Blader door transcripties » Stadsarchief Mechelen

archieftoegang 2, inventarisnummer 952, pagina 80

oic hebben ende vercrigen zelen, Ende va haerlieder twee huyse
boven genoemt. Ende oic haer drie Rynsgulden erffelix chys
die zy hebben, Op een huys metten hove gronde etcetera toehoerende
Andries van Schore, gelegen buyten Sinte Kathelinen poirte, opten
Pennenpoel, tusschen wylen Jan Tyelens erve aen deen zyde ende de
selfs Andries van Schore erve aen dander zyde. A Domino Mechliniensi,
VII may tempore simile
ende van Hertale
de Reyner vander selve
Lange, Zuetens. Jan van Westerhoven, heeft vercocht jouffrou Marie
Janssone ende Marien Goessens beghynen, als meesterssen ende tot behoef
vanden Conventen vanden Celien ende van Herentals staende
bynnen den beghynhove van deser stad, Twee scellinge ende drie
penninge groten Brabants gelts erffelix chys, Te heffene altyt
opten sevenden dach van meye, Op ende aen des voerscreven Jans
van Westerhoven huys metten hove ende met eender hofstad gronde etcetera
gelegen inde Nokerstrate, tusschen Peters van Thienen erve aen
deen zyde ende Jan Lymmaers erve aen dander zyde. A Domino Mechliniensi,
Waranderende. Op neghen scellinge Loevens daervoir vutgaende
Assignavit den denier
ut supra
Henrick de Coninck
Lange, Jan, Zuetens. Jan Smet ende Gheertruyde Spoelberch zyn wyf
hebben opgedragen ende overgegeven vut zaken van wysselingen voir ander
erffelicheit, tot behoef van Henricken de Coninck ende Margrieten vander
Roven synen wive, haer vier vyfstedeelen van Eenen huyse metten hove
voir tselve liggende ende metten gronde etcetera gelegen tot Heffene te male
tusschen Gielis vander Roven erve aen deen zyde ende sHeeren strate
aldair aen dander zyde streckende achterweerts tot eender gracht aldaer
van welken huyse metten hove tvyfste vyfstedeel der voerscreven
Margrieten vander Roven toebehoert. A Domino Mechliniensi, Waranderende. Op eenen
scellinge Lovens ende twee veertelen Rogs erffelix chys ende pacht
vuten selven huyse metten hove ende vut eenen stuck lants
achter tselve huys liggende daer af de vier vyfstedeelen
den voirscreven Janne de Smet ende synen wive toebehoeren jaerlicx
gaende voervoirtaen hebben de selve Henrick de
Coninck ende syn wyf gelooft ende elck van hen bevinden
ende voir al dat sy de voirgenoemde twee veertelen Rogs des voirscreven
pachts van nu voertaen ten eeuwigen dagen altyt als
die vallen ende verschynen zelen vuten voirscreven haeren huyse
metten hove gulden ende betalen zelen, ende dat sy den
voirscreven Janne de Smet ende synen wive ende oic tvoirscreven sterck
lants daer af altyt scadeloos quythouden ende ontheffen zelen
sonder eenich wederseggen, de welke gelooften alsoe
volstentelic tander houden om der meerder zekerheyt den voerscreven
Janne ende synen wive daer af te doen doen, Soe hebben de
voirgenoemde Henrick ende syn wyf den selven Janne ende synen wive
daer voer verbonden alle haer haeffelike goeden waer die
bevonden zelen worden die zy nu ter tyt hebben ende hier
namaels oic hebben ende vercrigen selen sunderlinge
haerlieder huys metten hove gronde etcetera boven bescreven
opten voirscreven chys ende pacht daer jaerlix voir vutgaende
ut supra tempore simile
Jan de Smet et uxore
Lange, Zuetens. De voirgenoemde Margriete vander Roven met Henricken
de Coninck haeren man heeft opgedragen ende overgegeven
vut saken van wysselingen voir anderen erffelicheit tot behoef
vanden voerscreven Janne de Smet ende Gheertruyden Spoelbroech
synen wive haer vyfstedeel van eenen stuck lants metten gronde
etcetera houdende een luttel meer dan een buendere, gelegen tot
Heffene te male tusschen te sHeerenstrate aldaer aen deen
zyde, Gielis vander Reven erve aen dander zyde ende der voerscreven
Henricx ende syns wyfs huys aldaer aende derde zyde streckende
achterweerts metten eenen eynde tot Jans van Battele erve toe
daer af dander vier vyfstedeelen den selven Janne de Smet
ende synen wive toebehaeren. A Domino Mechliniensi, Waranderende. Op eenen scellingest:t;
scellinge Loevens vuten voerscreven geheelen stuck lants ende vuten
der voergenoemde Henricx ende syns wyfs huys metten hove voirgenoemde
jaerlix gaende Ende op alsulken last dat tselve vyfstedeel
vanden voirgenoemde stuck lants medepant bliven sal van twee
veertelen Rogs erffelix pachts gaende jaerlix vuten
huyse metten hove ende geheelen stuck lants voirgenoemt
ut supra tempore simile
Willem de Weend heeft vercocht Janne vanden Kerchove tot
behoef vander Cellen der bruederen int Gruenendal, Eenen beempt met
eender straten alsoe hy ende syne ouden altyt dien metter selver straten
gehouden ende beseten hebben ende oic metten gronde etcetera gelegen tot Muysene
inde stratest:t; int ende vander Donct straten vander de