Blader door transcripties » Stadsarchief Mechelen

archieftoegang 2, inventarisnummer 938, pagina 111

de kinderen vanden
goeden
Heelt, Bossche. Jan Wouters, Aerd van Puddegheem
Andries de Hantzittere ende Jan Wittebroet als
gesworene vanden ambachte vanden hovenere
bynnen Mechelen inden name vanden selven ambachte
hebben om des meestes orboirs ende prouffyts wille
vanden selven ambachte vercocht Adam de Costere
tot behoef van Janne, Henricken Rommonden Peteren
ende Kathelinen vanden Hoede, wettighe kynderen
van wylen Janne vanden Hoede, vyf Ryns gouden
Rynsgulden goede etcetera, te wetene veertich groten
Vlaems gelts voir elken van dien gerekent erffelic
chys Te heffene altyt tot twee terminen, Te
wetene deen helft daeraf tot Sint Jansmisse ende
dander helft tot Kersmisse Op ende aen des voerscreven
metten gronde etcetera
ambachts huys, de Moor geheeten, gelegen, aende
groote brugge van Mechelen tusschen de selve
dat des erve te heeten plach ende
brugge aen deen zyde ende thuys tParadys geheet
toehoirende Janne Ramont aen dander zyde. A Domino Mechliniensi, Waranderende.
opte weerde van vierentwintich scellinge groote
ende zesse pond payments
Brabants gelts daer jaerlicx voer vutgaende
XX decembry
Jacop vander Heyden
als metter Vuyst
cum tutore
Gestelle vaerden Lysbeth vanden Driessche heeft vercocht
Jacoppen vander Heyden, diemen heet Metter Vuyst
de helft van eenen huyse metten hove gronde etcetera gelegen
int Cleyn Bogaertstraetken achter tconvent vanden
minderbruederen, tusschen de Mylane aen deen zyde
ende Jan Hamers erve kynder erve aen dander
zijde. A Domino Mechliniensi, Waranderende. Op elff scellinge Lovens, vuten voerscreven
geheelen huyse metten hove jaerlicx gaende
Ia ny
Heer Laureys Daneels
priester ende Jan van
Poelene
Heelt, gels vaerden Jacop vander Heyden diemen heet metter
vander Vuyst heeft vercocht heer Laureys Daneels
priester tot synen behoef als tot synder tocht ende
tot behoef van Janne van Coelene, Peters sone, als tot
synder erffelicheyt de helft van eenen huyse metten
met
hove gronde etcetera gelegen int Cleyn Bogaertstraetken
achter tconvent vanden minderbruederen tusschen
de Mylane aen deen zyde ende Jan Hamers kynderen
erve aen dander zyde van welken huyse dander
helft Lysbetten vanden Driessche toe beset. A Domino Mechliniensi, Waranderende.
op elff scellinge Lovens vuten voerscreven geheelen huyse
metten hove jaerlicx gaende
III January tempore simile
syn wyf
Jan Ghysels ende
Heelt, Haerde. Margriete sVos weduwe wylen Daneels sCranen
met Aerde vander Eyken haeren man heeft opgedragen haer
tocht die sy hadde in een huys metten hove gronde, gelegen
te Neckerspoele inde Gruenstrate tusschen Cornelis Sincx erve
aen deen zyde ende der ten des Heylichs Gheests erve van
Sinte Jans te Mechelen aen dander zyde. A Domino Mechliniensi, Waranderende etcetera tot
behoef van Janne ende Kathelinen sCranen haeren kynderen tot
die yerst inne gegoedt waer, wyens behoef, meester
Lambrecht de Poirtere docteur in medenen ende Hubrecht sCranen
ende Henric Huens als momboir vanden selven kynderen waeren
daer yerst inne gegoedt ende daer naer hebben de voirscreven
Meester Lambrecht ende Hubrecht sCranen van svaders wegen
ende de voirscreven Henrick Huens vander moeder wegen als momboir
ende inden name vanden voirscreven kynderen etcetera hebben vercocht
Janne Ghysels ende Barblen van Couwenborch synen wive tvoirscreven
huys metten hove, waranderende op vier scellinge ende sesse penningen
gode Brabants gelts ende eenen helling groten Brabants gelts
daer vutgaende
Ultima decembry