Blader door transcripties » Stadsarchief Mechelen

archieftoegang 2, inventarisnummer 952, pagina 84

halff
een dachwant, gelegen aldair opt Couthem tusschen de Lange gracht
aen deen zyde ende des voerscreven Peter Godevaerts erve aen dander zyde. Item
aldaer
een stuck lants houden omtrentst:t; een half dachwant, gelegen int Everbroech
tusschen der voerscreven kynderen vander Beke erve aen deen zyde ende des voerscreven Peter
Caluwaerts erve aen dander zyde. Item een stuck lants houdende omtrentst:t;
sesthien Roeden, gelegen oic aldair tusschen de Hoevels aen deen zyde ende
des voerscreven Aerts vanden Rode erve aen dander zyde. Item Ende een stuck
lants houdende omtrentst:t; een half dachwant, gelegen aldair aenden Moelen
tusschen der voerscreven fabriken van Hevere aen deen zyde ende tPapelant
aen dander zyde. A Domino Mechliniensi, Waranderende. Op twaelf scellinge
Sesse penninge ende eenen helling Loevens, drie pond payments, thien
gulden van Florencen, Twee capuynen ende tderdendeel van twee
gelike capuynen, drie veertelen Rogs ende achte quarteelen garsten
vut allen den voerscreven erffeliken goeden jaerlix gaende
XVa may
Jacop Robyns
Zoeten
Hulst, Stocmanst:t; heeren Gielis Willems ende Anthoenis Joes priesteren
Capellanen vander prochiekerken van Sinte Peters staende inder voerscreven
stad van Mechelen, hebben inden name van hen selven, ende oic inden name
vanden Cureyt ende allen anderenst:t; den anderen capellanen vander selver
kerken, als des volcomen macht van hen hebbende, die zy in hen
vervingen, Opgedragen ende overgegeven, tot behoef van Jacoppen
Robyns, Een huys metten hove gronde etcetera dat toe te hoeren plach
Rommonde Roebosch, den kynderen van Jannest:t; Gommaer ende den
erfgenamen van wylen Kathelinen Kerssavens wylen et Henrix van
Coelen huysvrouwen doen zy leefde ende dat de voirgenoemde heer
Gielis totter voerscreven Cureyt ende capellanen behoef tanderen tyden
voir achterstelligen jaerliken ende erffeliken chys van twee chysgulden
die zy dair op hebben wettelic vutgewonnen ende verreyct heeft
gelegen inde Tweede Vleeschouwersstrate, tusschen den vlyet aldair
aen deen zyde ende der voirgenoemde kynderen ander erve aen dander zyde
A Domino Mechliniensi, Waranderende etcetera Salvo dies curato et capellams priester
eens ende ons als
XVIIsuper:t; may
Item. Henrick vanden Dycke droeghscheerder, heeft vercocht
Henricken Schermers tot behoef van Lysbetten vander Varent
twaelff wassen keerssen elken
Jorys vanden Dorpe huysvrouwen, Sesse pondt was de
ontlast van dien van eenen halven ve
ende van erffeliker renten, Te heffene altyt tot twee
terminen, Te wetene deen helft dairaf opten vyfthienden
dach van novembry, Ende dander helft opten vyfthienden dach
van Meyere, Op ende aen des voerscreven Henricx huys metter plaetsen
gronde etcetera gelegen inde Kerchofstrate, tusschen Jan Wabbels erve, aen
deen zyde ende Jan Hemelrycx erve aen dander zyde. A Johannes de
Muysene filio quondam Johannes de Muysene bastaerden, Waranderende. Opte weerde
van neghen scellingen groten Brabants gelts ende twee Rynsgulden
elken van dien tot veertich groten Vlaems gelts gekent daer voir vutgaende
de momboeren der kynderen
Lievens
Hulst, Stocman. Jan Cornelis ende Adriest:t; Lovens wylen Jans kynderen ende
Katheline ende Pest:t; Lievens haerlieder zusteren, hebben openbairlic voir
ons bekent dat Peter Caluwaerts Adriaen vander Elken ende Wouter vander
als zy vander selver kynderen wegen van allen den haeffeliken ende
Vekene haere momboeren, henlieden goede ende rechtveerdige Rekeninge
ende bewys gedaen hebben, van allen alsulken Regimente ende bewinde
erffeliken goeden, waer die gelegen zyn ende bevonden zelen worden
die henlieden byder doot vanden voerscreven wylen Janne Kevens haer vader
gehadt hebben
toecomen ende verstorven zyn ende van al tgene dat zy dair af ontfangen
ende vutgegeven moegen hebben, Ende dairaf ende oic van alle der moeyten
quellingen ende heysschen, die zy den voerscreven haeren momboeren, dairom souden
moegen doen, hebben de voerscreven Jan Cornelis ende Kathelinen Kenens
Quytgesconden los vry ende ledich den voerscreven haeren momboeren tot haeren
ende tot wylen Andries Verhuer haers medemomboeren behoef ende endest:t; alle
andere dies quitancie behoeven geheelic ende al
XVII may tempore simile
hic habet locum contractus Cornelis Scheers ante
post Va may positus
Alard Coopman
Borch, Lange, Junior, Gielis van Muysene commoingmeester van deser stad ende Jan
Mol als proviseurs ende inden name vander kerken vanden beghynhove van deser
fabriken vanden
stad, by bywesene van jouffrouwen Marien sBerwers ende Alysen van Schaerloo
beghinen ende kerckmeesterssen vander selver kerken, hebben Terve gegeven
Alard Coopman tresorier vander wapeningen ons alregenadichsten heeren
des Roomsschen Conincx ende eertshertogen Philips zyns soons, Een huys
metten hove gronde etcetera gelegen inden Heembempt tusschen Jan Ballemans metsers
erve aen deen zyde ende Heylwych vander Zennen erve aen dander zyde
comende achterweerts metten voerscreven hove, tot des voerscreven tresoriers erve. A Domino Mechliniensi,
Te besittene Op eenen jairliken ende erffeliken chys van Eenen gouden Andries
gulden, te wetene veertich groten Vlaems gelts voir dien gerekent, Ende
die te betalene, altyt tot Kersmisse dairaf den jersten termyn van betalingen
zyn sal tot Kersmisse naestcomende, Ende sonder eenigen last van voirchyse
dair vutgaende
Assignavit XXXV Rinsgulden eens
XX may tempore simile