Blader door transcripties » Stadsarchief Mechelen

archieftoegang 2, inventarisnummer 952, pagina 82

Ende een stuck lants metten gronde etcetera Bosselken geheeten, houdende eenlic
meer dan een dachwant, gelegen achterst:t; aldair achter tselve huys
tusschen des voerscreven Henricx Peermans erve aen deen zyde aende twee
zyden ende Meester Dierick Adriaens erve aende derde zyden. A Domino Mechliniensi,
Waranderende etcetera. Op vier scellinge Loevens ende twee gouden Rynsgulden
elken van dien tot veertich groten Vlaems gelts gerekent, daer vuten voirscreven
huyse met synen voirscreven toebehoerten, ende stuck lants daer jaerlix gaende
Assignavit XX Rinsgulden eens
XIIII marty tempore simile
Peter vanden Bossche
voer, Ghelinck. De voirgenoemde Jan van Giesterwyck ende Barble zyn wyf, hebben
vercocht Peteren vanden Bossche, Twee gouden Andries gulden, elken van
dien tot veertich groten Vlaems gelts gerekent erffelix chys, Te heffene
altyt opten vyfthienden dach van meye, Op ende aen des voerscreven Jans
ende Barblen zyns wyfs huys met synen voerscreven toebehoerten ende stuck lants
boven gescreven, Ende op haerlieder st:t; twee stucken lants metten gronde
dairaf deen tgroot Holselvelt ende dander tcleyn solsenvelt geheeten zyn
houdende tsamen omtrent drie dachwant, gelegen deen neven dandere
aldaer ten Holst, tusschen Pe der kynderen erve van wylen Peteren
Ghysbrechts aen deen zyde ende Jans de Borgere ende Jan Fierens erve
aen dander zyde. A Domino Mechliniensi, Waranderende. Op ver vier scellinge Loevens ende
twee gouden Rynsgulden vanden voerscreven pryse vuten voirscreven huyse met
synen voirscreven toebehoerten den jersten stuck lants ende de weerde van
twee grooten Brabants gelts vuten voerscreven twee lesten stucken lants
jaerlix voir vutgaende, met alsulker condicien dat de voerscreven Jan
van Oesterwyck ende Barble zyn wyf zelen moegen lossen ende
quiten altyt als hen dat gelieven sal de voerscreven twee gouden
Andries gulden des voerscreven chys ende elken van dien met sesthien
geliker gulden eens ende met vollen chyse, dairvoir te betalen
Assignavit den XI denier
ut supra
Willem Verlysen
voer Ghelinck vrouwe Marie Taeys als des goidshuys van
Cortenberge by jouffrou Marie van Bevershuys ende Anne van Baerssem
Nonnen profes vanden selven goidshuyse ende heeren Janne Schamp
priester ende als oft des voerscreven goidshuys, hebbende de selve
vrouwe abdisse jouffrou Jouffrouwen ende heer Jan vanden gemeynen
Convente vanden selven goidshuyse, om te doene tgene dat hier
naer volght volcomen macht gelyc ons dat by eender procuracien
dair op gemaect ende metten ge zegele desselfs convents vutgangen
bezegelt, gebleken heeft hebben inden name vanden selven goidshuyse
by consente oic vanden eerweerdigen vader in goede ende heere des
Busscops van Camerycke gelyc ons dat oic by synen oepenen
met synen vutgangen zegel bezegelt bleeck, vercocht Willeme
Verlysen, Een huys oft herberge metten plaetsen stallen gronde
ende allen anden syn tochten, geheeten de Aedeghemstrate
tusschen thuys de Zonne gheeten, toebehoerende Jacoppen vanden
Eynde, aen deen zyde ende der weduen ende kynderen huys van
wylen Matheeus Wouters aen dander zyde streckende achterweerts
tot Jan Schoofs erve, Ende twee scellinge ende sesse penninge groten
Brabants gelts erffelix chys, die tvoerscreven goidshuys hadde, Op
tvoerscreven huys der voerscreven weduen ende kynderen Wouters toebehoerende
alder naest der selver herbergen gelegen. A Domino Mechliniensi, Waranderende.
Opte weerde van vyf Rynsgulden ende vyf grote Brabants gelts
dair vutgaende
Assignavit XII gouden Andries gulden
Rommont Adam
XIIII may tempore simile
Jan vanden Woelputte
Lange, Zoeten. Henrick vanden Crane, heeft vercocht Gielis Ghoetens tot
behoef van Janne vanden Woelputte, Sesse gouden Rynsgulden, elken
van dien tot veertich groten Vlaems gelts gerekent erffelix chys, die de
voerscreven Henrick hadde, Op alle trecht ende deel dat de voerscreven Jan vander
Woelputte hadde inde erffelike goeden metten gronde ende haeren toebehoerten
hier naer bescreven, ierst in Twee huysen metten hove ende achterhuyse gelegen
deen neven dander opte Veemarct, tusschen Henrix vander Meere erve aen deen
zyde ende der weduen ende kynderen erve van wylen Wouteren van Nuffle aen dander
zijde. Item in een huys metten hove schueren, ende met twee anderen huysen
gelegen deen neven dandere buyten der Kerchofpoirten byden Pennepoel
tusschen de gemeyn strate aldair aen deen zyde ende Jans de Vleeschouwers
erve aen dander zyde, Ende in een huys metten hove gelegen buyten de
Blocpoirte inde Gruenstrate tusschen Jan Zinck erve aen deen zyde ende
Wouters van Herentals erve aen dander zyde. A Domino Mechliniensi, Waranderende etcetera.
XIII may tempore simile
Jan Zoeten
Hulst, Zoeten. Jan Zoeten wettich soon van Janne Zoeten ende van wylen Machtilt
Huens synen wive heeft Quytgesconden los vry ende ledich den selven Janne Zoeten
synen vadere van allen den haeffeliken goeden, die hem byder doot vander
voirgenoemde wylen Machtilt Huens synder moeder ende des voirnoemde Jans zyns vader
wyf doen zy leefde, in eeniger manieren gebleven toecomen ende verstorven zyn
ende alle andere dies quitancie behoeven
ut supra
de selve
Item. De voirgenoemde Jan Zoeten de zoon, heeft Opgedragen ende overgegeven
tot behoef vanden voerscreven Janne Zoeten synen vader, alle de erffelike goeden
ende renten metten gronde etcetera bynnen der stad ende vryheit van Mechelen
gelegen, die de selve zyn vader, zint der doot van synder voerscreven
moeder gecocht ende gecregen heeft ende die hem byder selver synder moeder
doot in eeniger manieren gebleven toecomen ende verstorven moegen zyn
A Domin Mechliniensi, Waranderende etcetera.
ut supra