Blader door transcripties » Stadsarchief Mechelen

archieftoegang 2, inventarisnummer 938, pagina 127

synen momboiren
momboer, ende oic den voergenoemde dest:t; Peteren
ende bewinde
Stockman vut zaken vander adminstracien vanden
selven goeden soude mogen doen oft heysschen
heeft de voirgenoemde Joes sWynnen quytgesconden
los vry ende de ledich, den voergenoemde Peteren
Stockman, tot synen ende des voirscreven momboeren
behoef ende allen anderen dies quitancie behoevende
geheelic ende al
X february tempore simile
Willem de
Weendt
Beye, Mol. Magriete dochter wylen Jans vanden Vekene met
Aerde vander Hoeven haeren man, heeft vercocht Willeme de Weendt
alle alsulken recht als de selve Magriete ende haer man hadden
in een stuck bempt metten gronde etcetera te dat toebehoeren plach
wylen Janne vander Beke, houdende omtrent een vierendeel, gelegen
inde prochie van Hevere, byde bempde geheeten Loebroeck, tusschen
desselfs Willems de Weendt erve aen deen zyde ende Jans vanden
Hayct ende Peter Caluwaerts erve aen dander zyde, Ende in een
stuck lands metten gronde etcetera, houdende omtrent een half vierendeel
desel dat den selve wylen Janne vander Beke toebehoeren plach
gelegen inde voirscreven prochie bydest:t; Couthem, tusschen wylen
Aert Tucbacx erve aen beyde zyden. A Domino Mechliniensi, Waranderende. Op eenen halve
chysgulden ende drie sont payments daer jaerlix vutgaende
Assignavit XI Rinsgulden
february tempore simile
Jacop tSteent
Gestelle vanden Katheline wettige dochter Jacop
tSermertens heeft quytgesconden los vry ende ledich
den selven Jacop haeren vader van allen alsulken
haeffliken goeden als der selver Kathelinen toecomen
ende verstorven syn byder doot van wylen Barblen
Buevers diemen heet Scuypers haer moeder die
wettich wyf was doen sy leefde de selven Jacop
haer vader geheelic ende al vermeer heeft
de selve Katheline geratificeert geapprobeert ende
van weerden gehouden, alsulken testament ende
condicille, als de voerscreven haer vader ende moeder
samentlic tanderen tyden te wetene, tvoergenoemde testamente
opten XXVIsuper:t; dach in julio int jaer over heeren
dese IIIIc XXII ende de condicille opten negenste
dach van septembry int selve jaer voir Hubrecht
dack, openbaer notaris gemaect ende geordineert
hebben gehadt, Gelovende oic de selve Katheline
de voergenoemde testament ende condicille voir haer ende
haeren nacomers altyt te houdene, goet vast ende
overbrekelic van weerden sonder tot eeniger tyden
daer teghen te seggene te comene, oft te doene, oft
te doen doen in eeniger manieren
VIIIa february
Jan de Cuypere ende
Jan vander molen
van wylen Barblen
beve diemen heet
Cuyper haerer
Item de voirgenoemde Kathelyne heeft geratificeert
gheapprobeert ende van weerden gehoude, alsulken
scheydinge ende deylinghe, als meester Jan de Cuypere
ende Jan vander Nuwermoelen de jonghe in haeren
name ende van haeren wegen tanderen tyden te wetene
van
opten XXIII sten dach in februario, Anno LXXIII lestleden
voer Hubrecht Back, openbaer notaris, metten voerscreven
Jacop tSermertens haeren vader vanden erffliken ende
leengoeden haer byder doot de voir moeder
van
haers vader cum moldere
soe by crachte des voerscreven testamente scillen, soe byder
scheydinghen ende deylinghen boven genoemt eenichssins
toecomen oft verstorven mogen syn, eendrachtelic gemaect
ende gepasseert hebben insgelycx heeft, de selve
Katheline bekent ende verleden, dat haer de
voergenoemde Meester Jan ende Jan als executeurs van
onderen
haer voirgenoemde vader een moeder testamente testamente
goede wettige Rekeninge bescheyt ende bewys gedaen
hebben van allen alsulken Regimente ende bewinde
als sy oft eenich van hen van haren wegen vuyt crachte
des voerscreven testamente condicien oft anderssins totten
dage toe van heden in eeniger manieren gehadt mogen