Blader door transcripties » Stadsarchief Mechelen

archieftoegang 2, inventarisnummer 938, pagina 104

ende Henric vanden
Aerdt de Weendt
Voorde
Mol, Bossche. Jan de Wynne sone wylen Jans heeft bekent
dat hem Aerdt de Weend Henric vanden Voorde synen
momboiren, dueghdelike rekeninge ende bewys gedaen hebben
van allen den haeffeliken ende erffeliken goeden die hem
byder doot vanden voirscreven wylen Janne de Wynne synen vader ende
van Kathelinen vanden Ossen synen wive synder moeder ende eeniger
mogen wesen Ende daeraf ende oic van alle der moeynisse
moge
manieren toecomen ende verstorven syn, waer die goeden ge oft
bevonden zelen worden
quellingen sommen van penningen ende anderen dingen die hy
den voirscreven synen momboiren vut saken vanden voirscreven Regimente
soude moegen doen oft heysschen tot heeft de voirscreven Jan Quytgeschonden
voirscreven goeden
los vry ende ledich den voerscreven Aerde tot synen ende des voirscreven
Henricx syns medegesellen behoef ende alle andere dies quitancie
behoeven geheelic ende al
XII novembry tempore simile
Magriete van Berssele
ende Mey Ymbrechs
erve
Heelt, Mol. Jan Scholier heeft vercocht Wouteren Sanders tot behoef van
Margrieten van Vierssele, als tot haerer tocht ende tot behoef
van Margrieten Ymbrechts wylen Willem Ymbrechts dochter als
tot haerer erffelicheit, Twee huysen metten hove gronde gelegen
Wouteren van Floerssem aen deen zyde ende Henricx van Mokenborch
deen neven dander inde Zeelstrate tusschen den Papegaey toebehoerende
erve aen dander zyde. A Monialibus, Waranderende. Op negenthien scellenst:t;
grote Brabants gelts daer vutgaende Behoudelic dien dat de
selve huysen onderpant syn ende bliven zoe voer twaelf scellingen
ende vyf penninge de voirscreven grooten gronde jaerlix vuten de
voirscreven haerlicx huyse ende Jans vanden Hornicke huyse daer nae
gelegen Te besittene op eenen erffeliken chys van Seven
scellinge groten Brabants gelts, Te heffene altyt tot Sint Jansmisse
daeraf den yersten termyn van betalingen syn sal tot Sint Jansmisse
naestcomende Ende opten voirchys van twaelff gelike g scellinge
groten daer vutgaende, over oic op alsulken last dat de selve twee
huysen metten hove onderpant syn ende bliven zelen voir twaelff
der voirscreven scellinge grooten gaende jaerlix vut des voirscreven Henricx
van Mokenborch huyse ende Jans vanden Hornicke huyse daer naest
gelegen
XXVI novembry
Heelt, Mol, Gielis van Beneden ende Jan van Merchteren als proviseurs
ende inden name vander fabriken vander prochiekercke van Heffene
et proch voir deen helft Jan de Borgere ende Jan de Cale als proviseur
ende inden name vander taflen des Heylichs Gheests vander selver
Jan Ghoeten ende in
wyf
prochien, et oic voir dander helft, hebben ende
ende Margrieten ae inne gegeven Janne
zyn wive
Ghooten, Wouters sone, Een huys metten hove gronde gelegen
te Heffene ende Gheelestrate, tusschen Meester Jans vanden
Broecke erve aen deen zyde ende wylen Henricx vanden
Benne erve aen dander zyde. A Domino Mechliniensi. Te besittene op acht
scellinge ende seven penninge ende eenen helling groten Brabant
gelts, Te heffene altyt tot Sint Jansmisse daeraf den yersten
termyn van betalingen syn sal tot Sint Jansmisse naestcomende
ende sonder eenigen voirchys daer vutgaende, Ende oic ons
der meerder zekerheit den voirscreven proviseurs tot behoef als boven
te doene, Soe hebben de voirscreven Jan Ghooten ende syn wyf
de helft van
daer voir verbonden ende tonderpande geset, Een stuc lants
houdende int geheele een vierendeel
metten gronde gelegen oic tot Heffene opt Santvoerdervelt
tusschen Jans Stalen erve aen deen zyde ende de Heytstrate
aen dander zyde, op een halve veertele Rogs vuten voirscreven
geheelen stuc lants jaerlix voir vutgaende
XXI novembris
van Yssche
Lysbeth ende Magriete
Boessche borgen, Jan vanden Bloke wylen Aerde sone, heeft vercocht
Lysbetten ende Margrieten van Yssche diemen heet Als gezusteren
Een huys metten hove gronde gelegen op Neckerspoele
tegen drincsel aldaer over, tusschen desselfs Jans vanden
Bloke erve, aen deen zyde ende Jans vander Beke erve aen
dander zyde streckende achterweerts tot des voirscreven Jans
vanden Bloke erve. A Domino Mechliniensi, Waranderende. Opte weerde van vyf
scellinge grote Brabants gelts daer vutgaende
Assignavit XII Peters
XXII novembris
Jan Weyns
Heelt, Baerdeghem. Jacop vanden Velde, heeft opgedragen ende
overgegeven tot behoef van Janne Robbyns wylen Aerts
soon, de helft van eenen huyse metten hove ende met
twee anderen huysen int eynde vanden selven hove staende
ende oic metten gronde etcetera gelegen buyten de Zandpoorte opt
Sant tusschen wylen Willems Suls erve aen deen zyde ende
Gheerd de Molder erve aen dander zyde. A Domino Mechliniensi, Waranderende. Opte
weerde van neghen scellinge vyf penninge ende een hellinge
grote Brabants gelts vuten voirscreven geheelen huyse met synen
voirscreven toebehoirten jaerlicx gaende
XXIIII novembris