Blader door transcripties » Stadsarchief Mechelen

archieftoegang 2, inventarisnummer 952, pagina 78

Joerdaen vanden Dycke
Stocman, Zoeten. Hubrecht vanden Dycke ende Jacop Robyns van des
vaders wegen ende Jan van Ryemen ende Jan Lemmens diemen heet
inde Croene vander moeder wegen, als momboeren ende inden name
van Joerdaen Laureys, Barblen ende Lysbetten vanden Dycke, wettige
kynderen van Joerdaen vanden Dycke ende van wylen Barblen
van Roemen synen jersten wive, die zyst:t; onder haer jaeren etcetera wesen
die zy by bywesen wetene ende consente vanden voerscreven Joerdaen
soon in hen vervingen, hebben Quytgesconden los vry ende ledich
den voirgenoemde Joerdaen vanden Dycke den vader van allen der
haeffeliken goeden, die den voirgenoemde kynderen vanden Dycke
byder doot vander voirgenoemde wylen Barblen van Ryemen haere moeder
in eeniger manieren gebleven, toecomen ende verstorven zyn ende
alle andere dies quitancie behoeven
VII marty
seken es hebben
de selve
de contractus debet
de consens onden
coeder quy hoc
XXVIen die men
January anne
Pe consens
Cort
Barber
#
Item. De voirgenoemde Joerdaen vanden Dycke de vader dat
den voergenoemde Joerdaen vanden Dycke synen soon, sessendertich
gouden keurvorsters Rynsgulden, Te betalene bynnen eenen
cur tyts nu naestcomende, Ende dair voir heeft hy verbonden
ende te pande geset alle syne haeffelike goeden waer die
bevonden zelen worden, die hy nu tertyt heeft ende hier
namaels oic hebben ende vercrigen sal
ut supra
Jehanne van Eyndont
Voesdonck, Stocman. Willem Luyten heeft bewesene, Jehannen van Eyndove
Peters van Eyndont dochter, Twee gouden Peters elken van dien
tot sessendertich groten Vlaems gelts gerekent erffelix chys Te
heffene altyt tot Sinte tot twee terminen Te wetene deen helft
tot Sinte Jansmisse ende dander helft tot Kersmisse, dair af den
jersten termyn van betalingen zyn sal tot Sinte Jansmisse
naestcomende, Op ende aen des voerscreven Willems huys metten
gronde etcetera gelegen opten hoeck vander derde Vleeschouwersstrate
tusschen deselve aen deen zyde ende der weduen ende kynderen
erve van wylen Janne vanden Eynde aen dander zyde. A Domino Mechliniensi,
Waranderende etcetera. Op seven pond paymentsst:t; seventhien pondt
payments, Seven gouden Peters elkenst:t; vanden den voerscreven pryse ende
vier gouden Andries gulden, elken van dien tot veertich groten
Vlaems gelts gerekent daervoir vutgaende
ut supra
Jo vanden Beke
Voesdonck, Hulst. Heer ende Meester Andries Loort priester heeft Opgedragen
ende overgegeven tot behoef van Jacopen vanden Velde, alle de erffelike goeden
metten gronde etcetera bynnen ende buyten der stad ende vryheit van Mechelen wesende
ende gelegen, die den voirgenoemde heeren ende Meesteren Andries byder doot van wylen
Lysbetten Loort synder zuster, ende desselfs Jacops vanden Velde wive doen zy
leefde, in eeniger manieren gebleven toecomen ende verstorven moegen zyn. A Domino Mechliniensi,
Waranderende etcetera. Ende heeft dair tot de selve heer ende Meester Andries Quytgesconden
los vry ende ledich, den selven Jacoppen synen zwager van allen den haeffeliken
goeden, die hem oic by synder voerscreven zuster doot, oic gebleven ende verstorven
zyn ende alle andere dies quitancie behoeven geheelic ende al
VI may
goidshuys van Blydenberge
dat de voerscreven haeren
Meester Andries dien
den voerscreven erffeliken
gecomen
chys voedst:t; woude
ende vuterlic begeert
Voesdonck, Hulst.
Item. De voirgenoemde Jacop vanden Velde, heeft inde stad ende voir den afcoop dat
hy tegen den voerscreven heeren ende meesteren Andries gedaen heeft van allen der
ende gelegen, die den selven heeren ende Meester Andries byder doot vander voerscreven
haeffeliken ende erffeliken goeden, bynnen ende buyten der voerscreven stad wesene
wylen Lysbetten Loort synder zuster ende des voerscreven Jacops wive, gebleven
ende verstorven zyn, bewesen den selven heeren ende Meesteren Andries tot
behoef des godshuys van Blydenberge van Onser Liever Vrouwen van Syon
staende buyten der Nonnen poirten, neghen gouden Andries gulden ende
eenen halven elken van dien tot veertich groten Vlaems gelts gerekent, erffelicx
chys, Te heffene altyt opten twintichsten dach van April, Op ende aen
Twee
des voerscreven Jacops huysen metten hoven gronde etcetera gelegen inde Augustynstrate
opten vlyet aldair deen neven dandere tusschen den selven vliet aen deen
zijde ende Anthoenis Bollens erve aen dander zyde. A Domino Mechliniensi, Waranderende.
Opte weerde van twaelf scellingen groten Brabants gelts daervoir vutgaende
Behoudelic dien, dat de voerscreven Jacop sal moegen lossen ende quiten, de voirgenoemde
neghen gouden Andries gulden ende eenen halvenst:t; des voerscreven chys, altyt als
hem dat gelieven sal tot eenen male ende elken van dien met sestien geliker
gulden eens met vollen chyse ende met alsulken penningen, als op desen dach
datmen van desen brieve, by ordinancien van onsen genest:t; een ende vander
staten van haeren landen, inder voerscreven stad cours ende ganck hebben, dair voir
te betalen, met alsulker condicien, dat de mater ende tgemeyn convent
van Syn voiren
vanden voerscreven goidshuyse, ten eeuwigen dagen, zelen doen doen ende
celebreren alle sondaghe int selve goidshuys een mysse vanden dage, Ende
dat zy oic aldaer zelen doen doen, een jaergetyde, opten sesthienden dach
van Junio eeuwelic duerende, ende beden altytst:t; ende dat voir de zalicheit
vanden zelen vanden voerscreven heeren ende meesteren Andries vander voerscreven
wylen Lysbetten zynder zuster ende van hueren ouderen ende bruederen ende zusteren
ende bedden altyt voir haer alder zielen, Ende oft gebeurde, dat de voerscreven
Jacop vanden Velde, oft de besitteren vanden voerscreven huysen in toecomende tyden
queten
den voerscreven erffeliken chys en ende losten, dat de alsdan de voerscreven