Blader door transcripties » Stadsarchief Mechelen

archieftoegang 2, inventarisnummer 952, pagina 47

Jan vanden Campe
Hulst, Zoeten. Jan Loekens voir deen helft ende Katheline Penne cum te
voir dander helft hebben vercocht, Janne vanden Campe ende Katheline
Weeldekens synen wive, Twee huysen metten hove gronde etcetera gelegen
deen st:t; neven dandere inden Stompaerts hoeck, tusschen des goidshuys
van Blydenberge erve, aen deen zyde ende Jorys vander Strepe erve
aen dander zyde streckende achterweerts totter weduen ende kynderen erve
van wylen Janne de Neve, A monialibus, Waranderende. Op vier pond payments
vier scellinge Loevens, eenen chysgulden, Ende twee gouden Peters elken
van dien tot sessendertich groten Vlaems gelts gerekent, dair vutgaende
patris
poirtert ende
ter contract deele
consens creditoch
op confessor et
anno Peter Confesseurs
quyte XVc may
Item. De voirgenoemde Jan vanden Campe ende syn wyf die den voirscreven
Janne Loekens ende Kathelinen Penne, Acht gouden Andries gulden
elken van dien tot veertich groten Vlaems gelts gerekent Te betalen
tot Sinte Jansmisse naestcomende, Ende daervoir hebben zy verbonden
alle haer haeffelike goeden wair die bevonden zelen worden, die
hy nu ter tyt hebben ende hier namaels oic hebben ende vercregen zelen
Assignavit XVI Rinsgulden eens
supra tempore simile
Heer Jacop Eveloge erve
Kerstiaen
Hulst, Zoeten. Cristinest:t; Sermartens wylen Wouters tSermens soon
heeft hebben Opgedragen ende overgegeven tot behoef van heeren Jacoppen
Eveloege priester, alle syn recht ende deel, dat hy hadde in een
huys metten hove gronde etcetera gelegen inde Rogbroeckstrate
in Onser Vrouwen prochien, tusschen heer Claes vander Steghe diemen
heet van Os oic priesters huys aen deen zyde ende Gielis van
Blarenberge erve aen dander zyde, dwelke, Anthoenis ende Jan
tSermartens synen bruederen in haeren ende in synen namen voir scepenen
van Mechelen tanderen tyden den voerscreven heer Jacoppen vercocht
ende tot sinen behoef verthegen hebben. A Anthonio de Oeyembry, Waranderende
supra tempore simile
Willem ende Katlyne van
Ghestele
Hulst, Zuetens. Katheline Platters cum tutore heeft vercocht Willem
van Ghestelle wylen Joes soon van Grymbergen tot synen ende tot Katheline
van Gestele zynder zuster behoef, Acht gouden Andries gulden, elken
van dien tot veertich groten Vlaems gelts gerekent erffelix chys Te
heffene altyt tot Kersmisse Op ende aen der voerscreven Kathelinen
Twee huysen metter plaetsen gronde etcetera gelegen deen neven dander
Onsen Vrouwen strate tusschen Godevaerts vander Ouder Aa
erve aen deen zyde ende Henrick van Lymbosch erve aen dander
zijde. A Domino Mechliniensi, Waranderende. Op twee gulden van Florencien
thien oude groten Turnoyse twee capuynen ende vierenveertich scellinge
payments, dair voir vutgaende
Assignavit XVI
XII January tempore simile
Jan Mathys
Hulst, Zoetens. Adrien Hagens heeft vercocht Janne Mathys onderspreke
de helft van Eenen huyse metten gronde etcetera gelegen in Onser Vrouwen
strate tusschen de voerscreven Adriaens erve aen deen zyde ende Margrieten
de Prediceren erve aen dander zyde. A Domino Mechliniensi. Op een pond payments
twaelf
acht chysguldenen ende drie gouden Rynsguldenen elken van dien tot
veertich groten Vlaems gelts gerekent vuten voirscreven geheelen huyse jaerlic
gaende
XII January tempore simile
Jacop Robbyns ende Hubrecht de Monnick van svaders
wegen, ende heer Symoen Roebosch priester ende Jan Roebosch syn brueder
vander moeder wegen als momboeren ende inden name van Janne Lysbetten
ende Kathelinen Boys, Henrick Boys ende wylen Lysbetten Roebosch zyns
wyfs kynderen infra annos quos in se sustepoirt hebben Quytgesconden
los vry ende ledich, den selven Henricken Boys de voerscreven kynderen vader
van allen den haeffeliken goeden, die henlieden byder doot vanden
voerscreven wylen Lysbetten huere moeder ende desselfs Henrix wyf daer
zy leefde in eeniger manieren toecomen gebleven ende verstorven zyn ende
alle andere dies quitancie behoeven
Jorys Coesaert
Stocman, Zuetens. Jan vander Eyken de jonge heeft bekent ende geleden dat
hem Jorys Consaert voldaen gepaeyt ende gecontenteert heeft van alsulken
gelooften, als de selve Jorys hem tanderen tyden gedaen heeft te weten, de
dat
met alsulke penningen als Jan vander Eyken zyn vader ontfangen hadde vanden
coepe van eenen huyse geheeten tSteenken inde Kerfferstrate gelegen, dat
de selve zyn vader sonder zyn consent vercocht hadde, als dat de selve
Torys aenden selven synen vader alsoe vele doen zoude dat hy de penningenst:t;
wederom aen erffelike renten aenleggen goede ende tot synen behoef gecocht
sonder worden, Ende heeft dairaf, de selve Jan ende van allest:t;
ende van al tgene des hy den selven Jorysen vut zaken van dien soude mogen
heysschen, Quytgesconden los vry ende ledich den selven Joorysen ende alle
andere dies quitancie behoeven geheelic ende al
XIII January
Gielis Boydens
Vos, Stocman. Jan Hoevens heeft vercocht Gielis Boydens, Eenen hof metten
gronde etcetera gelegen inde Kerchofstrate byde poirte aldaer, tusschen des Heylichs
Geests erve van Sinte Jans bynnen Mechelen aen deen zyde ende Jans de Ruyssche
erve aen dander zyde. A Domino Mechliniensi, Waranderende. Op eenen capuyn vier scellinge
Loevens ende ae een pond payments daer vutgaende
Assignavit IX Rinsgulden eens
ut supra tempore simile