Blader door transcripties » Stadsarchief Mechelen

archieftoegang 2, inventarisnummer 938, pagina 108

zessendertich groten Vlaems gelts voir elken de selve Peters
gaende Bock
gerekent als den voirscreven synder by wylen Barblen vanden
Bloke wedue wylen Jans Belyanen, tot der voirgenoemde kynderen
behoef in haeren vutersten gegeven ende gelaten heeft syn
van welken hondert Peters ende oic van allen anderen sommen
van penningen die de voirscreven kynderen, den voirscreven Jacoppen tot desen
dage toe souden mogen heysschen, hebben de voirscreven Gheerdt
ende Anthonis inden name vanden voirscreven kynderen gelooft ende elc
van hen besunder ende voir al den voirscreven Jacoppen tegen den
selven kynderen scadeloes quyt te houden ende tontlastene ende
hebben daeraf den selven Jacoppen de Bock, quytgeschonden
los vry ende ledich ende alle andere dies quitancie behoeven
geheelic ende al
XVc decembris
de
Aerdt van Benede Gommaer van Nieuwenrode
Jacop de Kempenere ende Rommond Scilleman, als gesworene
ende inden name vanden ambachte vanden Beckers bynnen
Mechelen, hebben om des meests orboirs ende prouffyte
wille vanden selven ambacht vercocht Janne van
Gouberghe beckere, Sesse gouden Rynsgulden goede ende
gerechte, te wetene veertich grooten Vlaems gelts voir
elken van dien gerekent erffelicx chys, Te heffene altyt
tot Kersmisse daeraf den yersten termyn van betalingen
zyn sal van Kersmisse naestcomende, over een jaer, daer
naer volgende, Op ende aen een een huys metter
plaetsen ende stallen ende oic metten gronde etcetera den
Bonten Mantel geheeten den voirgenoemde ambachte vanden
Beckere toebehoerende gelegen aenden Steenwech van
Mechelen tusschen den Roeden Scilt toebehoerende minen
heer van Bassigneer heer van Gaesbeke, aen deen zyde ende
Jan vanden Vekene erve aen dander zyde. A Domino Mechliniensi,
Waranderende op sesthien Rynsgulden daer jaerlicx voer
vutgaende
om dat de voerscreven gesworen zelen moegen quyten de
voirscreven sesse Rynsgulden als hen gelieven zal tot twee
malen ende met vollen chyse
Marie vanden Venne
Heelt, Bossche. Jan Peters cleermakere heeft vercocht Margrieten
vanden Venne, tot haeren live ende ten live van Janne
live van hen beyden, twee scellinge ende drie penningen
den Be tot wylen Jacops sone ende ten langhstlevenden
grote Brabants gelts lyfpensien, Te heffene te Sint
Jansmisse ende te Kersmisse, Op syn huys metten hove
gronde gelegen inden Heembempt tusschen Jan Godevaert
erve aen deen zyde ende Willems van Luypegem erve
aen dander zyde. A Domino Mechliniensi, Waranderende. Op Sesse gelike scellinge
groten Brabants gelts daervoer vutgaende
XXIX decembry
Gielis vander Voort
Baerdegeem, Mol. Jacop Bogaert heeft vercocht Gielis vander
Voort, eenen gouden Peter vander munten etcetera goet
voerscreven
te wetene zessendertich groten Vlaems gelts voir dien
gerekent, de erffelic chys, dwelc hy hadde, op desselfs
Gielis vander Voort huys metten hove gronde etcetera gelegen
buyten der Overster poorte opten hoeck vander Broecstraten
tusschen de selve ende Jans van Ghele erve. A Jacobo
Schoof, Waranderende etcetera
XIX decembry
Jan Groot Jans
baerden Bossche Gielis groot Jans inden name van hem
selven ende Jan Oeghe inden name van wylen Lysbetten
Grootmans synen wive, hebben opgedragen ende
overgegeven tot behoef van Janne Groot Jans allet recht
ende deel dwelck sy hadden in een huys metten hove
gronde etcetera gelegen inde Na Nieuwstrate achter Onser
Vrouwen kercken, tusschen Gerardus de Blauwe erve
aen deen zyde ende Willem Cornelis erve aen
dander zyde. A Domino Mechliniensi, Waranderende.
ut supra