Blader door transcripties » Stadsarchief Mechelen

archieftoegang 2, inventarisnummer 938, pagina 168

Jan Mathys Blauwerwer heeft bekent
sculdich wesende, Peteren de Creemere van Duffle
acht pond ende vyf scellinge groten Vlaems gelts Te
betalene tot twee terminen, te wetene deen helft daeraf
tot Bamisse ende dander helft tot Sinte Mertensmisse beyden
naestcomende, Ende daervoer heeft hy verbonden alle
syne haeffelike goeden waer die bevonden zelen worden
ende oic syne erffelike goeden metten gronde bynnen etcetera gelegen
die hy nu heeft ende namaels hebben ende vercregen zal
et poste
Idem. Anthonis van Heffene wylen Vranck sone van Heffene
dat Janne van Diest tot behoef vanden goidshuyse van Muysen
acht pondt groten Brabants gelts Te betalen tot Kersmisse
Paessch
naestcomende, Ende hier voir heeft hy verbonden alle sine haeffelike
ende erffelicke goeden presenta et futura infra etcetera, Ende daer toe
vorweerden oft gebuerde, dat de voirscreven Anthonis bynnen
desen middelen tyde eenige hande bosschenst:t; hout van Bossche
vorrelen oft anderssins oft oic eenige erffelike renten
vercochte, dat alsdan de voirscreven scult verschenen ende gevalle
syn sal, ende dat de rentmeester vanden voirscreven goidshuyse de tot
des voirscreven goidshuys behoef alsdan ende afslage vanden
voirscreven scult, de penninge daeraf comende aenveerden sal sonder
eenich wederseggen
Heelt, Ghooten. Rommond vanden Sande ende Willem vander Hoeven
den Thomas Rombout van Siericxzee, twee pond acht
scellinge ende twee penninge groten Vlaems gelts Te betalen
al
tot deen helft tot Kersmisse ende dander helft tot Onser
Lieve Vrouwen dage Lichtmisse beyde naestcomende ende
hier voir hebben sy verbonden alle haere haeffelike goeden
presenta et futura et promisit als de Potis ende
Bellemans
XXII Augusti
Schoof, Bossche. Katheline Rutsaerts, heeft voir haven vutersten wille
ende in smoelder aelmoessenen, bekent sculdich te wesene, Aerde
van Loevene tot behoef van Henricken Paen haeren natuerlike
sone die Henric prien van haer vercregen heeft, twee hondert
gouden Rynsgulden goede etcetera oft de weerde daer voir
Te betalene naer haer doot ende alsdan eene, Ende hier voir
heeft zy verbonden cum tutore alle haere haeffelike goeden waer
die bevonden zelen worden ende oic haere erffelike goeden
die hy nu heeft ende namaels hebben ende vercrigen sal
bynnen etcetera wesene ende gelegen. A Domino Mechliniensis. Behoudelic dat dien
dat de voirscreven Katheline de voirscreven scult sal moegen meerderen
minderen veranderen ende te nyeuwte doen by tot haer gelieftst:t;
soe waer haer dat believen ende goetduncken sal sonder
wederseggen van yemande
hy
Bredita ende heer prete Katlyne de Bate
XXVI septembri
XX septembris