelegen in een cleyn straetken, geheeten de
stuckende brant tegen tvoerscreven huys over, tusschen Godevaerts
Maes erve aen deen zyde ende der weduen ende erfgenamen
erve van wylen Jacoppen van Hulsenhout, aen dander zyde
A Domino Mechliniensi, Waranderende. Op tweest:t; etcetera
ende syn wyf
Berthelmeus Boots
Duffle, Bossele. Heer Jan Koene priester, heeft vercocht Bartelmeus
Boots ende Alyt Zeghers synen wive, Een huys metten
hove gronde etcetera dat Willem Paeps toe plach te hueren
gelegen inde Corteryvoetstrate in Onser Vrouwen prochie
tusschen Jan Schoofs erve aen deen zyde ende Gielis vanden
Dale erve aen dander zyde. A Johannes de Oeyenbrugghe
Waranderende. Op twee pond payments ende drie chysgulden ende
eenen halven, daer jaerlicx vutgaende
Assignavit XLIX Peters
XXIII novembris
Jan de Schoezittere
Mol, Ghoeten. Jacop Loot heeft vercocht Janne Schoezettere, drie gouden
Rynsgulden gronde etcetera te wetene XL groten Vlaems gelts voir elken
der selver Rynsgulden gerekent erffelic chys, die hy hadde op des
selfs Jans huys metten gronde gelegen inde Nauwstrate tusschen
Meester Jans vanden Broeke erve aen deen zyde ende wylen Willem
Bacx diemen hiet int Woudt erve aen dander zyde. A Domino
Margriete de Hellaer, Waranderende etcetera
Assignavit den XI denier
XXIII novembris