Blader door transcripties » Stadsarchief Mechelen

archieftoegang 2, inventarisnummer 938, pagina 18

goeden waer die bevonden zelen worden ende oic haer erffelicx
gele
goeden metten gronde broonen etcetera die zy nu hebben ende
namaels hebben ende vreden zelen. A Domino Mechliniensi,
february tempore simile
Magriete vanden Plast
Dale, Wynkele, Marie sWynnen wylen Godevaerts sWynnen dochter met
Bartelmeus de Bevere diemen heet vander Kerchove haeren
man heeft quytgeschonden los vry ende ledich, Margrieten
vander Plast wedue des voirscreven wylen Godevaerts van allen
den haeffeliken goeden die haer byder doot vanden voirscreven wylen
Godevaerde sWynnen haeren vader ende der voirscreven Margrieten man
doen hy leefde in eeniger manieren verstorven mogen syn, ende
hebben daer toe de voirscreven de voirscreven gode Bartelmeus ende syn
wyf gelooft oft gebuerde dat de voirscreven Godevaert die buyten
lande ende van diens leven ven niet en weet in toecomende
tyden weder te lande quame, dat zy in dien gevalle den selve
Godevaert ende synen wive restitueren ende wedergeven zelen, de
voirgenoemde haeffelike goeden, die zy tegen der voirgenoemde weduen gedeelt
hebben ende van alle te heelen stucke te stucke bescreven
syn, oic dat zy de voirgenoemde weduen, nemmermeer stoot oft belet
doen en zelen in haer huys inde Zeelstrate gelegen, maer zelen
haer dat paysselic ende vredelic altyt laten volgen, voirtaen
soe hebben de voirgenoemde wedue aen deen zyde ende de voirscreven Bertelmen
aen dander zyde ende syn wyf, aen dander zyde, quytgeschouwen
malcanderen ende voirscreven manieren, van allen alsulken somme van
penningen als de voirgenoemde wylen Godevaert de voirscreven weduen
synder huysvrouwen ende de selve wedue den voirscreven Godevaerden
haeren man in behulpe van haeren huwelike malcanderen toeseet
ende gelooft mogen hebben ende alle andere dies quitancie behoeven
Ende om der meerder zekerheit de voirscreven weduen te doene
van tgene dat voirscreven staet, Soe hebben de voirscreven Bartelmeus
ende syn wyf, de voirscreven weduen verbonden ende te pande geset haer
huys metten hove gronde gelegen inde Aedegemstrate tusschen
Jans vander Meere erve aen deen zyde ende een strate aldaer
aen dander zyde, Opte weerde van acht scellinge groten Brabants
daer voir vutgaende. A Domino Mechliniensi,
ut supra
erffele
Winck, Duffle. Cornelis van Berthem heeft vercocht heeft vercocht Henricken
Boys tvierendeel van eenen huyse metten hove gelegen buyten
Henrick Boye
der Aedegempoorten inde Rechte strate, tusschen Peters van Waerloes
erve ende Jan Spierincx erve, Ende aen tvierendeel van eenen
hove gelegen aldaer tegen tselve huys over, tusschen des
goidshuys van Betanien erve ende wylen Reyniers de Costere ende
Godevaerts int Sweeken erve aen dander zyde, van welken
huyse ende hove dander twee vierendeel den selven Henricken
toebehoiren. A Monialibus, Waranderende. Op dertich oude groten Turnoyse
geheelen
ende vyfthien pondt payments vuten voirscreven huyse ende op sesthien
scellinge Lovens vuten voirscreven geheelen hove jaerlicx gaende
IX february
Margriete sBocx
Wynkele, Expoele. Margriete sBocx weduwe wylen Daneels sCranen, heeft
verreyct twee derdendeel van eenen huyse metten hove gronde
dat wylen Janne Tymmerman toe plach te hoeren gelegen in
Sinte Kathelinenstrate tusschen Henrick Yngels erve ende de
prochiaens erve vanden beghynhove, Ende tderdendeel vanden
derdendeele van eenen stuck bosch metten gronde houdende
int geheelen omtrent sesse buender geheeten Tymmermans
bosch, dat oic den voirscreven wylen Janne toe plach te hoeren, gelegen
te Hevere, tusschen
Ex debito suo domino quondam Johanne Tymerman de Rilt obligabatur
XX february
Willem de Gorttere
ende Henricke toehore
Dale, Wynkele, Willem de Gorttere, heeft verreyct een huys met
alle syne toebehoirten voir ende achter dat Henricken ghootenst:t; de Lange
ende Henrick Ghootens wyf toehoirde, gelegen opten werf, tusschen een
ander erve dat den selve Henricke toebehoirt aen deen zyde ende
wylen Peter Ballemans erve aen dander zyde, streckende achterweert
met twee cameren tot int Papestraetken, tusschen wylen Rommond
van Bynnen erve aen deen zyde ende wylen Gheerd vanden Hove erve
aen dander zyde. Item een cammere metten gronde gelegen van
die de voirscreven Henrick
voirgenoemde Payenstraetken, tusschen wylen Symoens
Blancken erve aen deen zyde ende des voirscreven wylen Rommonds erve
aen dander zyde ende eenen cleynen hof metten gronde die wylen
Willeme ende Rommond de Cobbere gebruederen toe plach te hoeren
gelegen opt Veldeken, tusschen wylen heer Jans Zegere priester
erve aen deen zyde ende Willem Willems van Ghele priester
erve aen dander zyde. Ex censu
ut supra