Blader door transcripties » Stadsarchief Mechelen

archieftoegang 2, inventarisnummer 952, pagina 37

tonderhoudene, Ende om der meerder zekerheit der selve Alyt ende
haer dochter dairaf te doene, Soe heeft de voerscreven Meester Arthur
der selver Alyt tot haeren ende de selve haer dochter behoef in tytule van
gewarigen pande dair voir verbonden ende te pande geset, Syn
Sesse gouden Rynsgulden vanden voerscreven pryse erffelicx
chys, die zy heeft, Op een huys metten hove gronde ende allen
anderen synen toebehoerten, Duerendale geheeten, toebehoerende Adriaen
vanden Broeke diemen heeft missche gelegen opte Vischmarct
van Mechelen, tusschen desselfs Adriaens huys geheeten de Mermyne
aen deen zyde ende thuys dWout geheeten toebehoerende jouffrou
Kathelinen Bacx aen dander zyde. A Domino Mechliniensi, Waranderende etcetera.
XXIIII novembris
Meester Clare
Borch, Voesdonck. Claes vander Stock tot behoef vanden goidshuyse
van Sinte Claren bynnen Bruessel, heeft verreyct Twee huysen
metten gronde etcetera die wylen Godevaert de Vryese toe plagen te hoiren
gelegen deen neven dander inde Tweede Vleeschouwersstrate tusschen
Ex censu
supra
Heer Gielis de Ronde priester heeft vercocht Claes
van Post, Een stuck lants metten gronde etcetera houdende omtrent een buender
synen goeyheer
dat wylen Janne vander Byest diemen heet vander Meere toe plach te hoeren
ende dat de selven heer Gielissen by synder doot toecomen ende verstorven is
gelegen tot Gheerdegeem int Broeck geheeten overlake, tusschen des huys
der weduen ende kynderen erve van wylen heer Anthoenis vander Aa Ridders
erve aen deen zyde ende den Dycke aldair, aen dander zyde. A Domino Mechliniensi,
Waranderende. Op sonder eenigen last van chyse oft anderen commer dair vutgaende
Assignavit XLV Peters eens
Jan van Goubergen
Voesdonc, Stocman. Henrick vanden Broeke van svaders wegen, ende Jan Verlaet
diemen heet Wageman ende Gregoris de Roeve vander moeder wegen, als
momboeren ende inden name van Janne ende Gielisen van Goubergen, Jans kynderen
die hy hadde van wylen Kathelinen Paridaens synen jersten wive infra annos
etcetera dat sy in hen vervest:t; tegewoirdicheiden, nochtan vanden selve Janne van
Goubergen den jongen in hen vervingen, hebben Quytgesconden los
vry ende ledich, den voergenoemde Janne van Goubergen, den vader van allen
den haeffeliken goeden, die hy byder doot van wylen Peteren ende Claes
van Goubergen haeren halven brueder ende zuster, die deselve Jan de vader
van wylen Dignen Scilleman twee synen tweeden wive vercregen
hadde, in eeniger manieren toecomen gebleven ende verstorven moegen
zyn ende alle andere dies quitancie behoeven geheelic ende al
XXVI novembris
Jan de Lange
Helt, Gielman. Heer Gielis de Ronde priester heeft vercocht Janne de
lange den jongen onsen medescepen, Een stuck broeclants metten gronde etcetera
houdende omtrent een buender, dat wylen Janne vander Byest diemen heet
vander Mere ter plachte hovest:t; synen goeyheere toe plach te hoeren, ende dat
hem by synder doot toecomen ende verstorven es gelegen tot Gheerdegeem
int Broeck geheeten overlake, tusschen der weduen ende kynderen erve van
wylen heer Anthoenis vander Aa Ridders, aen deen zyde ende den
Dyck aldair aen dander zyde. A Domino Mechliniensi, Waranderende. Sonder eenigen last
van chyse oft aenst:t; over dair vutgaende
Assignavit XLV Peters eens
XXVI novembris
Gielis de Meyere
Item. Heer Kerstiaen Lyedekens priester voir hem selven ende inden name
van Rommonden Lyedeken synen broeder absent ende buyten lants wesene, die hy
in hem verving, Ende Katheline Lyedekens syn zuster, hebben Quytgesconden
los vry ende ledich, Gielis de Meyere van allen alsulken haeffeliken
goeden, als hen byder doot van wylen Margrieten sMeyers des voerscreven
Gielis dochter, dair nochter af was wylen Lysbeth Lyedekens des voerscreven
Heer Kerstiaens Rommonds ende Kathelinen Lyedekens zuster doen zy leefde
haer nichten, in eeniger manieren toecomen gebleven ende verstorven zyn
ende alle andere dies quitancie behoeven geheelic ende al
ut supra
Meeter Hubrecht Welmans
Hulst, hierinck. Lysbeth Loys wettige docht van Peteren al van wylen
Lysbetten vander Hayct synen wive, met Laureys Sanders haeren wettigen man ende
momboir, heeft vercocht, Meester Hubrecht Weelmans docteur int Boys
haer vierendeel dat zy hadde in driendertich scellingen ouder groten Turnoyse
vander munten etcetera jaerliker ende erffeliker renten, Opte stad van Mechelen
Ende dat haer byder doot vander voirgenoemde wylen Lysbetten haere moeder
gebleven toecomen ende verstorven es, vallende jaerlix voir deen helft, opten
Tweeden dach van meerte, Ende voir dander helft opten tweeden dach
van Septembry gelyc dat byden brieve opte voirgenoemde erfrente gemaect
daer aen de kerken es
clairliker Wyct. Ac Renunciavit et promisit, Waranderende ut in forma, Ende
tot desen heeft Jacop Robyns een der rentmeesters vander voerscreven stad
behoudelic der selver stad dair inne haeren rechte syn consent gegeven
XVII novembris
Jan Goeyheers
Hulst, Gheylinck. Margriete wettige dochter van wylen Gielman Smet
diemen heet int Molenyser met Hubrechten de Monick haeren man, heeft
Terve gegeven, Janne Goeyheers, Twee huysen oft woeningen met eender
schueren, ende oic metten hove gronde ende allen anderen hueren toebehoirten, houden
tsamen omtrent anderhalf vierendeel, gelegen buyten der Oeversterpoirten
tusschen Aerts vanden Scryeke erve aen deen zyde ende Jans vander
Stichelen ende verbonden Crabs erven aen dander zyde ende des Heeren strate