Blader door transcripties » Stadsarchief Mechelen

archieftoegang 2, inventarisnummer 938, pagina 117

Willem Gelyns
Bossche, Mol. Heer Aert van Bost diemen heet Vaer
priester heeft vercocht Willem Gelyns, Een
huys metten hove gronde etcetera gelegen op Neckerspoele
opten Pleyn tusschen desselfs Willems erve aen
deen zyde ende Jans de Roye erve aen dander zyde
A Domino Mechliniensi, Waranderende. Op een oudt hynne ende thien twee
gemeyn
pond payments daer jaerlicx gaende
XVII January
Joes Vrancx
Bossche, Mol. Peter van Steynemolen, heeft vercocht aenst:t; derde
Cleynaerts tot behoef van Joes Vrancx een pond groten Vlaems
gelts jaerliker lyfpensien die hy syn leven lange geduren
hadde op ende aen des voirscreven Joes twee huysen metten hove
gronde gelegen deen neven dander tegen Sint Jans kerchof
over inde Byest tusschen Symoen Vlemings erve aen deen
zyde ende der weduen ende kynderen wylen Anthonis Godes
als inden Creeft erve aen dander zyde. Item op een huys
metten gronde dat Janne van Steenwynckel toebehoerde
gelegen in Sinte Kathelinen strate opten hoeck vander
Mylaenstraten tusschen de selve strate aen deen zyde ende
Willems vander Loe erve aen dander zyde, Ende voertaen
op alle des voirscreven Jans van Steenwynckele andere erffelike
goeden metten gronde die hy bynnen der stad ende vryheit
van Mechelen liggende heeft
Ut supra
Jan Versteveren
Aa, Segge. Jan Bogaert Tymmerman ende Lysbeth vanden
Campe syn wyf hebben terve gegeven, Janne Versteveren
twee
deen neven dander
ende Margrieten Bollaerts synen wive, Een huyse metten
hove gronde gelegen op Neckerspoele inde Wyngaerts
byden Bakelputte, tusschen der weduen ende kynderen
wylen Janne de Ruysschere erve aen deen zyde ende Kerstiaen
Gheerds als mit sessene erve aen dander zyde. A Domino Mechliniensi. Te
besittene op eenen erffeliken chys van vyf mattoenen te wesen
st:t; derthien ende halven groten Brabants gelts voir elken mottoen
gerekent erffelic chys Te heffene altyt tot Sint Jansmisse ende
daeraf den yersten termyn van betalingen syn sal tot Sint
Jansmisse naestcomende, Ende opten voirchys van sesthien scellinge
seven penningen seven mitten Brabants gelts daer vutgaende
met conder dat de voirscreven Jan Versteveren ende syn wyf de voirscreven vyf
mottoene des voirscreven chys zelen mogen quyten altyt als hem dat
gelieven sal teenen male ende anders niet ende elken penningen
daer af met zestiene der geliker penningen ende met vollen
chyse daervoer te betalen
Assignavit X Peters
XXI January
Katlyne Monaerts
Jan Marie Versteven
Aa, Egge. De voirscreven Jan Versteveren ende Margriete syn wyf hebben
vercocht Kathelinen Manaerts weduen wylen Zegers Versteven
als tot haere tocht ende Marien Versteveren haerer dochter
als tot haer erffelicheit een huys metten hove gronde
gelegen op Neckerspoele ende Wyngaertstrate Neckerspoele
prochie tusschen des voirscreven Jans Versteveren erve, aen deen
zyde ende des voirscreven Kerstiaen Gheerds alias met scepenen
erve aen dander zyde. A Domino Mechliniensi, Waranderende. Op Sesse mettenst:t;
daer vutgaende gelyc ende inder manieren, de voirscreven Jan Versteveren
tvoirscreven huys opten dach van heden van sinen anderen huyse
metten hove daer naest gelegen afgescheyden ende de voirscreven
weduen ende haer dochter aldaer bewesen heeft. A Domino Mechliniensi,
Waranderende. Op Sesse mottoene daer vutgaende
Assignavit XX Peters
ut supra
de
sWalen
Gielisst:t;
Heelt, De Brueder Gielis Martens geprofessyt mit goidshuys
van Sinter Claes Berge staende, bynnen der stad van Aersschot
by consente ende bywesene van brueder Henricken Vrancx rector
ende brechtvader desselfs goidshuys, ende voir een derdendeel
vanden derdendeele, Ende Margriete Mertens de voirscreven brueder
Gielis zuster met Joryse den verwere haeren man oic voir een
derdendeel vanden derdendeele vander hebben vercocht Kathelinen
sWalen wettich wyf Jans de Moinck, haer twee derdendeele
vanden derdendeele van eenen huyse metten hove schueren
waterleyden gronde etcetera de voirscreven welken derdendeele tderde
derdendeel der selver Kathelinen toebehoert, houdende tsamen
omtrent een half buender gelegen buyten der Aegempoorte
opt Heydeken tusschen wylen Jans vanden Dale kynderen