Blader door transcripties » Stadsarchief Mechelen

archieftoegang 2, inventarisnummer 952, pagina 73

die te betalene altyt tot twee terminen, Te wetene deen helft dair
af tot Kersmisse ende dander helft tot Sinte Jansmisse, dairaff
den jersten termyn van betalingen zyn sal tot Sinte Jansst:t; tot Kersmisse
naestcomende, Ende opten voirchys vanden Sesse gouden Rynsgulden
met alsulker condicien, dat de voirgenoemde Adriaen van Battele sal mogen
vanden voerscreven pryse, Ende vander weerden van Achtentwintich scellingen
neghen penningen ende eenentwintich myten Brabants gelts, dair vutgaende
lossen ende quiten altyt als hem dat gelieven sal, de voergenoemde veerthien
gouden Andries gulden des voerscreven chys, met vier gulden van dien
te male ende niet min ende elken gulden dairaff met sesthien
geliker guldenen eens ende met vollen chyse, Ende om der meerst:t;
zekerheit, den voirgenoemde Joosst:t;
de
XX aprilis tempore simile
Jan Schoof
Borch, Voerden, Claes Schoof, wylen Jan Schoofs soone, heeft Terve
gegeven Janne Schoof synen brueder, Syne huysingen ende erve
metten hoven plaetsen stallen gronde ende allen anderen haeren toebehoerten
gelegen inde de dairmen geplegen heeft de munte te houden gelegen
inde Aedegeemstrate tusschen een erve geheeten den Kempe, toehoerende
Gommaren de Poirtere aen deen zyde ende ten erve geheeten den Lepelere toehoerende
Merten de Reyere aen dander zyde, hen streckende achterweerts met
twee poortkens tot in een strate aldair ende oic tot aen des voerscreven Jans
Schoofs zyns brueders erve, met allen den anderen de zyden, gelyc ende in
alle der manieren, den voergenoemde Claesen by eender scheydingen ende deylingen
tusschen henlieden by vrienden ende magen gemaect alle de voirgenoemde
huysingen ende erven, aengescheyden ende aengedeylt zyn geweest. A Domino Mechliniensi,
Te besittene op eenen erffeliken chys van Twintich gouden Andries
gulden, te wetene veertich groten Vlaems gelts van alsulken pryse als
die nu tyt ganck hebben tot elken tyde van betalingen die cours
ende ganck hebben zelen, elken van dien gerekent, Ende die te betalene
altyt tot Sinte Jansmisse dairaff den jersten termyn van betalingen zyn
sal van Sinte Jansmisse naestcomende, over een jair dair naer volgende
Ende opten voirchys van twaelf scellinge ende sesse penninge groten
Brabants gelts dair vutgaende, met alsulker condicien dat de
voirgenoemde Jan Schoof sal moegen lossen ende quiten altyt als hem dat
gelieven sal, de voirgenoemde twintich gouden Andries gulden des
voirscreven chys, met twee gulden van dien te male ende niet man
ende elken dairaff met sesthien geliker gulden vander voirscreven weerden
eens met vollen chyse, dair voir te betalen
ut supra
Jans van Hevere
Katlyne vander Beke wedue
Hulst, Zoeten. Jan Berthout heeft gelooft voir hem zyn hoir ende
nacomelingen, Te geven te betalen ende bynnen Mechelen te leveren
Hevere
tot behoef van
Wouteren vander Beke Kathelinen vander Beke weduen van wylen Janne vander Best:t; tot haeren
huyse, vierentwintich veertelen Rogs goede ende custbaer Mechelscher
elken veertelen
maten, op eenen halven stuver naest den besten, totten termynen hier
naer volgende Te wetene de Sesse veertelen, dairaf tusschen dit
ende Bamisse naestcomende, Ende dander achtien veertelen Rogs
dairaf tot Sinte Martensmisse dair naer ter stont volgende, om
welke gelooften alsoe volstentelic tonderhoudene, Ende om der
meerder zekerheit der voerscreven weduen dairaf te doene
Soe heeft hy dair voir verbonden ende te pande geset alle synen
haeffelike goeden waer die bevonden zelen worden, die hy nu
tertyt heeft ende hier namaels oic hebben ende vercrigen sal
XXVI aprilis
Aert van Diest
Stocman, Zoeten. Martine vander Wilghen met Anthoenis Bernaerts, ende
Anthonyne vander Wilghen haer zuster met Gielis vander Byest haeren mannen
hebben vercocht Aerden van Diest commoingmeester van deser stadt
Een stuck lants geheeten, Eertwyblocx ende een stuck beempts geheeten deen
Nederham metten gronde etcetera houdende tsamen omtrent vier buenderen, gelegen deen
neven dander tot Hevere inde Nederstrate by tHof geheeten tHof ter Eyken, tusschen
Peter Caluwaerts erve aen deen zyde ende Gielis Vrancx erve aen dander
zyde streckende achterweerts totter weduen erve van wylen Anthoenis
Booms. A Beato Rumoldo, Waranderende. Op drie pond vyfthien scellinge groten
Brabants gelts dair vutgaende
Assignavi
XVIIa aprilis
Peter vanden Vekent ende
zyn wyf
Borch, Hulst. Peter vanden Vekene ende Lysbeth sMolders syn wyf seggende
dat zy gheen wettige kynderen en hadden, Ende hebben dair om gewilt ende
openbaerlic voir ons geordineert, dat alle haer bydenst:t; de langhstlevende van
hen beyden, soe lange die alsdan leven sal, paysselic ende vredelic sal
gebruyken, alle de haeffeliker ende erffeliker goeden bynnen etcetera wesende ende
gelegen, die zy nu tertyt hebben ende hier namaels oic hebben ende vercrigen
zelen, Ende metten selven haeffeliken goeden, in synder noot moegen
disponeren ende ordineren, den wederseggen van iemande ende oic den rechten
ende custumen dair af ter contrarien onderhouden niet tegenstaende
Behoudelic dien, dat alle de voirgenoemde goeden, na des langhstlevende
doot vanden voerscreven Peteren ende synen wive blivende, toecomen ende versterven
zelen, haeren gerechten erfgenamen, dien die goeden na den rechte
vander voerscreven stad sculdich zelen zyn toe te comen ende te sterven oft
den ghenen, dien zy de selve goeden samentlic met testamente oft
anderssins geven ende maken zelen, welke ordinancie wy ende oic lange tot
Vos heylinc Stocman, et Zoeten, onse medescepenen by crachte vanden
statute tanderen tyden daerop gemaect geconfirmeert ende geapprobeert hebben, Ende
by onsen ordinaerder macht confirmeren ende approberen alle argelist vutgescheyden
ut supra