Blader door transcripties » Stadsarchief Mechelen

archieftoegang 2, inventarisnummer 952, pagina 39

de voirscreven Jan Remeys ende Barble sWeens syn
tot behoef de ten live van
wyf hebben vercocht Dignen van Steensele ende weduwen
van wylen Willem van Lent ende oic tot behoef ende ten live van Hamme
van Lent haeren sone, die sy vanden voirscreven wylen als
Adam Cluyts
Hane
Hulst, Stockman. Ays de Coninck heeft opgedragen zyn tocht die
zy hadde int vierendeel van Eenen huyse metten hove gronde etcetera gelegen
tot Neckerspoele inde Rechtstrate opten hoeck vander cleynder
Scheffortstraten, tusschen de selve aen deen zyde ende wylen Aerts
van Nuffle erve aen dander zyde. A Domino Mechliniensi. Ende vierendeel
van Eenen huyse met eender cleynder plaetsen gronde etcetera gelegen
inden Nieuwen Bruel, achter thuys den Aer geheeten, tusse tusschen
Meester Bertelmeus de Feenre erve aen deen zyde ende Annen sPeters
erve aen dander zyde. A beneficiaten de Zellaer, Juravit tot behoef van
Janne de Coninck synen neve daer ierst inne geerft waerdt, Ende dair naer
heeft de selve Jan de Coninck vercocht Adam Cluyts ende Lysbetten
sConincx synen wive, tvoirgenoemde vierendeel vanden voirgenoemde huyse
Twee huysen met haeren voirscreven toebehoirten boven gescreven, Waranderende etcetera
Assignavit XVI Rinsgulden eens
VIsuper:t; decembris
Larys de Coninck
Item. De voergenoemde Adam Cluyts ende Lysbeth syn wyf, hebben bewesen
den voerscreven Larys de Coninck der selver Lysbetten vader, Syn tocht
int vierendeel vanden voirgenoemde huysen twee huysen met haeren voirscreven toebehoerten
zyn leven lanck geduerende paysselic ende vredelic te gebruykene
ut supra
Jan Vleming
Hulst, Stocman. Jan van Fonteynen, heeft vercocht Janne Vleming, thien
de gouden Rynsgulden, elken van dien tot veertich groten Vlaems gelts gerekent
erffelix chys, die hy hadde Op ende aen alle trecht ende deel, dat de
voerscreven Jan Vleming ende Jan de Vos hebben ende dat zy tanderen tyden tegen
Olivier van Gheringen gecocht ende gecregen hebben ende dat oic den selven
Olivier byder doot van wylen Cornelis van Gheringen synen ouder vader
gebleven ende verstorven is, in alle de haeffelike ende erffelike goeden
metten gronde etcetera bynnen etcetera wesende ende gelegen, naer der doot vanden
selven wylen Cornelis gebleven. A Domino Mechliniensi, Waranderende etcetera.
onder
Claes Coens
Hulst, Stocman. Jan ende Willem Coens gebruederen ende Digne Coens jaerlic
zuster met Willem van Blydenberge haeren man, Ende oic, Margriete Coens
oic haerlieder zuster met Rommonden vanden Broeke haeren man, hebben
Quytgesconden los vry ende ledich, Claesen Coens haerlieder vader van
allen den haeffeliken goeden, die henlieden byder doot van wylen
Magrieten vanden Wekere haere moeder ende desselfs Claes wyf
doen zy leefde, in eeniger manieren toecomen gebleven ende verstorven
zyn ende alle andere dies quitancie behoeven
X decembry
Sevens van Steende
Hulst, Stocman. Jan Gommaers voir deen helft ende Jehanne vander Heyden
met Symoen, Coecke ende Heylwych vander Heyden, der selver Jehannen
zuster met Janne Ruymelant haeren mannen, voir dander helft, hebben
vercocht Bartelmeus van Sintruyden, Een huys metten hove
gronde etcetera gelegen over de Corenmarct inde Hooghstrate tusschen
Aerts vanden Steene erve aen deen zyde ende Jans van Rogbroeck erve
aen dander zyde streckende achterweerts totten hove van Milze
Ab Anthonio de Oeyenbrugge, Waranderende. Opte weerde van dertich
scellingen ende seven penningen groten Brabants gelts daer vutgaende
Assignavit XXII gulden
ut supra tempore
Jan Kerman
Vos Stockman, zuster Margriete van Appeleren prise vanden
infermarien staende by vanden anden beghynen staende buyten
den beghynhove van deser stad by bywesene ende volcomen consente
van Janne de Langhe den ouden proviseur vander selver infirmarien
heeft vercocht Janne Kerman, heeren Philips Kermans Ridders
natuerlic soon, ende derdendeel van eenen huyse metten hove
ander
gronde etcetera gelegen daeraf de twee derdendeelen deselven
Janne toebehoeren, gelegen inde Corte Byest tusschen Henrick
van Haech erve aen deen zyde ende Lancelloots de Vooght
erve aen dander zyde. A Junio de Poirtere, Waranderende. Op
twee chysgulden vutenst:t; vuten geheelen huyse jaerlycx
gaende
XV decembris
^
Jouffrou Jehanne vanden
Woelputte
Lange, Gheylinc. Jouffrou Jehanne vanden Woelputte beghyne heeft verreyct een
huys drie huysen metten gronde etcetera, die Kathelinen Stuers Jacops vanden Eynde
wive toe plagen te hoeren, gelegen deen zy neven dander inde jersten
Vleeschouwersstrate er opten hoeck van eenen cleynen straetken aldaer aen dest:t; tusschen
tselve aen deen zyde ende der weduen ende kynts erve van wylen Gielis vander Gracht
diemen heet van Aelst aen dander zyde
Ex censu
ut supra
Borch, Stocman. Thomaes de Hertoge, heeft gegeven ende bewesen in promocie
vanden priesterliken staende state van Lenaert de Hertoge synen sone tot sinen
live, thien gouden Andries gulden, elken van dien tot veertich groten Vlaems
gelts gerekent jaerliker lyfpensien Te heffene altyt tot Kersmisse, dairaff den
jersten termyn van betalingen syn sal van Kersmisse naestcomende over een jaer daer